1 SAMUEL 3:14 - Ombibeli Iyapuki

¹⁴ Onghee hano Ame ohandi anene epata laEli. Oshili, oulunde wepata laEli itau ka dimwa po fiyo alushe komatomenoyambo ile keendjayambo.”

1 SAMUEL 3:14 ပူးပေါင်းရင်းမြစ်များ

OMAPSALOME 51:16

Osheshi omatomenoyambo ku na nao, nomaxwikiloyambo Ove ino a hokwa.

JESAJA 22:14

Ndelenee Omwene womatanga ovakwaita okwa hololela omatwi ange, ndele ta ti: “Oshili, etimba eli itali mu diminwa po nande fiyo efyo leni, Omwene Kalunga komatanga ovakwaita osho ta ti.”

JEREMIA 15:1

Ndele Omwene okwa lombwela nge: Nande Moses naSamuel va kale ofika koshipala shange, omwenyo wange itau liameke vali koshiwana eshi. Va ta po koshipala shange. Nava ye!

JEREMIA 7:16

Ndelenee oove, ino ilikanena ovanhu ava oku va tumbulila omaindilo, u fininike nge, osheshi Ame itandi ku udu.

HESEKIEL 24:13

Omolwonyata yoye tai nyonyodolifa, nande Ame nda li nda hala oku ku yapula, ndele ove ino yapuka, ove ito ka yapulwa fimbo Ame inandi tulumukifila mwoove oupyuhandu wange.

LEVITIKUS 15:31

“Osho ngaha hano nye mu nokutongola ovana vaIsrael mokuhayela kwavo, vo opo vaha fye mokuhayela kwavo, eshi hava nyateke etwali lange liyapuki, eli li li mokati kavo.

1 SAMUEL 2:25

Omunhu ngeenge ta nyono komukwao ota tokolwa komutokoli, ndelenee omunhu ngeenge ta nyono kOmwene, olyelye ta dulu oku mu popila?” Ndelenee vo inava pwilikina xe yavo, osheshi Omwene okwa li a hala oku va komba po.