1 SAMUEL 2:9 - Ombibeli Iyapuki

⁹ Eemhadi dovayuki vaye ote di amene, ndelenee ovahenakalunga tava kana momilaulu. Osheshi omunhu ita dulu sha neenghono daye mwene.

1 SAMUEL 2:9 ပူးပေါင်းရင်းမြစ်များ

JOB 18:18

Ota undulwa mouyelele, a ye momulaulu, ndele ta ka tewa mo mounyuni.

JOB 40:13

Vo aveshe va paka mumwe mondwi. Oipala yavo i kwatelela mehondameno.

JOB 5:16

Onghee hano omukwanaluhepo e neteelelo, nouhenouyuki u nokumwena.

JOB 5:24

Ove oto ka mona nhumbi eumbo loye tali kala nombili, ndele ngeenge ho talatala onhele yoye, ito pumbwa sha.

OMAPSALOME 1:6

Osheshi ondjila yovayuki Omwene oku i shii; ndelenee ondjila yovahenakalunga otai hanauka.

OMAPSALOME 105:37

ndele ta tembukifa mo Ovaisraeli ve noisiliveli noingoldo, nomokati komapata avo kamwa li nande oshingudu.

OMAPSALOME 121:3

Ye ita efa omhadi yoye, i fenungute; omwaameni woye iha kofa.

OMAPSALOME 121:5

Omwene Oye omwaameni woye, Omwene Oye omudile woye wokolulyo loye,

OMAPSALOME 121:8

Omwene ota amene epito loye neuyemo loye okudja nena fiyo alushe.

OMAPSALOME 145:20

Omwene oha amene aveshe, ava ve mu hole, ndelenee ovadudu aveshe ote va kombo po.

OMAPSALOME 31:17

Omwene, ino efa nge ndi lengaifwe, Oove handi ifana. Ava vehe na ko nasha naave, ovo nava lengaifwe, ndele eshi va tomhwa, nava ye moshovafi!

OMAPSALOME 37:28

osheshi Omwene oku hole ouyuki, novadiinini vaye ite va efa nande. Ovalunde otava nyonaunwa po fiyo alushe, nodikwa yavo otai kombololwa po sheke.

OMAPSALOME 94:18

Alushe, eshi kwa li ndi shii, omhadi yange tai hale okufenunguta, ouwanghenda woye, Omwene, owo wa paka nge ofika;

OMAPSALOME 97:10

Akutu onye ava, mu hole Omwene, tondeni owii! Eemwenyo dovakoshoki vaye, ote di amene, ote di xupifa momake ovadinikalunga.

OMAYELETUMBULO 16:9

Omutima womunhu tau diladila ondjila yaye, ndelenee Omwene ta endifa eenghatu daye.

OMAYELETUMBULO 2:8

Osheshi Ye ota pashukile omalila ouyuki ndele ta amene ondjila yovayuki vaye.

OMAYELETUMBULO 3:26

Osheshi Omwene ota ka kala omulineekelwa woye ndele Ye ota ka amena omhadi yoye komwiyo.

OMUUDIFI 5:17

Nosho yo ha li mokukalamwenyo kwaye akushe momulaulu ndele e noluhodi lihapu. Navali okuhepekwa nehandu!

OMUUDIFI 9:11

Natango nda mona koshi yetango nokutya, okutondoka shanamutete kaku li mepangelo laau e nonhapo, haita mepangelo lovakwanyati, hamungome mepangelo lovanaendunge, haupuna mepangelo lovanamayele, hahokwe mepangelo lovanongo, ndelenee efimbo nesheyelo tali pangele aishe.

JESAJA 27:3

Aame Omwene, omunangeli washo: “Ohandi shi tekele omafimbo aeshe; ohandi ke shi amena oufiku nomutenya, opo shiha mone nande oshiponga.

JESAJA 47:5

Kala omutumba wa mwena filu, inda momilaulu, oove omona okakadona kaKaldea; osheshi ito ifanwa vali omupangeli woilongo.

JEREMIA 8:14

Molwashike otu li po omutumba ndele twa mwena filu? Ongaleni tu yeni moilandohote ya pama tu ka file mo! Osheshi Omwene Kalunga ketu ote tu efa tu fye po, ndele te tu nwefa omeva oudiyo, osheshi fye otwa nyona kOmwene.

JEREMIA 9:23

Omwene osho ta ti: Omunaendunge ine litangela eendunge daye, omunaenghono ine litangela eenghono daye, oshipuna shiha kale nokulitangela oupuna washo,

NAHUM 1:8

Ndelenee onhele yasho te i xulififa efundja linene novatondadi te va telatele momulaulu.

SEFANIA 1:15

Efiku olo efiku loupyuhandu, efiku loluhepo noloudjuu, efiku lehanauno nolenyonauko, efiku lomilaulu noloshiwiwili, efiku loilemo nolomidimbi,

SAKARIA 4:6

Opo nee ye okwa nyamukula ndele ta ti kwaame: “Ondjovo yOmwene kuSerubbabel oyei, nokutya: Hakeenghono ile kefininiko, ndelenee okOmhepo yange, Omwene womatanga ovakwaita ota ti.

NUMERI 6:24

‘Omwene ne ku nangeke noupuna, Ye ne ku amene;

MATEUS 8:12

ndelenee ovana voshilongo otava ka ekelwa momilaulu dopondjelela; omo tamu ka kala elilaano nelikweshelo lomayoo.”

OVAROMA 3:19

Ndele fye otu shi shii, ashishe osho omhango tai shi popi, otai shi lombwele ava ve li koshi yomhango, opo okanya keshe ka mutikwe, nounyuni aushe u kale, u netimba koshipala shaKalunga;

DEUTERONOMION 33:3

Heeno, Ye e hole omapata. Ovayapuki vaye aveshe ove li meke laye, ndele vo va li va onga onhanda peemhadi doye. Keshe umwe okwa pewa sha shomeendjovo doye.

1 PETRUS 1:5

ofye ava hatu amenwa keenghono daKalunga molweitavelo, tu mone exupifo eli la longekidwa li hololwe mefimbo laxuuninwa.

2 PETRUS 2:17

Ovanhu va tya ngaha ova fa eefifiya dihe nomeva, noilemo hai shingwa koshikungulu, nomulaulu fokofoko we va tuvikililwa.

JUDAS 1:1

Judas, omupiya waJesus Kristus, omumwaina waJakob, kwaava va ifanwa ndele va yapulwa muKalunga Tate ndele va amenenwa Jesus Kristus.

JUDAS 1:13

Ovo omakufikufi omefuta tava tutumike onhutu yohoni yavo vene. Ovo eenyofi da pukilila, ovo va teelelifwa omulaulu womilaulu fokofoko fiyo alushe.

JUDAS 1:3

Ovaholike, eshi nda li nda hala nokuhalelela oku mu shangela molwexupifo letweni atusheni, ame onda li ndi udite ndi noku mu shangela noku mu kumaida, nye mu kondjele eitavelo eli la pewa ovayapuki polumwe aluke.

1 SAMUEL 25:26

Ndele paife, omwene wange, oshili ngaashi Omwene e nomwenyo naave u nomwenyo, Omwene Oye tuu e ku kelela okutula etimba lohonde u likwafe neke loye mwene. Ovatondadi voye naava hava kongele omwene wange owii nava ningwe ngaashi Nabal.