1 SAMUEL 26:16 - Ombibeli Iyapuki

¹⁶ Oshilonga eshi we shi ninga, inashi ku wapalela. Oshili ngaashi Omwene e nomwenyo, nye mwe lilongela efyo, shaashi inamu nangela omwene weni, omuvaekwa wOmwene. Ndele tala hano paife, eonga lohamba nombao yomeva ei ya li pomutwe waye, oi li peni?”

1 SAMUEL 26:16 ပူးပေါင်းရင်းမြစ်များ

2 SAMUEL 12:5

Ndele David okwa handuka unene ndele ta ti kuNatan: “Oshili, ngaashi Omwene e nomwenyo, omulumenhu ou e shi ninga, e nokufya!

2 SAMUEL 19:28

Osheshi eumbo lange alishe la kala pomwene wange ohamba ngaashi ovalumenhu va yandjwa mefyo. Nande ngaha, omupiya woye ove we mu tula mongudu yaava hava li koshililo shoye. Hano ame ondi noufemba washike vali, opo ndi pule sha kohamba?”

1 EEHAMBA 2:26

Nohamba ya lombwela omupristeli Abjatar ndele tai ti: “Inda kepya loye lomuAnatot, osheshi ove we lilongela okufya. Ndelenee nena itandi ku dipaa, osheshi ove wa humbata oshikefa shOmwene Kalunga moipafi yatate David nosho wa humbata oudjuu aushe tate kwa li e nokuhumbata.”

OMAPSALOME 102:20

Ye a pwilikine eenghwate, nhumba tadi keme, nokuxupifa ava va tokolelwa efyo,

OMAPSALOME 79:11

Okunyemata kweenghwate naku udike kwoove, nokwooko kwoye kweenghono xupifa eemwenyo daava va tokolelwa okufya.

OVAEFESO 2:3

mokati kavo nafye yo atushe twa endaenda nale, omolwisho lombelela yetu twa shikula ouhalu wombelela noweendunge ndele twa li ovana vehandu paushitwe wetu nongaashi vamwe yo.

1 SAMUEL 20:31

Osheshi omafiku aeshe omumati omona waIsai e nomwenyo kombada yedu, ove nouhamba woye itau ka kala wa pama. Tuma ko hano paife u ke mu ete kwaame, osheshi e nokufya.”

1 SAMUEL 24:6

ndele ye okwa lombwela ovalumenhu: “Omwene na amene nge, ndiha ningile sha omuvaekwa wOmwene wange, ndi mu kume neke lange. Osheshi ye omuvaekwa wOmwene.”

1 SAMUEL 26:11

Omwene na amene nge, ame ndiha kume neke lange omuvaekwa wOmwene! Ndelenee kufa nee paife eonga laye olo li li pomutwe waye nombao yomeva, ndele hatu i.

1 SAMUEL 26:15

Ndele David ta pula Abner: “Oove omulumenhu ndishi? Olyelye e ku fa muIsrael? Omolwashike hano ino nangela omwene woye ohamba? Osheshi umwe womovanhu a ya mo a dipae ohamba, omwene woye.

1 SAMUEL 26:9

Ndelenee David ta ti kuAbisai: Ino mu dipaa, osheshi olyelye a efiwa ina handukilwa, eshi a kuma omuvaekwa wOmwene.