1 SAMUEL 20:32 - Ombibeli Iyapuki

³² Ndele Jonatan okwa nyamukula xe Saul ndee ta ti: “Omolwashike ye e nokudipawa? Okwa ninga shike?”

1 SAMUEL 20:32 ပူးပေါင်းရင်းမြစ်များ

GENESIS 31:36

Opo nee Jakob okwa handuka ndele okwa twa eemhata naLaban. NaJakob okwa nyamukula ndele ta ti kuLaban: “Etauluko lange olilipipo, etimba lange lilipi, eshi ove wa shikula nge ngaha mehandu?

OMAYELETUMBULO 22:24

Ino ninga kaume komuhandunhu ndele ino endafana naau e hole eemhata,

OMUUDIFI 7:9

Ino endelela okulihandukifa nomwenyo woye, osheshi ehandu tali kala monhulo yelai.

OMUUDIFI 9:3

Mwaaishe tai ningwa koshi yetango omu noshinima inashi yuka nokutya, oshipewa shimwe ashike tashi hange aveshe, nomutima yo wovana vovanhu u yadi owii, noulai hau kala momitima davo mokukalamwenyo kwavo. Ndele konima yaashi otaku iwa koonakufya!

JEREMIA 17:9

Omutima woovene ou nomakoto u dule ashishe nowa nyonauka. Olyelye ta dulu oku u shiiva?

MATEUS 27:23

Ndele omupangeli ta ti: “Okwa nyona shike hano?” Ndele vo va diinina okuuyaana pombada va tya: “Na valelwe komushiyakano!”

LUKAS 23:22

Ndele ye okwa tya kuvo lutitatu: “Owii washike Ye a ninga hano? Ame inandi mona etimba lokufya muye. Hano ngeenge nde mu dengifa, ohandi mu efa.”

JOHANNES 7:51

“Omhango yetu otai pe tuu omunhu etimba mbela fimbo ina pwilikinwa, ye a udike eshi a ninga?”

1 SAMUEL 18:11

Opo nee Saul ta umbu eonga ndee ta ti: “Onda hala okutwa David, ndi mu twile kumwe nekuma!” Ndelenee David okwa yepa luvali.

1 SAMUEL 19:4

Jonatan okwa popya naxe Saul ndee ta popile David ndee te mu lombwele: “Tate ohamba, ino litula etimba omolwomupiya woye David, osheshi ye ina nyona kwoove, noilonga aishe yaye ye ku kwafa shili,

1 SAMUEL 19:5

ye okwe liyandja mefyo nokwa dipaa Omufilisti, nOmwene okwa pa Ovaisraeli aveshe efindano linene. Ove we shi mona ndele wa hafa. Omolwashike hano wa hala okunyona mokutilashi ohonde ihe netimba nokudipaa David, nande ehe noushima?”

1 SAMUEL 20:1

Opo nee David a ya onhapo a dja muNajot puRama, ndele okwe uya kuJonatan ndee ta pula: “Ame onda ninga shike? Okunyona kwange okwaashike netimba lange koshipala shaxo olashike, ye eshi ta kongo omwenyo wange?”

1 SAMUEL 20:7

Ye ngeenge ta ti: ‘Eewa! Omupiya woye ke na mbudi.’ Ndelenee ngeenge a handuka unene, kala u shi shii hano, ye e nowii momwenyo waye.

1 SAMUEL 22:14

Opo nee Ahimelek ta nyamukula ohamba nde ta ti: “Ndelenee olyelye mokati kovapiya voye e shii okulineekelwa ngaashi David, oshitenya shohamba, ndele a ninga omukulunhu wovanangeli voye ndele a fimanekwa meumbo loye?