1 SAMUEL 28:6 - Ombibeli Iyapuki

⁶ Ndele Saul okwa pula kOmwene, ndelenee Omwene ine mu nyamukula sha, nande meendjodi ile muUrim ile movaxunganeki.

1 SAMUEL 28:6 ပူးပေါင်းရင်းမြစ်များ

2 SAMUEL 22:42

Ova konga ekwafo, ndele inave li mona; ova ifana Omwene, ndele ine va nyamukula.

OMAPSALOME 74:9

Oiulikilifo yetu iyapuki itatu i mono vali; kape na vali omuxunganeki, ndele mufye kamu na umwe ta shiiva nokutya, fiyo onaini.

EXODUS 28:20

Nomukweyo omutine: okrisolit, oniks nayaspis. Vo ve nokutulwa moukwatelwa voshingoldo sha pama.

EXODUS 28:30

“Ove u nokutula yo mokapapa koponhulo Urim naTummim, opo yo i kale kombada yomutima waAron, ye ngeenge ta i mo koshipala shOmwene. Osho ngaha hano Aron e nokuhumbata alushe kombada yomutima waye omanyamukulo kovana vaIsrael koshipala shOmwene.

OMAYELETUMBULO 27:1

Ino litangela efiku lomongula, osheshi ino shiiva efiku otali ka eta shike.

JEREMIA 23:28

Omuxunganeki ou a nangala ondjodi, na hepaulule ondjodi yaye, ndelenee ou e kwete ondjovo yange, na hepaulule ondjovo yange moshili. Oihati oi na shike noilya, Omwene osho ta ti.

OMAIMBILOKEMO 2:9

Oivelo yasho ya ningina medu, omakumba asho Ye e a tatula po nokwa teyaula po. Ohamba yasho novakulunhu vasho ve li mokati kovapaani. Kape nomalombwelo vali, novaxunganeki vasho ihava tambula vali omamoniko kOmwene.

JOEL 2:28

Konima yoinima ei, Ame ohandi ka tilila Omhepo yange kombada yovanhu aveshe, novana veni ovamati noukadona otava ka xunganeka, ovakulunhu veni otava ka twa eendjodi, novanyasha veni otava ka mona omamoniko.

LEVITIKUS 8:8

Natango ye okwa tula ponhulo yaye okapapa koponhulo nokwa tula mo mokapapa Urim naTummim.

MIKA 3:7

Ndele ovamonikokule otava ka kala nohoni, noipala yovaxunganeki tai ka pemba. Ndele vo aveshe otava ka futika eendjedi, osheshi kape na nande enyamukulo laKalunga.

NUMERI 12:6

Opo nee Ye ta ti: “Udeni eendjovo dange. Mokati keni ngeenge omu nomuxunganeki, Ame ohandi mu lihololele memoniko, nohandi popi naye mondjodi.

NUMERI 27:21

Ndele ye e nokukala ofika koshipala shomupristeli Eliaser, opo ye e ku pulile muUrim enyamukulo laKalunga koshipala shOmwene. Kelombwelo laye vo va dje po nokelombwelo laye vo ve nokuuya mo, ye novana aveshe vaIsrael pamwe naye neongalo alishe.”

MATEUS 1:20

Ndelenee eshi kwa li ta diladila ngaha, tala, omweengeli wOmwene okwe mu holokela mondjodi ndele ta ti: “Josef, omona waDavid, ino tila okweeta kwoove Maria, omukainhu woye, osheshi oufimba ou e u kwete owOmhepo Iyapuki.

JOHANNES 9:31

Ndele tu shi shii Kalunga iha udu ovalunde, ndele ou ha tila Kalunga ndele ta wanifa ehalo laye, ota udika kuye:

DEUTERONOMION 33:8

Mokutonga Levi, ye ota ti: “Levi na pewe Tummim, naUrim owo womulumenhu, wakaume koye, ou a yelekwa kwoove muMassa, ou a twa eemhata naave muMeriba,

JAKOB 4:3

Nande hamu indile, ihamu mono sha, shaashi ohamu indile nai, mu i longife mouhalu weni.

1 SAMUEL 14:37

Opo nee Saul a pula kuKalunga: “Ohandi ka shikula tuu Ovafilisti? Ove to va yandje tuu momake Ovaisraeli?” Ndelenee Ye ine mu nyamukula sha efiku olo.

1 SAMUEL 28:15

Ndele Samuel ta ti kuSaul: “Omolwashike to lipyakidile nge, eshi wa mbadukififa nge mo?” Ndele Saul ta nyamukula: “Ame ondi li moudjuu muhapu unene, osheshi Ovafilisti va homona nge, ndele Kalunga okwa efa nge ndele ita nyamukula nge sha vali movaxunganeki ile meendjodi. Onghee hano nde ku ifana u shiivifile nge nhumbi ndi nokuninga?”

1 SAMUEL 28:5

Saul eshi a mona onhanda yOvafilisti, okwa tila, nomwenyo waye wa kakama.