1 SAMUEL 23:2 - Ombibeli Iyapuki

² Opo nee David a pula kOmwene ndee ta ti: “Ame ohandi ka ya tuu ndi taatae Ovafilisti venya?” NOmwene ta ti kuDavid: “Inda u ka taatae Ovafilisti ndee xupifa Keila.”

1 SAMUEL 23:2 ပူးပေါင်းရင်းမြစ်များ

2 SAMUEL 2:1

Ndele David okwa pula kOmwene ndele ta ti: “Nandi ye moshilando shimwe shomuJuda?” NOmwene okwe mu nyamukula: “Inda.” Opo nee David ta pula: “Ondi nokuya peni?” Ndele Ye ta nyamukula: “KuHebron.”

2 SAMUEL 5:19

Opo nee David a pula kOmwene ndele ta ti: “Nandi ka lwife tuu Ovafilisti? Ove oto va yandje tuu meke lange?” Omwene okwe mu nyamukula: “Inda ko; Ame ohandi ke va yandja meke loye.”

2 SAMUEL 5:23

Opo nee David ta pula kOmwene, ndele Omwene ta ti: “Ino ya oku va shakeneka. Va dilila konima yavo, u va dje kombinga yomiti domitaku.

1 OMAFIMBO 14:10

Opo nee David okwa pula kuKalunga ndele ta ti: “Nandi ka lwife tuu Ovafilisti? Ove oto ke va yandja tuu meke lange?” Omwene okwe mu nyamukula: “Inda ko, Ame ohandi ke va yandja meke loye.”

OMAPSALOME 32:8

Onda hala ndi ku longe, ndi ku udikile ondjila, ei u nokweenda nayo; onda hala ndi ku twe omayele; eisho lange tali ku pashukile.

JEREMIA 10:23

Akutu, Omwene, ondi shi shii nokutya, ondjila yomunhu ihai kala mepangelo laye mwene, ile mepangelo lomulumenhu, nhumbi ta ende, nhumbi ta yukifa eenghatu daye.

NUMERI 27:21

Ndele ye e nokukala ofika koshipala shomupristeli Eliaser, opo ye e ku pulile muUrim enyamukulo laKalunga koshipala shOmwene. Kelombwelo laye vo va dje po nokelombwelo laye vo ve nokuuya mo, ye novana aveshe vaIsrael pamwe naye neongalo alishe.”

JOSUA 9:14

Opo nee ovalumenhu va kufa monghuta yavo. Ndelenee vo inava pula omayele kOmwene.

OVATOKOLIPANGELI 1:1

Ndele konima yefyo laJosua, ovana vaIsrael va pula kOmwene ndele tava ti: “Olyelye womufye e nokufikama tete a ka lwife Ovakaanan?”

1 SAMUEL 10:22

Opo nee va pula vali kOmwene tava ti: “Umwe okwe uya po vali?” NOmwene ta ti: “Tala, ye okwa hondama pokati komatemba eenghutwa.”

1 SAMUEL 14:37

Opo nee Saul a pula kuKalunga: “Ohandi ka shikula tuu Ovafilisti? Ove to va yandje tuu momake Ovaisraeli?” Ndelenee Ye ine mu nyamukula sha efiku olo.

1 SAMUEL 23:3

Ndelenee ovalumenhu vaDavid tave mu lombwele: “Tala, fye otu netilo nokuli apa muJuda, ongahelipi hano ngeenge hatu i kuKeila nokulwifa omatanga ovakwaita vOvafilisti?”

1 SAMUEL 23:4

Opo nee David okwa pula vali kOmwene, nOmwene e mu nyamukula ta ti: “Fikama, inda kuKeila, osheshi Ame ohandi ka yandja Ovafilisti meke loye.”

1 SAMUEL 23:6

Abjatar yaAhimelek eshi a ya onhapo kuDavid, e uya kuKeila e noshikutu shokomapepe.

1 SAMUEL 30:8

Ndele David okwa pula kOmwene ndele ta ti: “Ame ohandi ka shikula tuu ongudu oyo? Ohandi ke i hanga tuu?” Ndele Ye ta ti kuye: “I shikula, osheshi to ke i hanga shili ndele to ka xupifa mo venya.”