1 SAMUEL 26:19 - Ombibeli Iyapuki

¹⁹ Omwene wange ohamba na pwilikine eendjovo domupiya waye: Omwene ngeenge e ku twifa ondubo naame, mu yambela hano eendjayambo. Ndelenee ovanhu ngeenge ve shi ninga, nava tulwe omutima koshipala shOmwene, vo eshi tava taataa nge mo moshitukulwafyuululwa shOmwene ndele tava ti: Inda u ka longele oikalunga imwe!

1 SAMUEL 26:19 ပူးပေါင်းရင်းမြစ်များ

GENESIS 44:18

Opo nee Juda okwa ehena kuye ndele ta ti: “Akutu, omwene wange, omupiya woye na itavelwe okupopya ondjovo imwe momatwi omwene wange; ino handukila omupiya woye, osheshi ove ou li ngaashi Farao.

GENESIS 8:21

Ndele omwene okwa li e udite edimba liwa, ndele Omwene okwe lipopila momutima waye ta ti: “Ame itandi ka finga vali edu molwovanhu, osheshi omadiladilo omutima womunhu omai kokudja kounona waye. Ndele itandi ka nyonauna po vali aishe i na omwenyo ngaashi nda ningile.

2 SAMUEL 14:16

Osheshi ohamba otai ka pwilikina shili opo i xupife omupiya wayo omukainhu meke lomulumenhu ou ta hetekele okukandula nge po pamwe nomumwange omumati moshitukulwafyuululwa shaKalunga.

2 SAMUEL 16:10

Ndelenee ohamba tai ti: “Ondi na shike nanye, nye ovana ovamati vaSeruja? Ye ngeenge ta tukana, kashiimba Omwene e mu lombwela: ‘Tuka David.’ Olyelye ta dulu hano okupula: ‘Omolwashike to shi ningi?’ ”

2 SAMUEL 16:11

David okwa tya vali kuAbisai novapiya vaye aveshe: “Taleni, omumwange ou a dja molutu lange ta kongo omwenyo wange. Oshike Omukwabenjamin ou ite shi ningi? Mu efa, a tuke nge, osheshi Omwene e shi mu lombwela.

2 SAMUEL 20:19

Aame umwe womwaava ve hole ombili noudiinini muIsrael. Ndele wa hala okuhanauna po oshilando osho shi li ngaashi ina yomuIsrael: Omolwashike wa hala okunyonauna po oshitukulwafyuululwa shOmwene?”

2 SAMUEL 21:3

Opo nee David ta ti hano kOvagibeon: “Ndi noku mu ningila shike, ndele ndi noku mu kwatakanifa nashike, opo mu nangeke noupuna oshitukulwafyuululwa shOmwene?”

2 SAMUEL 24:1

Nehandu lOmwene la xwama vali kOvaisraeli, ndele Ye okwa hongaifa David navo ndele ta ti: “Inda u ka vale Israel naJuda.”

1 EEHAMBA 22:22

NOmwene okwa pula: ‘Ngahelipi?’ Ndele omhepo oye mu lombwela: ‘Ame ohandi ka ya ndi ninge omhepo yoipupulu momakanya ovaxunganeki vaye aveshe.’ Ndele Omwene okwe mu lombwela: ‘Inda u ke mu weweleke, osheshi oto ka findana.’ ”

1 OMAFIMBO 21:1

Ndelenee Satana okwa twifa Ovaisraeli ondubo ndele ta tu David omayele okuvala Ovaisraeli.

OMAPSALOME 120:5

Woo ame, eshi ndi li omunailongo muMesek, naashi ndi nokukala meenhanda daKedar!

OMAPSALOME 20:4

Oye ne ku pe eshi omutima woye wa hala, nomauko aeshe ne a wanife.

OMAYELETUMBULO 30:10

Omupiya ino mu lundilifa omwene waye, opo ehe ku tule omutima, ndele ove uha monike u nombedi.

JESAJA 60:5

Opo nee oto ke shi mona nokuyela moshipala molwehafo nomutima woye otau nhuka pombada wa mbwalangadja, osheshi oupuna wefuta otau uya kwoove nomamona oiwana taa amekwa kwoove.

LEVITIKUS 26:31

Noilando yeni Ame ohandi ke i ninga eenduba doikulukuma, neetembeli deni handi ke di tokeka ndele itandi hokwa edimba loitwiminifo yeni.

NUMERI 36:7

Opo oshitukulwafyuululwa shomepata shiha ninge shomepata limwe. Osheshi ovana vaIsrael, keshe umwe, e nokudiinina oshitukulwafyuululwa shomepata looxe.

NUMERI 36:9

Osho ngaha hano oshitukulwafyuululwa shomepata limwe itashi i kepata likwao. Osheshi keshe epata lomomapata ovana vaIsrael li nokudiinina oshitukulwafyuululwa shalo.”

OVAROMA 14:15

Ndele omumwaxo ngeenge ta yehamekwa koikulya yoye, ove ito ende vali pahole. Ino nyonauna po noikulya yoye ou a filwa kuKristus.

OVAGALATI 5:12

Ovapiyaaneki veni ngeno ove lilutule, ngeno xwepo!

DEUTERONOMION 13:3

opo nee ino pwilikina eendjovo domuxunganeki ile domulumenhu ou, ta tu ondjodi, osheshi Omwene Kalunga keni ote mu tale, opo a shiive ngeenge omu hole tuu shili Omwene Kalunga keni nomutima aushe nonomwenyo aushe.

2 TIMOTEUS 4:14

Aleksander, omuhambwidi woshikushu, okwa ninga nge nai unene; Omwene ote ke mu pa shi fike poilonga yaye.

1 SAMUEL 18:10

Mefiku la shikula omhepo ii ya tumwa kuKalunga ya hanga Saul, onghee hano ye okwa li ta pwidauka mouhamba waye, fimbo David ta shiki okaxumbafeta ngaashi shito Ndele Saul okwa li e neonga meke laye.

1 SAMUEL 24:9

Ndele David ta ti kuSaul: “Omolwashike to pwilikine eendjovo dovanhu hava ti: ‘Tala, David te ku kongele omupya?’

1 SAMUEL 25:24

nokwa wila poshi peemhadi daye ndele ta ti: “Omwene wange, oushima owange, ndelenee efa omupiya woye omukainhu a popye momatwi oye, u pwilikine eendjovo domupiya woye omukainhu.

1 SAMUEL 27:1

Ndele David e lipopila momwenyo waye ndele ta ti: “Efiku limwe eke laSaul tali ka dipaa nge. Kashi na eshi tashi kwafa nge, okuninga handi lixupifa moshilongo shOvafilisti. Opo nee Saul ta efa okukonga nge vali moshilongo ashishe shaIsrael, naame ohandi ke lixupifa mo meke laye.”