1 SAMUEL 28:8 - Ombibeli Iyapuki

⁸ Opo nee Saul e lidimbika nokwa djala oikutu imwe ndele ta i pamwe novalumenhu vavali. Ndele vo eshi ve uya komukainhu oufiku, okwa tya: “Xunganekele nge meenghono domhepo yomufi u pendulile nge umwe, ou handi mu ku lombwele.”

1 SAMUEL 28:8 ပူးပေါင်းရင်းမြစ်များ

1 EEHAMBA 22:30

Nohamba yaIsrael ya lombwela Josafat: “Ame ohandi djalulula, ndi lidimbike ndele handi ka ya kolwoodi. Ove kala po wa djala oshikutu shoye shouhamba.” Ohamba yaIsrael ya djalulula ndele tai i kolwoodi.

1 EEHAMBA 22:34

Ndelenee omulumenhu umwe ou a li a shila outa waye nokwa umba ko ongaho, okwa yasha ohamba yaIsrael pokati komwiya noshivela shoponhulo. Opo nee yo ya lombwela omushingi wetemba laye: “Alula etemba, u kufe nge molwoodi, osheshi nda yashwa.”

1 OMAFIMBO 10:13

Ndele Saul okwa fya omolweliteeko, eshi e liteeka Omwene, molweendjovo dOmwene ine di diinina, nashaashi a pula ounongo komhepo yomufi,

2 OMAFIMBO 18:29

Nohamba yaIsrael ya lombwela Josafat: “Ame ohandi djalulula, ndi lidimbike ndele handi ka ya kolwoodi.” Ove kala po wa djala oshikutu shoye shouhamba. Ohamba yaIsrael ya djalulula ndele tai i kolwoodi.

2 OMAFIMBO 35:22

Ndelenee Josia ina kanduka po puye, ndelenee okwe lidimbika a lwe naye. Ina pwilikina eendjovo daNeko, da dja mokanya kaKalunga. Nokwa ya mepumbu laMegido e ke mu lwife.

JESAJA 8:19

Nongeenge tamu lombwelwa kutya, puleni eemhepo doonakufya neemhule hadi sheketa nohadi ngungutula mokanya, oshiwana itashi pula ngeno Kalunga kasho? Ovanamwenyo otava pulilwa sha mbela koonakufya?

JEREMIA 23:24

Olyelye ta dulu okuhondama a fudama, opo ndihe mu mone, Omwene osho ta ti. Haame ou handi yadifa edu neulu, Omwene ta ti?

HESEKIEL 12:6

Moipafi yavo u noku i humbata kepepe, nomomulaulu fokofoko u noku i eta pondje. Oshipala shoye shi uvika, opo uha mone oshilongo. Osheshi Ame ohandi ku ningi edidilikofano leumbo laIsrael.”

JOHANNES 3:19

Ndelenee etokolo oleli: ouyelele we uya mounyuni, ndelenee ovanhu va li ve hole omulaulu komesho youyelele, osheshi oilonga yavo oii.