1 SAMUEL 27:8 - Ombibeli Iyapuki

⁸ Ndele David okwa fikama novalumenhu vaye ndele va homona Ovagesuri nOvagirsi nOvaamaleki, osheshi vo ova li nale oonakukalamo voshikandjo langhele kwinya yaSur fiyo okedu laEgipiti.

1 SAMUEL 27:8 ပူးပေါင်းရင်းမြစ်များ

2 SAMUEL 14:23

Ndele Joab okwa fikama ndele ta i kuGesur nokwa eta Absalom kuJerusalem.

2 SAMUEL 14:32

Ndele Absalom ta ti kuJoab: “Tala, onde ku tumina ondaka. Ila oku, opo ndi ku tume kohamba u pule: ‘Omolwashike nde uya nda dja kuGesur? Ngeno nda li kwinya ngeno sha wapala.’ Paife nda hala okumona oshipala shohamba, ndele ngeenge ndi netimba yo nai dipae nge.”

2 SAMUEL 15:8

Aame omupiya woye fimbo nda li muGesur shomuAram, onda udaneka eudaneko eli: ‘Omwene ngeenge ta shunifa nge shili muJerusalem, ame ohandi ka longela Omwene.’ ”

2 SAMUEL 3:22

Opo tuu opo ovapiya vaDavid naJoab va aluka okushinga oita, ndele va eta oixuulwa ihapu pamwe navo. Ndelenee Abner ina hangika vali puDavid muHebron, osheshi ye e mu lekela nokwa ya nombili.

2 SAMUEL 3:3

Nomutivali waye okwa li Kileab, ina Abigail, omwalikadi waNabal, Omukarmel. Nomutitatu oAbsalom, omona waMaaka, omona okakadona kaTalmai, ohamba yaGesur.

2 SAMUEL 8:12

nokutya kOvaedom nokOvamoab nokovana vaAmmoni nokOvafilisti nokOvaamaleki nomoixuulwa yokuHadadeser yaRehob, ohamba yaSoba.

1 OMAFIMBO 2:23

Ndelenee Gesur naAram ve va kufa omikunda daJair, nosho yo Kenat nomikunda dasho, oilando 60. Vo aveshe va li ovana ovamati vaMakir, xe yaGilead.

EXODUS 15:22

Opo nee Moses okwa fikamifa Ovaisraeli kEfuta Litilyana; vo ova enda nokweehena kombuwa yaSur. Vo ova enda omafiku atatu mombuwa ndele inava mona omeva.

EXODUS 17:8

Ndele Ovaamaleki ve uya va ka lwife Israel muRefidim.

NUMERI 13:29

Ovaamaleki hava kala moshilongo shokoumbuwanhu, ndelenee Ovaheti, Ovajebusi, nOvaamori hava kala keemhunda, Ovakaanan hava kala pEfuta Lopokati nolanghele lwokuJordan.”

NUMERI 14:45

Opo nee Ovaamaleki nOvakaanan ava va kala keemhunda ove uya ndele ve va taataa ndele ve va halakanifa fiyo okuHorma.

JOSUA 12:5

yo ya li ya pangela eemhunda daHermon naSalka naBasan ashishe fiyo okongaba yOvagesuri nOvamaakati nofiyo etata laGilead, oshilongo shaSihon, ohamba yaHesbon.

JOSUA 13:13

Ndelenee ovana vaIsrael inava taataa Ovagesuri nOvamaakati, onghee Ovagesuri nOvamaakati va kala mokati kOvaisraeli fiyo onena eli.

JOSUA 13:2

Edu olo la fyaala po oleli: Eenhele adishe dedu lOvafilisti nedu alishe lOvagesuri,

JOSUA 16:10

Ndelenee vo inava ta mo Ovakaanan, oonakukalamo muGeser. Osho ngaha hano Ovakaanan va kala mokati kOvaefraim fiyo onena eli. Ndelenee vo ova li ve nokulongela Ovaisraeli.

OVATOKOLIPANGELI 1:29

Ndele Efraim ina taataa mo Ovakaanan, oonakukalamo muGeser. Onghee hano Ovakaanan va kala mokati kavo muGeser.

1 SAMUEL 29:6

Opo nee Akis a ifana David ndele ta ti kuye: “Oshili, ngaashi Omwene e nomwenyo, oshili, oove omuyuki, ndele okuya mo kwoye nokudja mo kwoye pamwe naame momatanga ovakwaita oshiwa momesho ange. Osheshi inandi mona owii washa mwoove okudja kefiku linya we uya kwaame fiyo onena eli. Ndelenee ove ku fi muwa momesho ovakulunhu.

1 SAMUEL 30:1

Nefiku etitatu David novalumenhu vaye eshi ve uya kuSiklag, Ovaamaleki va li va homona oshilongo shokoumbuwanhu waSiklag, ndele va teya Siklag ndele ve shi xwika po.