1 SAMUEL 30:6 - Ombibeli Iyapuki

⁶ Ndele David okwa li moudjuu muhapu, osheshi ovakwaita va popya kutya na dipawe nomamanya. Osheshi eemwenyo dovakwaita aveshe da li di udite ouyehame, keshe umwe molwovana ovamati vaye noukadona vaye. Ndelenee David okwe lipameka mOmwene Kalunga kaye.

1 SAMUEL 30:6 ပူးပေါင်းရင်းမြစ်များ

GENESIS 32:7

Opo nee Jakob okwa tila unene nokwa kwatwa koumbada, ndele ye okwa tukula ovanhu ava va li puye nosho yo eedi noikombo neengobe neengamelo meenhanda mbali.

2 SAMUEL 17:8

Husai okwa tya vali: “Ove u shi shii nokutya, xo novalumenhu vaye vo ovaladi, ndele ve neemwenyo di nehandu ngaashi emwangha la kufwa oumwanghona valo mofuka. Navali: Xo omukwaitelela, ye novakwaita vaye itava tulumukwa oufiku.

2 EEHAMBA 4:27

Ndele ye eshi e uya komhunda, komulumenhu waKalunga, ye okwa kwata eemhadi daye. Ndele Gehasi e uya e mu kandule po. Ndelenee omulumenhu waKalunga ta ti: “Mu efa, osheshi omwenyo waye wa nyika oufiye unene muye, nOmwene e shi holeka nge, ndele ine shi shiivifila nge.”

JOB 13:15

Taleni, nande Ye a hala okudipaa nge, Oye handi mu lineekele. Nda hala ashike okupopila okweenda kwange koshipala shaye.

OMAPSALOME 116:10

Onda itavela, onghee handi popi: “Onda findilwa unene poshi;”

OMAPSALOME 138:3

Eshi nda li nde ku ifana owa uda nge owa dika nge, onyati, omwenyo wange wa mona eenghono.

OMAPSALOME 18:2

Omwene Oye emanya lange la pama, nohotengulu yange, nomuxupifi wange. Kalunga kange Oye omhunda yange yehondamo oko handi tondokele, Oye oshikelelifo shange, noluvinga lexupifo lange, nohote ya kolelela.

OMAPSALOME 18:6

Moudjuu wange nda ifana Omwene, nda kuwila Kalunga kange onghuwo. Ye okwa uda ondaka yange motembeli yaye, nonghuwo yange ya fika momatwi aye.

OMAPSALOME 25:17

Omatilifohodi omomutima wange a hapupala; kufe nge mo moudjuu wange.

OMAPSALOME 27:14

Teelela kOmwene! Kala wa yombama, omutima woye inau mbadapala; heeno, teelela kOmwene.

OMAPSALOME 31:24

Kaleni nomwenyo muwa, nomitima deni nadi tiluluke, nye amushe ava hamu teelele Omwene!

OMAPSALOME 42:11

Omwenyo wange, oshike wa polimana ngaha, ndele to nhukauka meni lange uhe na efudo? Teelela Kalunga! Osheshi natango tuu handi ke mu hambelela, Omuxupifi wange naKalunga kange.

OMAPSALOME 42:5

Omwenyo wange, oshike wa polimanena ngaha, ndele to nhukauka meni lange uhe na efudepo? Teelela Kalunga! Osheshi natango tuu handi ke mu hambelela, Omuxupifi wange

OMAPSALOME 42:7

Meenghungulukilo doye oulemeva umwe otau ifana oulemeva ukwao; omakufikufi oye aeshe nomandwafuko oye okwe uya kombada yomutwe wange.

OMAPSALOME 56:11

Oye handi mu lineekele ndele ihandi tila. Ovanhu otava ningi nge shike!

OMAPSALOME 62:1

Kalunga Oye aeke omwenyo wange tau mu teelele mengungumano, kuye otaku di ekwafo lange;

OMAPSALOME 62:5

Lota, muKalunga amuke, omwenyo wange, osheshi kuye otaku di eteelelo lange;

OMAPSALOME 71:4

Kalunga kange, mangulule nge meke lomuhenakalunga, meengonyo domukolokoshi nomumonifi woixuna!

OMAPSALOME 71:5

Osheshi Oove elineekelo lange, Omwene, Kalunga kange, Oove omulineekelwa wange, nghee nda dja mounona wange.

EXODUS 17:4

Opo nee Moses okwa kuwa kOmwene ndele ta ti: “Oshiwana eshi ohandi shi ningile shike? Hinga tava dipaa nge nomamanya.”

