1 SAMUEL 2:8 - Ombibeli Iyapuki

⁸ Mondwi Ye ota yambula omufyoona ndele ta lenge omukwanaluhepo moshala shomute, vo va kale omutumba peehamba, va fyuulule olukalwa lado lefimano. “Osheshi eengudi dedu odo dOmwene, ndele kombada yado Ye okwa dika ounyuni.

1 SAMUEL 2:8 ပူးပေါင်းရင်းမြစ်များ

GENESIS 41:14

Opo nee Farao okwa ifana mo Josef, ndele vo ove mu pitifa mo divadiva modolongo. Ndele ye okwe likululifa nokwa djala oikutu imwe. Ndele ye okwe uya koshipala shaFarao.

GENESIS 41:40

Ove ou na okupangela eumbo lange, novanhu vange aveshe ove na okudulika komalombwelo oye. Ashike kombinga yolukalwapangelo ame ondi ku dule.”

2 SAMUEL 7:8

Onghee hano, lombwela omupiya wange David u tye: Omwene womatanga ovakwaita ta ti ngaha: Aame mwene nde ku kufa moufita wokulifa eedi, u ninge omukomesho woshiwana shange Israel,

1 EEHAMBA 16:2

“Ame nde ku tumba mo mondwi ndele nde ku ninga ohamba yovanhu vange Ovaisraeli, ndelenee ove wa enda nondjila yaJerobeam ndele wa hongaula ovanhu vange Ovaisraeli okunyona, opo nee va handukifa nge nomatimba avo.

2 EEHAMBA 9:6

Nokwa fikama ndele ta i meumbo. Opo nee winya ta tile omaadi komutwe waye ndele ta ti kuye: “Omwene Kalunga kaIsrael osho ta ti: ‘Ame ohandi ku vaeke u ninge ohamba yovanhu vOmwene Ovaisraeli.

JOB 1:21

ndele ta ti: “Hamunghele nda dja medimo lameme, hamunghele ohandi ka shuna ko. Omwene okwa pele nge, nOmwene okwa kufa nge. Edina lOmwene nali hambelelwe!”

JOB 2:8

Ndele ye okwa kufa oshikangwa te linyae nasho ndele ta kala omutumba momute.

OMAPSALOME 102:25

Nalenale Oove wa shita edu, nomaulu oo oshilongwa shomake oye.

OMAPSALOME 104:5

Edu owe li shitila keengudi dalo, lo liha tengauke nande fiyo alushe,

OMAPSALOME 107:41

Epongo okwe li kufa moupongo walo, nomapata ao okwe a tanifa ngaashi oyuunda yeedi.

OMAPSALOME 24:2

osheshi Ye okwe a shita kombada yomeva efuta, nokwe a pameka kombada yomilonga.

OMAPSALOME 75:3

Edu nande nali tengauke pamwe novakwadu aveshe: Aame ou, handi pameke eengudi dalo. Sela

OMAPSALOME 75:4

Ohandi lombwele ovalinenepeki: “Inamu linenepeka.” Nokovalundakani: “Inamu tanganeka oluvinga;

OMAPSALOME 75:7

ahowe, Kalunga Oye tuu ou omutokoli; umwe ote mu ninipike, nomukwao ote mu nenepeke.

OMUUDIFI 4:14

Osheshi ou a dja kodolongo a ninge ohamba, nande moshilongo shambulavo omo a dalelwa ohepele.

JESAJA 22:23

Ndele Ame ohandi ke mu valela ponhele ya pama, ngaashi ondungu, ndele ye ota ningi olukalwa lefimano lomeumbo laxe.

DANIEL 2:48

Opo ohamba oya lenga Daniel, ndele ye mu pa omilongelo dinene dihapu, ndele ye mu tula omupangeli wombinga imwe yoshilongo shaBabilon nomukulunhu a kula kombada yovanongo aveshe vomuBabilon.

DANIEL 4:17

Oshinima eshi osha pangelwa momhangela yovaengeli nokondjovo yovayapuki, opo ovanamwenyo va shiive nokutya, ou wOkombadambada e kwete eenghonopangelo kombada yoilongo yovanhu, ndele te i yandje kwaau Ye a hala, nomufyoonelela Ye ote mu tula mepangelo.’

DANIEL 6:3

Ndele Daniel okwa li e dule omalenga makwao aa akula nomalenga, osheshi ye okwa li e yadi omhepo yomayele mahapu. Ndele ohamba oya hala oku mu tumba elenga ekulunhu loshilongo ashishe.

OVAHEBERI 1:3

Oye evadimo lefimano laye nolupe loukwatya waye, ou ha humbatifa oinima aishe ondjovo yeenghono daye, Ye eshi a wanifa muye mwene ekoshelo lomatimba etu, okwa kala omutumba kolulyo lOmufimanekwa mokombadambada,

JAKOB 2:5

Ovamwatate ovaholike, pwilikineni, Kalunga ina hoolola hamba ava va talwa kounyuni ou eehepele, va ninge oipuna meitavelo novafyuululi vouhamba ou wa udanekelwa ovo ve mu hole?

EHOLOLO 1:6

nokwe tu ninga ouhamba novapristeli vaKalunga novaXe; efimano olaye neenghono odaye alushe fiyo alushe! Amen.

EHOLOLO 22:5

Ndele itamu kala oufiku, ngaashi itava pumbwa ouyelele wolamba ile wetango, osheshi Omwene Kalunga ote va minikile; ndele otava ka pangela ngaashi eehamba alushe fiyo alushe.

EHOLOLO 3:21

Ou ta findi, ohandi mu kaleke omutumba pamwe naame kolukalwapangelo lange, ngaashi Ame nda finda ndele ndi li omutumba pamwe naTate okolukalwapangelo laye.

EHOLOLO 5:10

ndele we va ningila Kalunga ketu ouhamba novapristeli, ndele tava ka kala nokupangela kombada yedu.”

1 SAMUEL 15:17

Ndele Samuel ta ti: “Oove omutwe womapata Ovaisraeli, nande ove oumuxupi momesho oye mwene. Omwene e ku vaeka u ninge ohamba yOvaisraeli.