1 SAMUEL 20:8 - Ombibeli Iyapuki

⁸ Hano fila omupiya woye onghenda, osheshi ove wa panga oukaume nomupiya woye koshipala shOmwene. Ndelenee ngeenge nda nyona, ove mwene dipae nge. Omolwashike to twala nge kuxo?”

1 SAMUEL 20:8 ပူးပေါင်းရင်းမြစ်များ

GENESIS 24:49

Nye ngeenge omwa hala okumonifa omwene wange onghenda noudiinini, shi lombweleni nge. Nongeenge hasho, lombweleni nge, opo ndi shiive okuya kolulyo ile kolumosho.”

GENESIS 47:29

Omafiku okufya kwaIsrael eshi a ehena popepi, ye okwa ifana omona waye Josef ndele ta ti kuye: “Ame ngeenge nda filwa onghenda momesho oye, tula mo hano eke loye koshi yetundji lange ndele monifile nge ohole noudiinini: ino paka nge moshilongo shaEgipiti!

2 SAMUEL 14:32

Ndele Absalom ta ti kuJoab: “Tala, onde ku tumina ondaka. Ila oku, opo ndi ku tume kohamba u pule: ‘Omolwashike nde uya nda dja kuGesur? Ngeno nda li kwinya ngeno sha wapala.’ Paife nda hala okumona oshipala shohamba, ndele ngeenge ndi netimba yo nai dipae nge.”

1 OMAFIMBO 12:17

David okwa ya e va shakeneka ndele te va lombwele ta ti: “Nye ngeenge tamu uya kwaame nombili, mu kwafe nge, omutima wange tau ka kwatafana nanye. Ndelenee ngeenge tamu uya mu kengelele nge kovatondadi vange, nande momake ange kamu netimba, Kalunga kootate ne shi tale ndele ne shi handukile”.

OMAPSALOME 116:11

melimbililo lange onda tile: “Ovanhu aveshe ovanaipupulu.”

OMAYELETUMBULO 3:3

Olune noudiinini wouyuki inau ku efa. I mangela mofingo yoye, i shangela moshipelende shomutima woye,

OILONGA YOVAYAPOSTOLI 25:11

Ndele ngeenge nda kala ndi noushima, ile ndi netimba lokufya, itandi anye okufya, ndelenee oinima ei aishe tava hokololifa nge ngeenge oyongaho, opo nee kaku na ou ta dulu okuyandja nge momake avo. Ame onde liameka komukesari.”

JOSUA 2:14

Opo nee ovalumenhu tava ti kuye: “Omwenyo wetu nau fye ponhele yeni, nye ngeenge itamu shiivifa oshinima eshi shetu, Omwene ngeenge te tu pe edu eli, opo nee fye ohatu mu ningile ouwa noudiinini.”

JOSUA 22:22

“Kalunga koikalunga, Omwene, heeno, Kalunga koikalunga, Omwene, Ye e shi shii! NaIsrael yo na kale e shi shii! Fye ngeenge twa twa ondubo ile twe liteeka Omwene, Omwene ino tu kwafa nena eli,

RUT 1:8

Naomi ta lombwele oitenya yaye ivali ta ti: Indeni, shuneni komaumbo oonyoko. Omwene ne mu file onghenda ngaashi nye mwa fila ovafi naame onghenda.

1 SAMUEL 18:1

Ndele ye eshi a mana okupopya naSaul, omwenyo waJonatan we limanga kumwe nomwenyo waDavid, ndele Jonatan oku mu hole ngaashi omwenyo waye mwene.

1 SAMUEL 18:3

Opo nee Jonatan okwa panga oukaume naDavid, shaashi ye e mu hole ngaashi omwenyo waye mwene.

1 SAMUEL 20:16

Osho ngaha hano Jonatan okwa panga oukaume nepata laDavid. Ndele Omwene na handukile ovatondadi vaDavid!

1 SAMUEL 20:9

Opo nee Jonatan ta ti: “Ino diladila ngaha! Osheshi ngeenge handi dimbulukwa shili nokutya, tate e nowii nomwenyo woye e ku nyone po, ame ihandi ke shi ku hololela ngeno?”

1 SAMUEL 23:18

Opo nee vo vavali va panga oukaume koshipala shOmwene. Ndele David a kala muHores, ndelenee Jonatan okwa shuna keumbo laye.