1 SAMUEL 22:14 - Ombibeli Iyapuki

¹⁴ Opo nee Ahimelek ta nyamukula ohamba nde ta ti: “Ndelenee olyelye mokati kovapiya voye e shii okulineekelwa ngaashi David, oshitenya shohamba, ndele a ninga omukulunhu wovanangeli voye ndele a fimanekwa meumbo loye?

1 SAMUEL 22:14 ပူးပေါင်းရင်းမြစ်များ

1 SAMUEL 17:25

Novalumenhu Ovaisraeli tava ti: “Omu wete omulumenhu ou ta di oko? Ye te uya okusheka Israel. Nohamba tai ka yandja komulumenhu ou te mu dipaa oupuna muhapu. Ndele tai mu pe omona wayo okakadona a ninge omwalikadi waye, ndele te mu mangulula mo mokuyandja efendelo.”

1 SAMUEL 18:13

Opo nee Saul e mu lekela nokwe mu lenga a ninge omuneyovi, onghee hano okwa pitila ovakwaita komesho mokudja po nomokwaaluka.

1 SAMUEL 18:27

David okwa fikama nokwa ya novalumenhu vaye, ndele va dipaa ovalumenhu omafele avali Ovafilisti. Ndele David okwa eta oipa yeenhele doulumenhu wavo, ndele e i yandja ya wana kohamba, opo a shiive okuninga oshitenya shohamba. Opo nee Saul a yandja kuDavid omona waye okakadona Mikal a ninge omwalikadi waye.

1 SAMUEL 20:32

Ndele Jonatan okwa nyamukula xe Saul ndee ta ti: “Omolwashike ye e nokudipawa? Okwa ninga shike?”

1 SAMUEL 21:2

Ndele David ta ti komupristeli Ahimelek: “Ohamba ya pa nge ondaka ya tya kwaame: Oshinima eshi omolwaasho nde ku tuma, shiha shiivike nande okomunhu.” Onghee hano nda lombwela ovanhu ovanyasha va kale monhele yonhumba.

1 SAMUEL 22:13

Ndele Saul ta ti kuye: “Omolwashike mwa hangakena nge, nye nomona waIsai, ove eshi we mu pa omungome neongamukonda, ndele we mu pulila kuKalunga, opo a hovele okuhondjaunina nge ngaashi shi li nena eli?”

1 SAMUEL 24:11

Ndele tala, tate, heeno, tala okavando komunghulo woshikutu shoye meke lange! Osheshi ame eshi nda teta okavando komunghulo woshikutu shoye, ame inandi ku dipaa. Kala hano u shi shii nokutya, mwaame kamu na owii ile etauluko ndele inandi nyona kwoove, nande ove ho holamene nge u shiive okudipaa nge.

1 SAMUEL 25:28

Dima po hano etimba lomupiya woye omukainhu, osheshi Omwene ota ka dikila shili omwene wange eumbo tali kalelele, osheshi omwene wange ta shingi oita yOmwene nomokukala kwoye akushe inamu monika owii.

1 SAMUEL 26:23

Omwene ta alulile keshe umwe ouyuki noudiinini waye; Omwene e ku yandja meke lange nena, ndelenee ame inandi hala okunana eke lange komuvaekwa wOmwene.