1 SAMUEL 3:19 - Ombibeli Iyapuki

¹⁹ Ndele Samuel okwa kula, nOmwene a kala naye. Ndele ye ina efa nande ondjovo imwe yomeendjovo adishe i wile poshi.

1 SAMUEL 3:19 ပူးပေါင်းရင်းမြစ်များ

GENESIS 21:22

Mefimbo tuu olo Abimelek naPikol, ondjai yaye, ova kundafana naAbraham ndele tava ti: “Kalunga ota kala pamwe naave mwaashishe eshi to longo.

GENESIS 28:15

Ndele tala, Ame ondi li pamwe naave, ndele Ame ohandi ke ku amena apeshe apa to i, ndele Ame ohandi ke ku alulila moshilongo eshi. Osheshi Ame itandi ke ku efa, fimbo inandi wanifa eshi nde ku lombwela.”

GENESIS 39:2

Ndele Omwene okwa kala naJosef nokwa li e na elao moilonga yaye aishe nokwa li ha kala meumbo lamwene waye, Omuegipiti.

GENESIS 39:3

Ndele omwene waye okwa mona nokutya, Omwene a kala naye nokwe mu wapalekifa keshe eshi e shi longa.

1 EEHAMBA 8:56

“Omwene na pandulwe, eshi a yandja etulumuko kovanhu vaye Ovaisraeli, ngaashi a tile. Omaudaneko aeshe, e a pa omupiya waye Moses, a wanifwa, inapa kala nande limwe inali wanifwa.

2 EEHAMBA 10:10

Kaleni mu shi shii hano nokutya, ondjovo yOmwene nande imwe itai wile poshi, ondjovo oyo Omwene e i popila epata laAhab; Omwene okwa ninga osho e shi lombwela omupiya waye Elia.”

2 EEHAMBA 15:12

Osho ngaha ondjovo oyo yOmwene e i lombwela Jehu, oya twa, nokutya: “Ovana voye ovamati tava ka kala omutumba kolukalwapangelo laIsrael fiyo okepupi etine.” Nosho sha ningwa.

2 EEHAMBA 22:16

Omwene ta ti ngaha: “Tala, Ame ohandi tumine onhele ei noonakukalamo omupya, heeno, eendjovo adishe domembo, ohamba yaJuda ye li lesha.

JESAJA 43:2

Ngeenge to pitile momeva, Ame ondi li pwoove; ngeenge pe nomilonga domeva itadi ku yelula; ngeenge to pitile momundilo, itau ku lungwinifa, nelaka lomundilo itali ku xwike.

JESAJA 44:26

Aame ou, handi wanifa ondjovo yomupiya wange ndele handi wanifa eenghundafana dovatumwa vange. Aame ou, handi lombwele Jerusalem: Ou na okunangekwa! Noilando yaJuda: Omu na okutungululwa! Ndele Ame handi ka tungulula omakulukuma asho.

JESAJA 55:11

osho yo ondjovo yange tai di mokanya kange: itai alukile kwaame oshimha, ndelenee otai longo osho sha wapalela nge, ndele tai wanifa eshi nde i tumina.

MATEUS 1:23

“Tala, okakadona taka ningi oufimba, ndele taka dala okamati, edina lako nali lukwe Immanuel,” olo tali ti: Kalunga pamwe nafye.

LUKAS 1:28

Ndele omweengeli eshi e uya mo kuye okwa tya: “Kundwa, oove omufilwanghenda! Omwene oku li naave. Oove omunangekwa noupuna mokati kovakainhu.”

LUKAS 1:80

Ndele okaana oka kula ndele oka pama momhepo, ndele oka kala meembuwa fiyo efiku olo a holokela Israel.

LUKAS 2:40

Ndele okaana oka kula ndele oka pama momhepo noka yada ounongo, nonghenda yaKalunga ya kala kombada yako.

LUKAS 2:52

Ndele Jesus okwa kula mounongo nomoukulunhu nomonghenda puKalunga nopovanhu.

2 OVAKORINTO 13:11

Ndele natango, ovamwatate, hafeni, ningeni mwa wana mwa pwa, tambuleni omakumaido, kaleni momhango imwe, diinineni ombili, opo Kalunga kohole nokombili ota kala pamwe nanye.

2 OVAKORINTO 13:14

Efilonghenda lOmwene Jesus Kristus, nohole yaKalunga, noukumwe wOmhepo Iyapuki nau kale pamwe nanye amushe. Amen.

DEUTERONOMION 18:22

Tala, u kale u shi shii: omuxunganeki ngeenge ta popi medina lOmwene ndele eendjovo tadi wanifwa, do itadi ka twa, hano eendjovo odo, Omwene ine di popya. Omuxunganeki okwe di popya nokuhe nohoni, ino mu tila.

2 TIMOTEUS 4:22

Omwene Jesus Kristus na kale nomhepo yoye. Efilonghenda nali kale nanye.

JOSUA 21:45

Ondjovo nande imwe yomeendjovo adishe diwa, Omwene e di popya neumbo laIsrael, ya kala inai wanifwa. Adishe da wanifwa.

OVATOKOLIPANGELI 13:24

Nomwalikadi okwa dala okaana okamati nokwe ka luka Simson. Nokaana ka kula nOmwene e mu nangeka noupuna.

1 SAMUEL 10:7

Nomadidiliko aa eshi a wanifwa, ninga hano eshi u noku shi ninga, osheshi Kalunga e li pamwe naave.

1 SAMUEL 12:2

Ndele taleni, paife ohamba otai ke mu pitila komesho. Ndele ame nda kulupa nda ninga eenghwakutoka, novana vange ovamati ve li apa punye. Ndele ame onde mu pitila komesho okudja kounyasha wange fiyo onena eli.

1 SAMUEL 16:18

Ndele umwe womovapiya okwa nyamukula ta ti: “Tala, ame nda mona omona umwe omumati waIsai, Omubetlehem, ou e shi okushika okaxumbafeta, ndele ye ependa nomukwaita nomunongo mokupopya nokwa shitwa nawa, nOmwene oku li pamwe naye.”

1 SAMUEL 18:12

Ndele Saul okwa tila David, osheshi Omwene okwa li e mu na ndele a fiya po Saul.

1 SAMUEL 18:14

Ndele David okwa li e nelao meendjila daye adishe, osheshi Omwene okwa li e mu na.

1 SAMUEL 18:5

Ndele David okwa ya keshe apa Saul e mu tuma, ndele ye okwa li e nelao, onghee hano Saul e mu lenga a ninge omukulunhu wovakwaita. Osho sha wapalela ovanhu aveshe novapiya vaSaul yo.

1 SAMUEL 2:21

NOmwene okwa dimbulukwa Hanna, onghee ye a ninga oufimba nokwa dala natango ovana vatatu oulume novana vavali oukadona. Nomumati Samuel okwa kula pOmwene.

1 SAMUEL 2:26

Ndelenee omumati Samuel a kula ndele ta wapalele Omwene novanhu.

1 SAMUEL 9:6

Ndele ye okwe mu nyamukula: “Ndelenee tala, moshilando eshi omu nomulumenhu waKalunga, omulumenhu a fimanekwa. Keshe eshi te shi popi, tashi wanifwa. Natu ye ko ashike paife. Kashiimba ota dulu okuholola sha molwondjila ei tu li mo.”