1 SAMUEL 24:12 - Ombibeli Iyapuki

¹² Omwene na tokole pokati ketu naave, nOmwene ne ku handukile omolwange. Ndelenee eke lange itali ke ku kuma.

1 SAMUEL 24:12 ပူးပေါင်းရင်းမြစ်များ

GENESIS 16:5

Ndele Sarai okwa lombwela Abram: “Odino ei handi dinwa nayo nai ku alukile! Aame mwene nda yandja omupika wange mekolo loye, ndele paife eshi a dimbulukwa kutya ye omufimba, ota tale nge nodino. Omwene na tokole pokati ketu naave.”

GENESIS 31:53

Kalunga kaAbraham naKalunga kaNahor, Kalunga kooxo, ye na kale omutokoli pokati ketu.” Ndele Jakob okwa anena etilo laxe Isak.

2 SAMUEL 22:48

Kalunga okwa pa nge okufinda ovatondadi vange a tula oiwana koshi yange,

1 OMAFIMBO 12:18

Opo nee Omhepo ya yada Amasai, omukulunhu womilongo nhatu, ndele ta ti: “Fye ovoye, David, ndele twa ama kwoove, omona waIsai! Ombili. Ombili nai kale naave, nombili nai kale naava tave ku yakula, osheshi Kalunga koye te ku kwafa!” Opo nee David e va tambula ndele e va tula va ninge ovakulunhu veengudu domatanga.

JOB 5:8

“Ndelenee ame, kombinga yange nda hala ndi konge Kalunga ndele ndi twale oshinima shange koshipala shaKalunga,

OMAPSALOME 35:1

Omwene, va hokololifa ava tava shilafana naame, kondja naava tava kondjifa nge!

OMAPSALOME 43:1

Kalunga, yukifile nge, u popile nge kovanhu vehe na onghenda, Omwene, Ove u xupife nge kovanhu ve noipupulu noumbudi.

OMAPSALOME 94:1

Kalunga ho handukile, Omwene, Kalunga omutokoli, holoka mouyeleleshinge woye!

OVAROMA 12:19

Ovaholike, nye vene inamu alulila omunhu owii, ndelenee peni ehandu laKalunga omhito. Shaashi opa shangwa: “Ehandu olange, Aame handi futu, Omwene osho ta ti.”

1 PETRUS 2:23

Ye ina tuka eshi a tukwa noina handuka, eshi a hepekwa, ndelenee e liyandja kwaau ta tokola sha yuka.

EHOLOLO 6:10

Ndele vo ova ingida nondaka inene tava ti: “Omwene Oove omuyapuki nomunashili, fiyo onaini ito tokola, Ove u handukilile ohonde yetu ovakali kombada yedu?”

OVATOKOLIPANGELI 11:27

Onghee hano ame inandi nyona kwoove, ndelenee ove to monifa nge oixuna moku tu lwifa. Omwene Omutokoli na tokole nena eli pokati kovana vaIsrael novana vaAmmoni!”

1 SAMUEL 20:1

Opo nee David a ya onhapo a dja muNajot puRama, ndele okwe uya kuJonatan ndee ta pula: “Ame onda ninga shike? Okunyona kwange okwaashike netimba lange koshipala shaxo olashike, ye eshi ta kongo omwenyo wange?”

1 SAMUEL 24:15

Ndelenee Omwene na kale omutokoli, Ye na tokole pokati ketu. Heeno, Ye na tale nokuyukifa oshinima shange. Ye na xupife nge meke loye.

1 SAMUEL 26:23

Omwene ta alulile keshe umwe ouyuki noudiinini waye; Omwene e ku yandja meke lange nena, ndelenee ame inandi hala okunana eke lange komuvaekwa wOmwene.