1 SAMUEL 3:1 - Ombibeli Iyapuki

¹ Ndele omumati Samuel okwa longela Omwene kokuulikilwa kuEli. Neendjovo dOmwene oda li da pumba pomafiku enya. Kakwa li omamoniko mahapu.

1 SAMUEL 3:1 ပူးပေါင်းရင်းမြစ်များ

OMAPSALOME 74:9

Oiulikilifo yetu iyapuki itatu i mono vali; kape na vali omuxunganeki, ndele mufye kamu na umwe ta shiiva nokutya, fiyo onaini.

OMAYELETUMBULO 29:18

Apa pehe nehololo, ovanhu tava ka pwiduka. Ndelenee omunelao oyou ta diinine omhango.

JESAJA 13:12

Ndele ovanhu ohandi va ningi vanini ve dulike koshingoldo sha koshoka, novanhu ve dulike koshingoldo shaOfir.

HESEKIEL 7:26

Oshiponga tashi shikula oshiponga, omutoto tau shikula omutoto. Ndele vo otava ka djuulukwa emoniko lovaxunganeki, ndelenee omhango tai ka kana movapristeli nepukululo movakulunhu.

1 SAMUEL 2:11

Opo nee Elkana okwa ya keumbo laye mu Rama, fimbo okaana okamati ka kala pomupristeli Eli, okulongela Omwene.

1 SAMUEL 2:18

Ndelenee okamati Samuel ka yakula moilonga koshipala shOmwene, ndele ka li ka djala oshikutu shokomapepe sholiina.

1 SAMUEL 2:35

Ndele Ame ohandi ke lipendulila omupristeli omudiinini, ou ta ka longa pamutima wange nopamwenyo wange; ndele Ame ohandi ke mu tungila ongulu tai kala po, ndele ye ota ka kala nokweenda alushe koshipala shOmuvaekwa wange.’

1 SAMUEL 2:36

Ndele aveshe ava tava ka xupa po meumbo loye, otave ke uya okulinyongamena koshipala shaye va pewe okamaliwa nokapambu komungome, ndele tava ka tya: ‘Tambule nge yo meyakulolonga limwe loupristeli, ndi shiive okulya okapambu komungome.’ ”

1 SAMUEL 3:15

Ndele Samuel okwa nangala fiyo ongula. Ndele ye okwa yeulula oivelo yongulu yOmwene. Ndelenee Samuel okwa tila okuhepaululila Eli emoniko olo.

1 SAMUEL 3:21

NOmwene okwa holoka vali muSilo. Osheshi Omwene okwa holokela Samuel muSilo meendjovo dOmwene.