1 SAMUEL 20:30 - Ombibeli Iyapuki

³⁰ Opo ehandu laSaul la xwamena Jonatan, ndee ta ti kuye: “Oove omumati omona wombwada; ondi shi shii, ove wa hokwa omumati omona waIsai, osho we lififa ohoni ndele wa fifa epenge lanyoko ohoni?

1 SAMUEL 20:30 ပူးပေါင်းရင်းမြစ်များ

JOB 5:2

Osheshi elai tali dipawa kehandu, ndele ou ehe neendunge ta dipawa kouladi.

OMAYELETUMBULO 14:29

Omutalanheni ye e neendunge dihapu, ndelenee omuhandunhu te likongele oulai.

OMAYELETUMBULO 15:2

Elaka lovanongo tali hepaulula eshiivo loshili, ndelenee okanya kovashima taka fuluka oulai.

OMAYELETUMBULO 19:12

Oupyuhandu wohamba u li ngaashi okukumba kwonghoshi yonyasha, ndelenee ohokwe yayo ngaashi omume kombada yoimeno.

OMAYELETUMBULO 19:19

Omuhandunhu ota ka humbata ehandukilo. Osheshi ngeenge wa hala oku mu yakula, oto mu xwameke ashike unene.

OMAYELETUMBULO 21:24

Omulinenepeki nomulunduki ota ifanwa omusheki, shaashi ha kala e nokudina kaku shii kuyelekwa.

OMAYELETUMBULO 25:28

Omulumenhu ehe shii kulipangela, e li ngaashi oshilando sha teywa po shihe nohotekuma.

OMAYELETUMBULO 27:3

Emanya olo lidjuu neheke olidjuu, ndelenee ehandu lelai olidjuu li dule oyo aishe ivali.

MATEUS 5:22

Ndelenee Ame ohandi mu lombwele: keshe ou ta handukile omumwaina, oye okwe lilongela ehandu letokolo, okeshe tuu ou ta handukile omumwaina ndele ta ti: ‘Oshinhu ove,’ ye okwe lilongela ehandu loshiongalele shovakulunhu; naau ta ti: ‘Elai ove,’ oye okwe lilongela omundilo woheli.

OVAEFESO 4:31

Onya keshe, ekeshuko nehandu, efulakato netukano, owii keshe nau kale kokule nanye.

OVAEFESO 6:4

Nanye ooxe, inamu shinda ovana veni noku va handukifa, va tekuleni meduliko nomekumaido lOmwene.

1 SAMUEL 20:29

ndee ta ti: Lekele nge ndi ye ko, osheshi otu noshivilo sheyambo shepata moshilando, nomumwameme mwene a ifana nge. Ame ngeenge nda filwa onghenda koshipala shoye, lekele nge ndi ye ko ndi ka talele po ovamwameme ovalumenhu. Onghee hano ye ine uya koshililo shohamba.”

1 SAMUEL 20:31

Osheshi omafiku aeshe omumati omona waIsai e nomwenyo kombada yedu, ove nouhamba woye itau ka kala wa pama. Tuma ko hano paife u ke mu ete kwaame, osheshi e nokufya.”