OMAYELETUMBULO 18:10

Edina lOmwene olo oshungongulu ya pama. Omuyuki ta hondama mo ndele ta amenwa.

JESAJA 25:4

Osheshi Ove wa kala ohotengulu yovafyoona, heeno, ohotengulu yohepele moluhepo layo, ehondamenongulu lokuyaama odula, nomudile woshinhwi shomutenya, osheshi ehandu lovakolokoshi ongaashi oshikungulu tashi lidenge mekuma.

JEREMIA 16:19

Omwene, Oove eenghono dange neameno lange noshihondameno shange mefiku loudjuu! Oiwana aishe tai uya kwoove tai di kominghulo dedu ndele tai ti: Omakoto ongaho ootatekulu ve a fyuulula, oikalunga yongaho, muyo kamu na nande shimwe tashi dulu okukwafa.

JONA 2:2

“Moudjuu wange onda kuwa kOmwene, ndele Ye a uda nge. Moshovafi onda kuwa onghuwo, Ove owa uda ondaka yange.

NUMERI 14:10

Opo nee eongalo alishe la hala oku va dipaa nomamanya. Ndelenee oshinge shOmwene osha holoka metwali leongalo moipafi yovana aveshe vaIsrael.

MATEUS 21:9

Ndele eengudu dovanhu, ovo va kwatela komesho naavo ve mu shikula, ova ingida mokule tava ti: “Hosianna Omona waDavid! Na nangekwe noupuna, ou te uya medina lOmwene. Hosianna omokombada!”

MATEUS 27:22

Pilatus ta ti kuvo: “Jesus ou, haku tiwa Kristus, ohandi mu ningi ngahelipi?” Ovo aveshe ova tya: “Na valelwe komushiyakano!”

JOHANNES 8:59

Opo vo ova toola omamanya ve mu kupule, ndelenee Jesus okwa hondama ndele ta di mo motembeli, ta ende mokati kavo, ta i.

OVAROMA 4:18

Ye okwa li ha diinine eteelelo apa pehe neteelelo, ndele okwa itavela ota ningi xe yoiwana ihapu pandjovo ei: Oludalo loye otali ningi li fike opo,

OVAROMA 4:20

ndele eudaneko laKalunga ine li limbililwa mokuhaitavela, ndelenee a li a pama meitavelo ndele okwa pa Kalunga efimano,

OVAROMA 8:31

Ohatu ti ngahelipi hano apa? Kalunga ngeenge e tu ama, olyelye ta tu ondubo nafye?

2 OVAKORINTO 1:6

Ndelenee ofye ngeenge tu li meefina, otadi ningi exupifo nehekeleko leni, navali, ofye ngeenge hatu hekelekwa, otashi mu etele ehekeleko, notashi mu pameke mu lididimikile omauyehame oo tae tu yehameke yo.

2 OVAKORINTO 4:8

Mwaaishe otu li po twa fininikwa, ndele inatu patekena po, ofye twa limbililwa, ndele inatu kanifa eteelelo,

2 OVAKORINTO 7:5

Osheshi eshi twa fika kuMakedonia, ombelela yetu inai mona nande etulumuko, ndelenee twa fininikwa keembinga adishe: kombada omalwoodi, meni etilo.

OVAHEBERI 13:6

Onghee hano hatu dulu okutya nelineekelo: “Omwene Oye omukwafi wange, ame ihandi tila; omunhu ota dulu okuninga nge shike?”

OVATOKOLIPANGELI 18:25

Ndelenee ovana vaDan tava ti kuye: “Ino tu weelela vali, ovalumenhu vaha handuke noku mu totela, nye otamu kanifa eemwenyo deni vene nodovakweni.”

OVATOKOLIPANGELI 20:22

Ndelenee omatanga ovakwaita, ovalumenhu Ovaisraeli ove linyatipaleka vali okutota monhele tuu oyo va li mefiku lotete.

1 SAMUEL 1:10

Nokwa ilikana Omwene mouyehame ulula nokwa lila nokulililila.

1 SAMUEL 23:16

Opo nee Jonatan yaSaul a fikama ndee ta i kuDavid muHores. Ndele ye e mu nyatipalifa muKalunga,

1 SAMUEL 28:15

Ndele Samuel ta ti kuSaul: “Omolwashike to lipyakidile nge, eshi wa mbadukififa nge mo?” Ndele Saul ta nyamukula: “Ame ondi li moudjuu muhapu unene, osheshi Ovafilisti va homona nge, ndele Kalunga okwa efa nge ndele ita nyamukula nge sha vali movaxunganeki ile meendjodi. Onghee hano nde ku ifana u shiivifile nge nhumbi ndi nokuninga?”