1 SAMUEL 22:7 - Ombibeli Iyapuki

⁷ Saul okwa lombwela ovapiya vaye ava va kala ofika puye ta ti: “Pwilikineni nye, Ovabenjamin! Omumati omona waIsai ote ke mu pa yo tuu amushe omapya noikokola yomiviinyu, noku mu lenga nye amushe mu ninge ovaneyovi novanefele?

1 SAMUEL 22:7 ပူးပေါင်းရင်းမြစ်များ

2 SAMUEL 18:1

Ndele David okwa ongela omatanga ovakwaita ava va li puye, ndele e va hoololela ovakulunhu veyovi novakulunhu vefele.

2 SAMUEL 20:1

Ndele omukolokoshi umwe a holokela ko, edina laye Sheba yaBikri, Omukwabenjamin. Ye okwa shika enghuma loluvinga lodi yomhedi ndele ta ti: “Fye katu noshitukulwa muDavid, ndele katu noshitukulwafyuululwa momona waIsai; akutu Israel, keshe umwe na ye ketwali laye!”

1 EEHAMBA 12:16

Ovaisraeli aveshe eshi va mona nokutya, ohamba inai va pwilikina, ovanhu va nyamukula ohamba ndele tava ti: “Fye otu noshitukulwa shilipipo muDavid? Katu noshitukulwafyuululwa momona waIsai. Israel, inda komatwali oye! David, tala hano paife eumbo loye mwene!” Opo nee Ovaisraeli va ya komatwali avo.

1 OMAFIMBO 12:16

Ndele ovo vomovana vaBenjamin novaJuda, eshi ve uya kohotemhundangulu kuDavid,

JESAJA 11:1

Ndelenee oshitutumine otashi tutuma moshifidi shaIsai, noshitai omomudi waye, ndele tashi imi oiimati;

JESAJA 11:10

Ndelenee mefiku tuu olo oiwana otai ka pula oshitutumine shomomudi waIsai, sha dikilwa oiwana aishe ngaashi epandela, monhele yetulumuko laye otai ka kala i yadi oshinge.

1 SAMUEL 18:14

Ndele David okwa li e nelao meendjila daye adishe, osheshi Omwene okwa li e mu na.

1 SAMUEL 20:27

Ndelenee oshipundi shaDavid eshi sha li hamungaho mefiku la shikula nokutya, mefiku etivali la shikula ohani ipe, Saul okwa pula omona waye Jonatan: “Omolwashike omona waIsai ine uya onghela nonena koshililo?”

1 SAMUEL 20:30

Opo ehandu laSaul la xwamena Jonatan, ndee ta ti kuye: “Oove omumati omona wombwada; ondi shi shii, ove wa hokwa omumati omona waIsai, osho we lififa ohoni ndele wa fifa epenge lanyoko ohoni?

1 SAMUEL 22:13

Ndele Saul ta ti kuye: “Omolwashike mwa hangakena nge, nye nomona waIsai, ove eshi we mu pa omungome neongamukonda, ndele we mu pulila kuKalunga, opo a hovele okuhondjaunina nge ngaashi shi li nena eli?”

1 SAMUEL 22:9

Opo nee Doeg, Omuedom, ou a kala ofika povapiya vaSaul, a nyamukula ta ti: “Ame nda mona omumati omona waIsai te uya muNob, kuAhimelek yaAhitub.

1 SAMUEL 25:10

Ndelenee Nabal okwa nyamukula ovapiya vaDavid ndele ta ti: “David olyelye? Nomona waIsai olyelye? Mefimbo eli omu novapiya vahapu tave livake poovene vavo.