1 SAMUEL 25:1 - Ombibeli Iyapuki

¹ Ndele Samuel okwa fya. NOvaisraeli aveshe va ongala ndele va lila eefya daye, ndele ve mu paka meumbo laye muRama. Ndele David okwa fikama nokwa ya kombuwa yaParan.

1 SAMUEL 25:1 ပူးပေါင်းရင်းမြစ်များ

1 SAMUEL 28:3

Ndele Samuel okwa fya nOvaisraeli aveshe ve mu lila ndele ve mu paka mu Rama nokutya, moshilando shaye. Ndele Saul okwa taataa moshilongo ovashitukifi vovafi novamonikokule.

DEUTERONOMION 34:8

Ndele ovana vaIsrael va lila eefya daMoses omafiku omilongo nhatu momaluhaela aMoab. Ndele omafiku okulila eefya daMoses noluhodi molwaMoses a xula po.

NUMERI 20:29

Neongalo alishe eshi la mona nokutya Aron okwa fya, eumbo alishe laIsrael ola lila eefya daAron omafiku omilongo nhatu.

2 OMAFIMBO 33:20

Ndele Manasse okwa ka nangala pooxe, nokwa pakwa mongulu yaye. Nomona waye Amon a ninga ohamba ponhele yaye.

OILONGA YOVAYAPOSTOLI 8:2

Ovalumenhu vamwe ovaitaveli ova paka Stefanus, ndele ove mu lila eenghali dinene.

NUMERI 10:12

Novana vaIsrael va tumba po, va enda konhele nonhele nokudja mo mombuwa yaSinai, ndele oshilemo osha kanghama mombuwa yaParan.

GENESIS 21:21

Ye okwa kala mofuka yaParan. Naina okwe mu kongela omwalikadi medu laEgipiti.

1 EEHAMBA 2:34

Opo nee Benaja yaJehoiada a ya ko, e mu nhukila nokwe mu dipaa. Ndele a pakwa meumbo laye mombuwa.

NUMERI 13:3

Ndele Moses okwe va tuma ko va dja mombuwa yaParan palombwelo lOmwene. Ovalumenhu aveshe venya va li ovakulunhu vovana vaIsrael.

JESAJA 14:18

Eehamba adishe doilongo, adishe oda tulumukwa nefimano lado, keshe umwe meumbo laye;

OMAPSALOME 120:5

Woo ame, eshi ndi li omunailongo muMesek, naashi ndi nokukala meenhanda daKedar!

1 SAMUEL 7:17

Opo nee ye okwa shuna kuRama. Osheshi oko kwa kala eumbo laye. Oko a tokola eendjovo daIsrael noko a tungila Omwene oaltari.

NUMERI 13:26

Ndele ova enda ndele va fika kuMoses naAron nokeongalo alishe lovana vaIsrael mombuwa yaParan muKades. Ndele vo ova hepaululila eongalo alishe eenghundana, ndele vo ve va ulikila oiimati yoshilongo shinya.

NUMERI 12:16

Ndelenee komesho ovanhu va fikama po muHaserot, ndele va onga onhanda mombuwa yaParan.

GENESIS 50:11

Ovakaanan oonakukala moshilongo eshi va uda eefya tadi lilwa mu Goren-Atad ova popya tava ti: “Oku na eefya dOvaegipiti tadi lilwa.” Onghee onhele oyo hai ifanwa Abel Misraim, ya li moushilo waJordan.

GENESIS 14:6

nOvahori keemhunda davo Seir fiyo okuEl-Paran shi li pomunghulo wofuka.

2 EEHAMBA 21:18

Ndele Manasse okwa ka nangala pooxe nokwa pakwa moshikunino shongulu yaye, oshikunino shaUssa. Nomona waye Amon okwa ninga ohamba ponhele yaye.

GENESIS 23:2

Ndele Sara okwa fila muKiriat-Arba nokutya, Hebron, medu laKaanan. Ndele Abraham okwe uya keefya daSara noku mu lila.

1 SAMUEL 1:19

Vo eshi ve liungaana ongula inene ndele va ilikana koshipala shOmwene, vo ova shuna ndele tave uya meumbo lavo muRama. Elkana a nangala nomwalikadi waye Hanna, nOmwene okwe mu dimbulukwa.

SAKARIA 1:5

Ooxokulu ove li peni? Novaxunganeki otava kala tuu ve nomwenyo alushe?