1 SAMUEL 30:16 - Ombibeli Iyapuki

¹⁶ Ndele ye eshi e mu twala ko, venya va li ve lihanena akushe moluhaela, va li tava li ndele tava nu, ndele tava dana oshivilo molwoixuulwa aishe inene ve i kufa moshilongo shOvafilisti nomoshilongo shaJuda.

1 SAMUEL 30:16 ပူးပေါင်းရင်းမြစ်များ

2 SAMUEL 13:28

Ndele Absalom okwa lombwela ovapiya vaye ndele ta ti: “Taleni, omutima waAmnon eshi wa hafifwa komaviinyu ndele ame ohandi mu lombwele: Dipaeni Amnon! Opo nee mu noku mu dipaa. Inamu tila, osheshi ame nde shi mu lombwela. Kaleni mwa pama, ovalumenhwelela!”

1 OMAFIMBO 4:43

Ndele vo ova dipaa oshixupe shovaxupifwa vomuAmalek, ndele va kala ko fiyo onena eli.

JOB 20:5

nokutya, enyaku lovahenakalunga itali kala po nehafo lomukolokoshi olixupi ongepakumo leisho.

OMAPSALOME 119:162

Ohandi hafele eudaneko loye, ngaashi umwe, ou a xuula eexuulwa dihapu.

EXODUS 32:6

Ndele mefiku lomongula va penduka ongula inene ndele va yamba omaxwikiloyambo nova eta omapanduloyambo. Opo nee ovanhu va kala omutumba va lye nova nwe, ndele va fikama okudana.

JESAJA 22:13

Ndelenee tala, omu na ehafo nenyakuko, omatomo eehove nomadipao eedi, okulya ombelela nokunwa omaviinyu, tava ti: “Tu lyeni, fye tu nweni, osheshi mongula ohatu fi.”

JESAJA 9:3

Ove to hapupalifa oshiwana ndele to shi pe enyaku linene; ndele vo otava hafele koshipala shoye, ngaashi tapa hafelwa efiku leteyo nongaashi tapa kuwililwa metukulo loitinhwa.

1 OVATESSALONIKI 5:3

Fimbo tava ti: “Ombili, kape na nande ombili,” opo nee ehanauno tali va vakele, ngaashi omufimba ta hangwa koshifeta, ndele kave na apa tava i onhapo.

JOSUA 22:8

nokwa popya navo ndele ta ti: “Shuneni ko komatwali eni noupuna muhapu neemhunga doimuna noshisiliveli noshingoldo noshikushu noshivela noikutu ihapu. Oixuulwa yokovatondadi veni i liyandjeleni novamwanyoko.”

OVATOKOLIPANGELI 8:11

Ndele Gideon okwa enda nondjila yovakali meefaila, langhele lwokoushilo waNobah naJogbeha, ndele okwa taataa omatanga ovakwaita fimbo omatanga a tulumukwa ehe noshisho.

1 SAMUEL 30:14

Fye twa homona oshilongo shOvakereti kombinga yokoumbuwanhu noshilongo shokoumbuwanhu waJuda noshilongo shokoumbuwanhu waKaleb, ndele twa xwika po Siklag nomundilo.”

1 SAMUEL 30:15

Ndele David te mu pula ta ti: “Ove to twala nge tuu kongudu oyo?” Ye ta ti: “Anene nge puKalunga nokutya, ito dipaa nge ndele ito yandje nge momake omwene wange. Opo nee ame ohandi ke ku twala kongudu oyo.”