1 SAMUEL 2:36 - Ombibeli Iyapuki

³⁶ Ndele aveshe ava tava ka xupa po meumbo loye, otave ke uya okulinyongamena koshipala shaye va pewe okamaliwa nokapambu komungome, ndele tava ka tya: ‘Tambule nge yo meyakulolonga limwe loupristeli, ndi shiive okulya okapambu komungome.’ ”

1 SAMUEL 2:36 ပူးပေါင်းရင်းမြစ်များ

1 EEHAMBA 2:27

Osho ngaha hano Salomo okwa taataa Abjatar, ye ina kala vali omupristeli wOmwene, opo ondjovo yOmwene i wanifwe, Ye e i popila epata laEli muSilo.

2 EEHAMBA 23:9

Ovapristeli voikulundu yeealtari inava itavelwa okulonda koaltari yOmwene muJerusalem. Vo ova itavelwa okulya omungome uhe nonhafi pamwe navakwao.

OMAYELETUMBULO 14:19

Ovanawii ve nokulinyongamena koshipala shaava vawa, novahenakalunga poivelo yovayuki.

MALAKIA 1:13

Ndele nye tamu ti: Taleni, oudjuu u fike peni! Ndele nye tamu shi dini, Omwene womatanga ovakwaita ta ti. Ndele nye tamu eta oshimuna sha vakwa, ile shilema ile tashi vele; osho ngaha tamu eta omayambo! Ame ohandi hokwa tuu oku shi tambula momake eni, Omwene womatanga ovakwaita ta ti.

OVATOKOLIPANGELI 17:10

Ndele Mika ta ti kuye: Kala pwaame, u ninge tate nomupristeli wange. Opo nee handi ku pe omudo keshe eesekeli omulongo doshisiliveli noikutu neendja. NOmulevi okwa ya puye.

1 SAMUEL 2:35

Ndele Ame ohandi ke lipendulila omupristeli omudiinini, ou ta ka longa pamutima wange nopamwenyo wange; ndele Ame ohandi ke mu tungila ongulu tai kala po, ndele ye ota ka kala nokweenda alushe koshipala shOmuvaekwa wange.’

1 SAMUEL 3:1

Ndele omumati Samuel okwa longela Omwene kokuulikilwa kuEli. Neendjovo dOmwene oda li da pumba pomafiku enya. Kakwa li omamoniko mahapu.