1 SAMUEL 2:2 - Ombibeli Iyapuki

² “Pehe nomuyapuki ngaashi Omwene. Heeno, pehe na nande umwe ponho yaye. Ndele pehe na emanya ngaashi Kalunga ketu.

1 SAMUEL 2:2 ပူးပေါင်းရင်းမြစ်များ

2 SAMUEL 22:3

Kalunga, emanya lange, Oye handi mu lineekele; oshikelelifo shange noluvinga lexupifo lange, ohotemanya yange, nehondameno lange, omuxupifi wange. Ove wa xupifa nge mo moukolokoshi.

2 SAMUEL 22:32

“Osheshi olyelye Kalunga ponho yOmwene? Olyelye emanya ponho yaKalunga ketu?

2 SAMUEL 7:22

Onghee hano Oove omunene Omwene Kalunga! Osheshi pwaashishe twe shi uda nomatwi etu, kape na umwe ngaashi Ove, ndele kape naKalunga umwe ponho yoye.

1 EEHAMBA 8:23

ndele ta ti: “Omwene Kalunga kaIsrael, meulu nokombada yedu alishe kakuna ou e ku fa, ou to diinine ehangano nouwanghenda kovapiya voye ovo hava ende koshipala shoye nomutima wavo aushe,

OMAPSALOME 111:9

Oshiwana shaye okwe shi tumina ekulilo, nehangano laye navo okwe li dika li kalelele; edina laye oliyapuki nola tilika.

OMAPSALOME 18:2

Omwene Oye emanya lange la pama, nohotengulu yange, nomuxupifi wange. Kalunga kange Oye omhunda yange yehondamo oko handi tondokele, Oye oshikelelifo shange, noluvinga lexupifo lange, nohote ya kolelela.

OMAPSALOME 18:31

Osheshi Kalunga kamwe okelipipo mbela ponho yOmwene ou, nemanya lexupifo olilipipo, lihe fi Kalunga ketu aeke?

OMAPSALOME 71:19

Kalunga, ouyuki woye otau fiki fiyo pombada keulu; Ove ou ho longo oinenenima, Kalunga, olyelye e ku fa?

OMAPSALOME 71:3

Kala emanya lokukala kwange, nohote ya pama yokuningina mo. Ove ou wa sheyela nge exupifo, osheshi Oove emanya lange nohote yange.

OMAPSALOME 73:25

Olyelye vali ndi kwete meulu, ehe fi Ove? Nokombada yedu nghi na nande oshihafifi shimwe, shihe fi Ove.

OMAPSALOME 86:8

Omwene, moikalunga kamu na umwe e ku fa, nopehe na eshi sha fa oilonga yoye.

OMAPSALOME 89:6

Ile olyelye womoule meulu e fike pOmwene, movana ovamati vaKalunga elipipo a fa Omwene?

OMAPSALOME 89:8

Akutu Omwene, Kalunga keengudu dovakwaita, olyelye ngaashi Ove? Oove omunaenghono, akutu Omwene, oudiinini woye otau ku dingilile apeshe.

OMAPSALOME 99:3

Nava fimaneke edina laye eli linene, litilifa, Oye Omuyapuki,

OMAPSALOME 99:5

Tumbalekeni Omwene, Kalunga ketu, lidengeni poshi peemhadi daye, Oye Omuyapuki.

OMAPSALOME 99:9

Hambeleleni Omwene, Kalunga ketu. Linyongameneni pomhunda yaye iyapuki. Osheshi Omwene, Kalunga ketu, Oye Omuyapuki.

EXODUS 15:11

“Akutu Omwene, olyelye e li ngaashi Ove mokati koikalunga? Olyelye e li ngaashi Ove omufimanekwa mouyapuki, onakutilika moilonga ya fimana, Ove ho longo oikumwifa.

JESAJA 40:18

Omwa hala okuyeleka Kalunga nalyelye, nomwa hala mu mu faafanife nalyelye?

