1 SAMUEL 26:5 - Ombibeli Iyapuki

⁵ David okwa fikama ndele ta i monhanda yaSaul. Ndele David okwa mona apa Saul nondjai yaye Abner yaNer hava nangala. Saul okwa nangala monhanda yomatemba, fimbo ovalumenhu vaye va nangala ve mu dingilila monhanda.

1 SAMUEL 26:5 ပူးပေါင်းရင်းမြစ်များ

2 SAMUEL 3:27

Abner eshi e uya kuHebron, Joab e mu twala pomunghulo meni loshikololo shoshivelo a popye naye mongumitila, ndele te mu tu medimo, ndele ta fi, omolwomumwaina Asahel.

1 OMAFIMBO 9:39

Ndele Ner okwa dala Kis, naKis xe yaSaul, naSaul okwa dala Jonatan naMalkisua naAbinadab naEsbaal.

1 SAMUEL 17:20

Ndele ongula inene David okwa pyakuduka: Okwa yandja eedi komufita, a kufa omutengi ndee ta i ngaashi Isai e mu lombwela. Ndele ye eshi a fika konhanda yomatemba, ovakwaita va tanda ombinga ndele va mbuyaana.

1 SAMUEL 17:55

Saul eshi a mona David ta i a ka shakeneke Omufilisti ta ti kuAbner, ondjai: “Abner omulumenhu winya omunyasha, oye omona walyelye?” Ndele Abner ta nyamukula: “Oshili, ngaashi ove tatekulu ohamba u nomwenyo, ame nghi shi shii!”

1 SAMUEL 26:4

osheshi David a tuma eendadi nokwa shiiva nokutya, Saul te uya shili,

1 SAMUEL 9:1

Ndele muBenjamin mwa li omulumenhu, oshipuna shinene, edina laye la li Kis yaAbiel yaSeror yaBegorat yaAfia, Omubenjamin.