1 SAMUEL 22:10 - Ombibeli Iyapuki

¹⁰ Ndele ye okwe mu pulila kOmwene ndele e mu pa onghuta. Ye okwe mu pa yo eongamukonda laGoliat, Omufilisti.”

1 SAMUEL 22:10 ပူးပေါင်းရင်းမြစ်များ

NUMERI 27:21

Ndele ye e nokukala ofika koshipala shomupristeli Eliaser, opo ye e ku pulile muUrim enyamukulo laKalunga koshipala shOmwene. Kelombwelo laye vo va dje po nokelombwelo laye vo ve nokuuya mo, ye novana aveshe vaIsrael pamwe naye neongalo alishe.”

1 SAMUEL 10:22

Opo nee va pula vali kOmwene tava ti: “Umwe okwe uya po vali?” NOmwene ta ti: “Tala, ye okwa hondama pokati komatemba eenghutwa.”

1 SAMUEL 21:10

Ndele David okwa fikama mefiku tuu olo nokwa dja po onhapo Saul ndele e uya kuAkis, ohamba yaGat.

1 SAMUEL 22:11

Opo nee ohamba ya tuma ko, va ka tale Ahimelek yaAhitub, omupristeli neumbo laye alishe, novapristeli ava va li muNob, ndele vo aveshe ve uya kohamba.

1 SAMUEL 22:13

Ndele Saul ta ti kuye: “Omolwashike mwa hangakena nge, nye nomona waIsai, ove eshi we mu pa omungome neongamukonda, ndele we mu pulila kuKalunga, opo a hovele okuhondjaunina nge ngaashi shi li nena eli?”

1 SAMUEL 22:15

Hasho shotete nde mu pulila kuKalunga? Nashi kale nge kokule! Ohamba iha vele omupiya waye neumbo lange alishe ombedi. Osheshi omupiya woye ina shiiva sha shomoshinima eshi ngeenge shinini ile shakula.”

1 SAMUEL 23:12

Opo nee David ta ti: “Oonakukalamo muKeila tava yandje nge novalumenhu vange meke laSaul?” NOmwene okwa nyamukula ta ti: “Otava ka yandja.”

1 SAMUEL 23:2

Opo nee David a pula kOmwene ndee ta ti: “Ame ohandi ka ya tuu ndi taatae Ovafilisti venya?” NOmwene ta ti kuDavid: “Inda u ka taatae Ovafilisti ndee xupifa Keila.”

1 SAMUEL 23:4

Opo nee David okwa pula vali kOmwene, nOmwene e mu nyamukula ta ti: “Fikama, inda kuKeila, osheshi Ame ohandi ka yandja Ovafilisti meke loye.”

1 SAMUEL 30:8

Ndele David okwa pula kOmwene ndele ta ti: “Ame ohandi ka shikula tuu ongudu oyo? Ohandi ke i hanga tuu?” Ndele Ye ta ti kuye: “I shikula, osheshi to ke i hanga shili ndele to ka xupifa mo venya.”