1 SAMUEL 2:28 - Ombibeli Iyapuki

²⁸ Ndele Ame onde mu hoolola momapata aeshe aIsrael ngaashi omupristeli, a londe koaltari yange a xwameke oitwiminifo ndele a djale oshikutu shokomapepe moipafi yange. Ndele Ame nda yandja kepata laxo omindiloyambo adishe dovana vaIsrael.

1 SAMUEL 2:28 ပူးပေါင်းရင်းမြစ်များ

2 SAMUEL 12:7

Opo nee Natan ta ti kuDavid: “Omulumenhu ou oove! Omwene Kalunga kaIsrael ta ti: ‘Ame nde ku vaeka u ninge ohamba yaIsrael, ndele Ame nde ku xupifa meke laSaul;

2 SAMUEL 6:14

Ndele David okwa tanha nokunhuka neenghono moipafi yOmwene. Ndele David okwa li a djala oshikutu sholiina shokomapepe.

EXODUS 28:1

“Ndele ifana Aron mumwanyoko, novana vaye ovamati pamwe naye movana vaIsrael ve uye kwoove, opo vo va shiive okulongela nge moshilonga shoupristeli: Aron, Nadab naAbihu, Eliaser naItamar, ovana vaAron.

EXODUS 28:4

Noikutu ei vo ve noku i hondja oyei: Okapapa koponhulo, oshikutu shokomapepe, oshikutu shokombada, ombaikifa ya hondjelwa oulenga, embale nomwiya woshiyata. Osho ngaha hano ve nokuningila Aron, mumwanyoko, novana vaye ovamati oikutu iyapuki, opo vo va shiive okulongela nge moshilonga shoupristeli.

EXODUS 30:7

Ndele Aron e nokutema kuyo oitwiminifo yedimba liwa. Ongula keshe ye ngeenge ta longekida eelamba, ye e noku i tema.

EXODUS 30:8

Nosho onguloshi, Aron ngeenge ta tula eelamba meenhele dado, ye e noku i tema i kale oitwiminifo efimbo alishe koshipala shOmwene komaludalo fiyo omaludalo.

LEVITIKUS 2:10

Ndele eshi sha xupa po meendjayambo, sho nashi ninge shaAron novana vaye ovamati, oshitukulwa oshiyapukielela shomundiloyambo wOmwene.

LEVITIKUS 2:3

Ndele eshi sha xupa po keendjayambo, nashi ninge shaAron novana vaye ovamati, oshitukulwa shiyapukielela shomundiloyambo wOmwene.

LEVITIKUS 6:16

Naashi tashi xupu po, nashi liwe po kuAron novana vaye. Shi nokuliwa shihe nonhafi monhele iyapuki, mehale lokomesho letwali leongalo vo ve noku shi lya.

LEVITIKUS 7:32

Nye mu nokupa yo omupristeli oshilama shokolulyo ngaashi eyelulwayambo lomomapanduloyambo eni.

LEVITIKUS 7:36

osho sha tongwa kOmwene ve shi pewe kombinga yovana vaIsrael mefiku tuu olo Ye e va vaekele. Yo onghedimhango yaalushe komaludalo avo.

NUMERI 16:5

Ndele ye okwa lombwela Kora nongudu yaye aishe ndee ta ti: “Ongula inene Omwene ta ka holola olyelye waye nalyelye omuyapuki nalyelye te mu itavelele okweehena kuye. Ou Ye ta hoolola Oye te mu itavelele okweehena kuye.

NUMERI 18:19

“Eeshaliyambo adishe doinima iyapuki ei tai yandjelwa Omwene kovana vaIsrael, Ame ohandi i ku pe novana voye ovamati noukadona i kale onghedimhango yaalushe. Eshi hano ehangano lomongwa koshipala shOmwene pokati keni noludalo leni pamwe nanye.”

1 SAMUEL 14:3

Ndele Ahia yaAhitub, omumwaina waIkabod yaPinehas yaEli, omupristeli womuSilo, okwa li a djala oshikutu shokomapepe. Ndelenee ovakwaita inava shiiva nokutya, Jonatan okwa dja po.

1 SAMUEL 2:18

Ndelenee okamati Samuel ka yakula moilonga koshipala shOmwene, ndele ka li ka djala oshikutu shokomapepe sholiina.