1 SAMUEL 3:11 - Ombibeli Iyapuki

¹¹ Opo nee Omwene okwa tya kuSamuel: “Tala, Ame ohandi ka ninga oshinima shimwe muIsrael, keshe ou te shi udu, omatwi aye avali otaa ka uma.

1 SAMUEL 3:11 ပူးပေါင်းရင်းမြစ်များ

2 EEHAMBA 21:12

onghee hano, Omwene Kalunga kaIsrael, ta ti: Taleni, Ame ohandi ka etela Jerusalem naJuda omupya. Keshe umwe, ou te shi udu, omatwi aye avali taa ka kuwa onghuwo.

JOB 41:9

“Tala, eteelelo keshe tali ningi longaho muyo, nokuli moku i tala omunhu ta wile poshi.

JESAJA 28:19

Shamha tuu tali tondoka, nye tali mu kwata, shaashi otali tondoka ongula nongula, tali uya oufiku nomutenya. Ndele oshili, elongo leudifo eli tali eta ehaluko.

JESAJA 29:14

onghee hano tala, koshiwana eshi ohandi ka ninga natango oikumwifalonga, oilonga yonghumwe, ndele tai nyenge eendunge, nounongo wovanongo vavo otau xulu po, neendunge dovanaendunge vavo otadi shiti.”

JEREMIA 19:3

Ndele ove u nokutya: Pwilikineni ondjovo yOmwene, akutu nye eehamba daJuda noonakukalamo muJerusalem! Omwene womatanga ovakwaita, Kalunga kaIsrael ota ti ngaha: Tala, onhele ei ohandi i etele oshiponga, nakeshe ou te shi udu, omatwi aye otaa duma,

HABAKUK 1:5

Taleni, mu tale, oiwana nye mu didilike ndele kaleni mwa mwena. Osheshi pomafiku eni ohandi ka longa oshilonga, eshi nye itamu ke shi itavela nande mu shi lombwelwe.

LUKAS 21:26

Ndele ovanhu tava fi kehaluko mokutila nomokuteelela ei tai hange edu alishe, osheshi eenghono domeulu otadi ka kakama.

OILONGA YOVAYAPOSTOLI 13:41

‘Taleni onye ovadini, mu kumwe, nye mu nyonauke po, osheshi ame ohandi longo oshilonga shimwe momafiku aa eni, heeno, oshilonga eshi, ngeno mu shi lombwelwe, itamu shi itavele.’ ”

1 SAMUEL 3:10

Opo nee Omwene e uya nokwa kala ofika ndele ta ifana ngaashi shito: Samuel, Samuel! Ndele Samuel okwa nyamukula: “Popya, osheshi omupiya woye ta udu ko.”

1 SAMUEL 4:10

Opo nee Ovafilisti va lwa, nOvaisraeli va tewa fiyo va ya onhapo, keshe umwe kofaila yaye. Nolwoodi la li linene shili. Ovakwaita voposhi Ovaisraeli omayovi omilongo nhatu va dipawa.