1 SAMUEL 20:1 - Ombibeli Iyapuki

¹ Opo nee David a ya onhapo a dja muNajot puRama, ndele okwe uya kuJonatan ndee ta pula: “Ame onda ninga shike? Okunyona kwange okwaashike netimba lange koshipala shaxo olashike, ye eshi ta kongo omwenyo wange?”

1 SAMUEL 20:1 ပူးပေါင်းရင်းမြစ်များ

OMAPSALOME 54:3

Osheshi ovanailongo ova shivila nge olwoodi, ovakolokoshi otava nangele omwenyo wange; Kalunga ihave mu tula moipafi yavo. Sela

2 OVAKORINTO 1:12

Osheshi elitango letu oleli: Ehepaululo leliudo letu oleli kutya, fye otwa enda mounyuni naunene mokati keni, mouyapuki nomoukoshoki waKalunga, hamounongo wopambelela, ndele mefilonghenda laKalunga.

2 PETRUS 2:9

Osho ngaha Omwene e shii okuxupifa ovayuki momahongaulo nokukwatelela ovalunde va ka handukilwe efiku letokolo,

1 JOHANNES 3:21

Ovaholike, omutima wetu ngeenge itau tu hokololifa, opo otu neyombamo koshipala shaKalunga,

1 SAMUEL 12:3

Aame ou. Hokololifei nge koshipala shOmwene nokoshipala shomuvaekwa waye. Olyelye nde mu kufa ongobe, nolyelye nde mu kufa ondongi? Olyelye nde mu fininika ile nde mu hepeka? Ndele okulyelye nda tambula ombubo i twikife omesho ange omolwayo, opo nee ame handi ke shi shunifa kunye?”

1 SAMUEL 19:1

Ndele Saul okwa popya naJonatan novapiya vaye aveshe nokutya, David e nokudipawa. Ndelenee Jonatan, omona waSaul okwa hokwa unene David.

1 SAMUEL 19:18

Ndelenee David okwa ya onhapo nokwa xupifwa, ndele te uya kuSamuel muRama, ndele okwa hepaululila Samuel ashishe eshi Saul e shi mu ningila. Opo nee ye a ya pamwe naSamuel ndele va kala muNajot puRama.

1 SAMUEL 20:2

Ndelenee ye okwe mu lombwela: “Alala! Ito fi. Tate ita ningi oshilonga nande shinini ile shinene, ine shi hololela nge ngeno. Omolwashike hano tate ta holeke nge oshinima eshi? Osho hasho!”

1 SAMUEL 20:32

Ndele Jonatan okwa nyamukula xe Saul ndee ta ti: “Omolwashike ye e nokudipawa? Okwa ninga shike?”

1 SAMUEL 24:11

Ndele tala, tate, heeno, tala okavando komunghulo woshikutu shoye meke lange! Osheshi ame eshi nda teta okavando komunghulo woshikutu shoye, ame inandi ku dipaa. Kala hano u shi shii nokutya, mwaame kamu na owii ile etauluko ndele inandi nyona kwoove, nande ove ho holamene nge u shiive okudipaa nge.

1 SAMUEL 24:12

Omwene na tokole pokati ketu naave, nOmwene ne ku handukile omolwange. Ndelenee eke lange itali ke ku kuma.

1 SAMUEL 24:17

Ndele ta ti kuDavid: “Ove u dule nge ouyuki, osheshi ove wa ningila nge ouwa, fimbo nde ku ninga nai.

1 SAMUEL 24:9

Ndele David ta ti kuSaul: “Omolwashike to pwilikine eendjovo dovanhu hava ti: ‘Tala, David te ku kongele omupya?’

1 SAMUEL 26:18

Ye ta ti vali: “Omolwashike omwene wange ta taataa omupiya waye? Ame onda ninga shike? Ile owii washike ngeno u li mwaame?