JESAJA 44:6

Omwene, ohamba yaIsrael nOmukulili waye, Omwene Kalunga komatanga ovakwaita ota ti: “Aame ou, omutete nomuxuuninwa, Aame andike Kalunga, kape na vali umwe.

JESAJA 44:8

Inamu kala mwa haluka, nye inamu tila! Inandi shi ku shiivifila noku ku udifila nalenale? Ndele onye eendobwedi dange! Ope na tuu Kalunga kamwe kehe fi Aame? Ahowe, kape na emanya limwe lexupifo, kandi mu shii nande umwe.”

JESAJA 57:15

Osheshi Omwene nOmufimanekwa ou ha kala moukwaalushe, nedina laye Omuyapuki, Ye ota ti: Ame ohandi kala pokule mokombadambada nomouyapuki nomwaava ve na omhepo ya nyanyaulwa noye lininipika, opo ndi hekeleke omhepo yovalininipiki nondi tululule omwenyo momutima waava va nyanyaulwa.

JESAJA 6:3

Ndele vo ova lalekidafana mokule, ndele tava ti: “Omuyapuki, Omuyapuki, Omuyapuki, Omwene, Kalunga komatanga ovakwaita! Oshinge shaye osha yadifa edu alishe!”

JEREMIA 10:6

Kape na ou e ku fa, Omwene, Oove omunene, edina loye linene, li neenghono.

LEVITIKUS 11:44

Osheshi Aame Omwene Kalunga keni. Liyapuleni hano mu kale ovayapuki, shaashi Ame omuyapuki. Onghee hano inamu linyateka omolwoupuka tave likoko kombada yedu.

LEVITIKUS 11:45

Osheshi Aame Omwene, ou nde mu pitifa mo medu laEgipiti, opo ndi kale Kalunga keni. Osho ngaha hano nye mu nokukala ovayapuki shaashi Ame omuyapuki.

LEVITIKUS 19:2

a lombwele eongalo alishe lovana vaIsrael a tye: “Mu nokukala ovayapuki, osheshi Aame, Omwene Kalunga keni, omuyapuki.

OVAROMA 15:4

Osheshi keshe eshi sha shangwa nale, osha shangelwa elongo letu, opo tu kale tu neteelelo hali di melididimiko nomehekeleko lomomishangwa.

OVAROMA 4:8

Omulumenhu omunelao oye ou, Omwene ite mu valulile etimba.”

DEUTERONOMION 3:24

‘Omwene Kalunga! Ove wa hovela okuhololela omupiya woye ounene woye neenghono deke loye. Osheshi meulu nokombada yedu oku na tuu Kalunga ta dulu okulonga oilonga ya tya ngaha, noilonga ya tya ngaha yeenghono ngaashi Ove?

DEUTERONOMION 32:20

Ndele Ye okwa tile: ‘Ame nda hala oku va holeka oshipala shange. Ame nda hala okutala exulilo lavo tali ka ninga la tya ngahelipi. Osheshi vo oludi la nyonauka shili, vo ovana muvo muhe na oudiinini.

DEUTERONOMION 32:39

“ ‘Taleni hano, nokutya Aame tuu ou, ndele kape na oshikalunga shimwe ponho yange. Ame handi dipaa ndele Ame handi tula omwenyo. Ame ohandi teyaula po, ndele Ame ohandi velula; ndele pehe na nande umwe ta xupifa momake ange.

DEUTERONOMION 32:4

“Ye emanya; oilonga yaye oya wana ya pwa. Osheshi eendjila daye adishe do omatokolo. Oye Kalunga koudiinini, ndele ehe nowadi. Ye omuyuki nomunashili.

DEUTERONOMION 4:35

Ove mwene we shi ulikilwa, opo u shiive nokutya, Omwene Oye Kalunga. Ponho yaye kape na umwe.

DEUTERONOMION 4:39

Onghee hano kala u shi shii nena eli u li tambule momutima woye nokutya, Omwene Oye Kalunga meulu noposhi kombada yedu. Kape na umwe.

1 PETRUS 1:16

osheshi pa shangwa: “Kaleni ovayapuki, osheshi Aame omuyapuki.”