1 SAMUEL 2:6 - Ombibeli Iyapuki

⁶ Omwene ta yandje efyo, ndele ta yandje omwenyo. Ye ota twala moshovafi, ndele ta alula mo.

1 SAMUEL 2:6 ပူးပေါင်းရင်းမြစ်များ

1 EEHAMBA 17:22

NOmwene okwa uda Elia, nomwenyo wokaana wa alukila muko, onghee hano ka ninga vali omwenyo.

2 EEHAMBA 5:7

Ohamba yaIsrael eshi ya lesha onhumwafo oyo, oya pombaula oikutu yayo ndele tai ti: “Ame mbela Kalunga ndi dule okudipaa nokutula omwenyo, eshi omulumenhu winya ta tumine nge ndi kufe momulumenhu oudu waye woshilundu? Dimbulukweni hano, mu tale, nhumbi ta kongo omhito okushinda nge.”

JOB 5:18

Osheshi Ye ta yehameke, ndelenee ota hakula yo. Omake aye otaa teyaula, ndelenee otaa velula yo.

OMAPSALOME 116:3

Omiyo defyo okwa li da yula nge, noutile woshovafi owa hangelela nge; onda hangikile koupyakadi noluhodi.

OMAPSALOME 30:4

Imbileni Omwene ehambelelo, ovakoshoki vaye nye, panduleni nokudimbulukwa edina laye liyapuki!

OMAPSALOME 68:20

Fye otu na Kalunga, Oye Kalunga Omuxupifi, nOmwene, Omwene ou ha shiiva okuxupifa mefyo.

OMAPSALOME 71:20

Ove we tu monifa omaudjuu mahapu nomahepeko; ndelenee to ke tu ninga natango ovanamwenyo. Nomomambolongodjelo edu, oto tu kufa mo vali.

OMUUDIFI 3:3

efimbo lokudipaa nefimbo lokuvelula, efimbo lokuhanauna po nefimbo lokutunga,

JESAJA 26:19

Ovafi voye otava ka ninga ovanamwenyo, oimhu yange otai ka nyumuka. Dudulukeni, nye mu nyakukwe, onye amushe ava mwa nangala mondwi, osheshi omume yoye oyo omume youyelele, nedu otali ka eta mo ovafi.

HESEKIEL 37:12

Onghee hano, xunganeka u va lombwele: Omwene Kalunga ta ti ngaha: Taleni, Ame ohandi ka lafulula eembila deni, ndele handi ke mu kufa mo meembila deni, akutu oshiwana shange, ndele Ame ohandi mu eta moshilongo shaIsrael.

HESEKIEL 37:3

Opo nee Ye a lombwela nge ta ti: “Kaana komunhu, oipongolo ei tai dulu tuu okuninga omwenyo?” Ndele ame nda nyamukula, handi ti: “Omwene Kalunga, Oove u shi shii.”

MATEUS 12:40

Osheshi ngaashi Jona a kalele medimo loshikwameva omitenya nhatu nomaufiku atatu, hano osho yo Omona wOmunhu ota ka kala koshi yedu omitenya nhatu nomaufiku atatu.

JOHANNES 11:25

Jesus ta ti kuye: “Aame enyumuko nomwenyo; ou ta itavele nge ota kala nomwenyo, nande na hangike a fya.

DEUTERONOMION 32:39

“ ‘Taleni hano, nokutya Aame tuu ou, ndele kape na oshikalunga shimwe ponho yange. Ame handi dipaa ndele Ame handi tula omwenyo. Ame ohandi teyaula po, ndele Ame ohandi velula; ndele pehe na nande umwe ta xupifa momake ange.

EHOLOLO 1:18

ondi nomwenyo, onda file, ndele tala, ondi nomwenyo fiyo alushe; ndele ondi neeshapi defyo nodoshovafi.

1 SAMUEL 20:3

Opo nee David ta ane vali ndee ta ti: “Xo e shi shii naanaa nokutya, ove wa hokwa nge; onghee hano ye a diladila: Jonatan ine shi shiiva, opo ye aha nyike oluhodi. Ndelenee oshili, ngaashi Omwene e nomwenyo naave yo u nomwenyo, ope nonghatu imwe aike pokati ketu nefyo!”