1 SAMUEL 26:10 - Ombibeli Iyapuki

¹⁰ David ta ti vali: Oshili ngaashi Omwene e nomwenyo, Omwene te ke mu denga, ile efiku laye lefyo tali ke uya ile ta ka ya molwoodi ndele ta dipawa!

1 SAMUEL 26:10 ပူးပေါင်းရင်းမြစ်များ

GENESIS 47:29

Omafiku okufya kwaIsrael eshi a ehena popepi, ye okwa ifana omona waye Josef ndele ta ti kuye: “Ame ngeenge nda filwa onghenda momesho oye, tula mo hano eke loye koshi yetundji lange ndele monifile nge ohole noudiinini: ino paka nge moshilongo shaEgipiti!

JOB 14:14

Omunhu ngeenge ta fi, ota ka nyumuka tuu vali? Ngeno ndi kale nokunangela omafiku aeshe oukwaita wange fiyo olufo lange lokumangululwa la fika.

JOB 14:5

Omafiku aye a pangelwa nomhangela, nomuvalu weehani daye wa shiivika kwoove. Ove we mu tulila ongaba, ita dulu oku i tauluka.

JOB 7:1

“Omunhu e li molwoodi fimbo ye ta kala kombada yedu. Nomafiku aye e li ngaashi omafiku oonakulilongela?

OMAPSALOME 37:10

Ngeenge pa pita okafimbo kaningholi, omuhenakalunga ita kala po vali, nongeenge to talatala onhele yaye, ke po vali nande.

OMAPSALOME 37:13

ndelenee Omwene ote mu yolo, eshi a mona efiku laye, li li popepi noku mu hanga.

OMAPSALOME 94:23

owii wavo ote u alulile kuvo vene, ndele te va hanaunifa po oumbudi wavo; heeno, Omwene, Kalunga ketu, ote ya oku va hanauna po.

OMUUDIFI 3:2

efimbo lokudalwa nefimbo lokufya, efimbo lokutwika nefimbo lokududa mo osho sha twikwa,

LUKAS 18:7

Hano Kalunga ita yukifile mbela ovahoololwa vaye oshinima shavo ava have mu ifana pombada omutenya noufiku ye a fye ounye ngeno oku va kwafa?

OVAROMA 12:19

Ovaholike, nye vene inamu alulila omunhu owii, ndelenee peni ehandu laKalunga omhito. Shaashi opa shangwa: “Ehandu olange, Aame handi futu, Omwene osho ta ti.”

DEUTERONOMION 31:14

NOmwene okwa lombwela Moses, ndele ta ti: “Tala, omafiku oye taa ehene, ove u nokufya. Ifana Josua ndele indeni mu ka kale ofika metwali leongalo, Ame ndi shiive oku mu lombwela omalombwelo ange.” Opo nee Moses naJosua va ya va ka kale ofika metwali leongalo.

DEUTERONOMION 32:35

Ehandu olange, Ame ohandi futu mefimbo tuu olo omhadi yavo tai punguluka. Osheshi efiku lehanauno lavo oli li popepi, ndele eshi she va sheyelwa tashi uya diva.

OVAHEBERI 10:30

Osheshi otu mu shii ou a tonga: “Ehandu olange, Aame handi futu,” Omwene osho ta ti; navali: “Omwene ota ka tokola oshiwana shaye.”

OVAHEBERI 9:27

Nongaashi ovanhu va ufilwa ve nokufya lumwe aluke nokomesho etokolo,

EHOLOLO 18:8

Onghee hano omahepeko asho otae shi hange efiku limwe alike, efyo neefya nondjala, ndele tashi xwikwa momundilo, osheshi Omwene Kalunga Oye omunaenghono ou e shi tokola.”

1 SAMUEL 24:12

Omwene na tokole pokati ketu naave, nOmwene ne ku handukile omolwange. Ndelenee eke lange itali ke ku kuma.

1 SAMUEL 24:15

Ndelenee Omwene na kale omutokoli, Ye na tokole pokati ketu. Heeno, Ye na tale nokuyukifa oshinima shange. Ye na xupife nge meke loye.

1 SAMUEL 25:26

Ndele paife, omwene wange, oshili ngaashi Omwene e nomwenyo naave u nomwenyo, Omwene Oye tuu e ku kelela okutula etimba lohonde u likwafe neke loye mwene. Ovatondadi voye naava hava kongele omwene wange owii nava ningwe ngaashi Nabal.

1 SAMUEL 25:38

Ndele omafiku ngeno omulongo eshi a pita po, Omwene okwa denga Nabal, ndele ye okwa fya.

1 SAMUEL 25:39

David eshi a uda nokutya, Nabal okwa fya, ye ta ti: “Omwene na hambelelwe ou a handukila Nabal okushekwa kwange, ndele a kelela omupiya waye okuninga owii nokwa alula owii waNabal komutwe waye mwene.” Opo nee David okwa tuma kuAbigail, ye e mu hala, a ninge omwalikadi waye.

1 SAMUEL 31:4

Ndele Saul okwa lombwela omuhumbati woiti yaye: “Pweya mo eongamukonda loye u twe nge nalo, opo venya inava pita etanda vehe uye okutwa nge, ndele vaha sheke nge.” Ndele omuhumbati woiti yaye ina hala, osheshi a tila unene. Onghee hano Saul okwa kufa eongamukonda nokwe litwa nalo.

1 SAMUEL 31:6

Osho ngaha hano Saul novana vaye ovamati vatatu nomuhumbati woiti yaye novalumenhu vaye aveshe va fya mefiku limwe alike, aveshe kumwe.