1 SAMUEL 22:2 - Ombibeli Iyapuki

² Puye opa ongala vali keshe ou a fininikwa nakeshe ou e neengele, nakeshe ou a li e nomwenyo mwii. Ndele ye a ninga omukulunhu wavo, onghee pa li pamwe naye ovalumenhu ve fike pomafele ane ngeno.

1 SAMUEL 22:2 ပူးပေါင်းရင်းမြစ်များ

2 SAMUEL 17:8

Husai okwa tya vali: “Ove u shi shii nokutya, xo novalumenhu vaye vo ovaladi, ndele ve neemwenyo di nehandu ngaashi emwangha la kufwa oumwanghona valo mofuka. Navali: Xo omukwaitelela, ye novakwaita vaye itava tulumukwa oufiku.

2 SAMUEL 5:2

Nokuli nale fimbo Saul a li ohamba yetu, ove wa li ou ta twala Israel noku mu alula. NOmwene e ku lombwela: ‘Ove u nokulifa ovanhu vange Israel ndele ove u nokuninga ohamba yOvaisraeli.’ ”

2 EEHAMBA 20:5

“Piluka, u lombwele Hiskia, ohamba yoshiwana shange: ‘Omwene Kalunga kaxo David, ta ti ngaha: Ame nda uda eindilo loye. Ame nda mona omahodi oye. Tala, Ame ohandi ke ku velula. Mefiku etitatu ove oto ka ya mongulu yOmwene.

2 EEHAMBA 4:1

Ndele omukainhu umwe, omwalikadi womulongwa womuxunganeki okwa lombwela Elisa, ta ti: “Omulumenhu wange, omupiya woye, okwa fya, ndele u shi shii nokutya, omupiya woye kwa li omulumenhu ha tila Kalunga. Paife nakulilwa oikolo te uya okukufa po ovana vange vavali, va ninge ovapika vaye.”

OMAYELETUMBULO 31:6

Oikolwifa i peni ou a nyika okunyonauka po, nomaviinyu ava ve neemwenyo da nyika oluhodi.

MATEUS 11:12

Ndelenee okomafiku aJohannes Omushashi, fiyo opaife ouhamba weulu otau tondokelwa, novahomoni tave u hakana.

MATEUS 11:28

“Ileni kwaame, nye amushe hamu longo nomwa lolokifwa, Ame ohandi mu pe etulumuko.

OVAHEBERI 2:10

Osheshi sha wapalela ou, aishe i li omolwaye naaishe ya dja muye, mOmwene wexupifo lavo, e mu lenge mouyehame, a kale a wana nokutwala ovana vahapu moshinge.

OVATOKOLIPANGELI 11:3

Onghee hano Jefta a ya onhapo ovamwaxe ndele a tula medu laTob. Novakolokoshi va ongala puJefta ndele va enda pamwe naye.

OVATOKOLIPANGELI 18:25

Ndelenee ovana vaDan tava ti kuye: “Ino tu weelela vali, ovalumenhu vaha handuke noku mu totela, nye otamu kanifa eemwenyo deni vene nodovakweni.”

1 SAMUEL 1:10

Nokwa ilikana Omwene mouyehame ulula nokwa lila nokulililila.

1 SAMUEL 22:3

David ta di ko, ta i kuMispa shomuMoab ndee ta ti kohamba yaMoab: “Efa, tate nameme ve uye va kale punye, fiyo handi ka shiiva osho Kalunga te shi ningile nge.”

1 SAMUEL 23:13

Ndele David okwa fikama novalumenhu vaye ve fike pomafele ahamano ndele va dja muKeila ndele va endaenda kombinga nombinga; Saul eshi a kundana nokutya David a dja muKeila, ye ina ya ko vali.

1 SAMUEL 25:13

Opo nee David ta lombwele ovalumenhu vaye, ndele ta ti: “Keshe umwe munye na djale eongamukonda laye!” Opo nee keshe umwe muvo a djala eongamukonda, naDavid yo a djala eongamukonda laye, ndele ovalumenhu ve fike pomafele ane va shikula David, fimbo omafele avali va fyaala poinima.

1 SAMUEL 30:6

Ndele David okwa li moudjuu muhapu, osheshi ovakwaita va popya kutya na dipawe nomamanya. Osheshi eemwenyo dovakwaita aveshe da li di udite ouyehame, keshe umwe molwovana ovamati vaye noukadona vaye. Ndelenee David okwe lipameka mOmwene Kalunga kaye.

1 SAMUEL 9:16

“Mefimbo tuu eli mongula Ame ohandi ke ku tumina omulumenhu umwe womoshilongo shaBenjamin, ou u noku mu vaeka a ninge ohamba yovanhu vange Ovaisraeli. Ndele ye ota ka xupifa ovanhu vange momake Ovafilisti. Osheshi Ame nda dimbulukwa ovanhu vange, shaashi onghuwo yavo ya fika kwaame.”