1 SAMUEL 2:10 - Ombibeli Iyapuki

¹⁰ Ava hava twifa Omwene eemhata tava ka teyaulwa po. Vo ote va ndundumine meulu. Omwene ta tokola omaxulilo ongonga yedu, ndele Ye ta yandje eenghono kohamba yaye ndele ta yelula oluvinga lomuvaekwa waye.”

1 SAMUEL 2:10 ပူးပေါင်းရင်းမြစ်များ

2 SAMUEL 22:14

Opo Omwene okwa ndunduma meulu, nondaka yaau wOkombadambada ya udika.

2 SAMUEL 7:13

Ye ota ka tungila edina lange ongulu ndele Ame ohandi ka pameka olukalwapangelo louhamba waye fiyo alushe.

2 SAMUEL 7:8

Onghee hano, lombwela omupiya wange David u tye: Omwene womatanga ovakwaita ta ti ngaha: Aame mwene nde ku kufa moufita wokulifa eedi, u ninge omukomesho woshiwana shange Israel,

JOB 40:9

Ile u nokwooko ngaashi okwooko kwaKalunga? Ndele to dulu tuu okundunduma nondaka yoye ngaashi Ye?

OMAPSALOME 132:17

Omo onda hala okukulifila mo eenghono daDavid, nonda longekidila mo omuvaekwa wange oshiminikilifo.

OMAPSALOME 148:14

Ovanhu vaye okwe va yelulila vali oluvinga, osho oshifimanekifi shovayuki voye aveshe, shovana vaIsrael, oshiwana shopolwamba laye. Halleluya!

OMAPSALOME 2:2

Eehamba dedu tadi fikama, ovapangeli otava kundafana pamwe notava tu ondubo nOmwene nomuvaekwa waye.

OMAPSALOME 2:6

“Aame tuu ou nda nangeka ohamba yange muSion komhunda yange iyapuki.”

OMAPSALOME 2:9

Ove u noku va nyanyaula nodibo yoshivela, ndele to va tataula ngaashi oshiyuma.”

OMAPSALOME 20:6

Paamha ondi shi shii, Omwene ota xupifa omuvaekwa waye, ndele te mu udu meulu laye liyapuki omafindano manene eke laye lokolulyo.

OMAPSALOME 20:7

Oku na ovo have lineekele omatemba oita navamwe eenghambe; ndelenee fye hatu hepaulula edina lOmwene Kalunga ketu.

OMAPSALOME 21:1

Omwene, ohamba otai hafele eenghono doye, nehafo la tya ngahelipi tai hafele ekwafo loye!

OMAPSALOME 28:8

Omwene, Oye eenghono doshiwana shaye, ohotexupifo yomuvaekwa waye.

OMAPSALOME 45:7

Ove u hole ouyuki ndele to tondo oumbudi; onghee hano Kalunga, Kalunga koye, e ku vaeka nomaadi ehafo u dule oovakweni.

OMAPSALOME 89:17

Osheshi Oove etumbalo lavo nepameko lavo, molwoku tu hokwa kwoye oluvinga letu ola yeluka pombada;

OMAPSALOME 89:24

Oudiinini wange nouwanghenda wange tau kala pamwe naye, nomedina lange oluvinga laye nali yeluke pombada.

OMAPSALOME 89:25

Onda hala okudulikifa omeva efuta keke laye, Ame ndi tule olulyo laye kombada yomilonga.

OMAPSALOME 96:13

koshipala shOmwene, osheshi Ye ote uya, heeno, ote uya okutokola edu; ota ka tokola ongonga yedu mouyuki, noiwana yoilongo paudiinini waye.

OMAPSALOME 98:9

koshipala shOmwene, osheshi Ye ote uya okutokola edu. Ongonga yedu ote ke i tokola mouyuki, noiwana yoilongo ngaashi ye shi yukila.

EXODUS 15:6

“Akutu Omwene, eke loye la fimana molweenghono. Eke loye lokolulyo, akutu Omwene, lo tali teyaula omutondadi.

OMUUDIFI 11:9

Omunyasha ove, kala wa nyakukwa mounyasha woye, nomutima woye nau ku hafife momafiku omounyasha woye. Ndele enda neendjila domwenyo woye, ndelenee kala u shi shii nokutya, Kalunga ote ku tokolifa molwaashishe eshi.

OMUUDIFI 12:14

Osheshi Kalunga ota alula keshe oshilonga ketokolo, olo tali uya kombada yoinima aishe ya holekwa, iwa naii.

JESAJA 29:6

Omwene Kalunga komatanga ovakwaita ote uya oku ku talela po mengungumo nomekakamo ledu, momhepo nomoshikungulu nomelaka lomundilo tau lyana.

JESAJA 32:1

Tala, ohamba otai ka pangela pauyuki, nomalenga otaa ka tokola etokolo la yuka.

JESAJA 45:24

Otava ka tya nge: mOmwene omo amuke tamu monika ouyuki neenghono; kuye vo ve noku ke uya. Ndelenee aveshe ava ve mu handukila otava i kuye nokufya ohoni.

HESEKIEL 29:21

“Mefiku tuu olo ohandi ka tumifila eumbo laIsrael oluvinga, ndele handi ku pe eenghono u shiive okumakula okanya koye mokati kavo. Ndele vo otava ka shiiva nokutya, Aame Omwene.”

MATEUS 25:34

Opo nee ohamba otai lombwele ovo vokolulyo layo: ‘Onye ovanangekwa noupuna vaTate, ileni, mu ka fyuulule ouhamba ou mwe u longekidilwa, keshito lounyuni.

MATEUS 28:18

Ndele Jesus okwe uya kuvo, okwe va lombwela ndele ta ti: “Ame onda pewa eenghono adishe meulu nokombada yedu.

LUKAS 1:69

ndele okwe tu tumbila oluvinga lexupifo omeumbo laDavid, omupiya waye,

LUKAS 19:27

Ndelenee ovatondi vange ovo inava hala ndi va pangele va eteni oku, mu va dipaele apa moipafi yange.’ ”

OILONGA YOVAYAPOSTOLI 10:38

Mu shi shii, Jesus Omunasareti, Kalunga nhumbi e mu vaekifa Omhepo Iyapuki neenghono, Ye ta endaenda, ta longo ouwa ndele a velula aveshe venya va li mepangelo laSatana, osheshi Kalunga okwa li pamwe naye.

OILONGA YOVAYAPOSTOLI 4:27

Osheshi moshilando eshi omwa ongalela mo shili, Herodes naPontius Pilatus pamwe novapaani, novanhu vaIsrael ova twa ondubo nomumwoye omuyapuki Jesus, ou we mu vaeka,

2 OVAKORINTO 5:10

Osheshi ofyeni atusheni tu nokuholoka kolukalwatokolo laKristus, opo keshe tuu ou a pewe osho e shi longa molutu, ngeenge ouwa ile owii.

OVATOKOLIPANGELI 5:31

“Ovatondadi voye aveshe, Omwene, osho ve nokukombwa po! Ndelenee ava ve mu hole, ove li ngaashi etango tali piti meenghono dalo.” Noshilongo sha tulumukwa omido omilongo nhee.

1 SAMUEL 12:13

Ohamba omwe i hoolola, mwe i hala, oyei hano, ndele taleni, Omwene e mu pa ohamba.

1 SAMUEL 12:17

Paife ndishi efimbo leteyo? Ame ohandi ka indila kOmwene, a ngungumife ndele a lokife odula, opo mu shiive mu mone hano ounene wowii weni ou fike peni momesho Omwene, nye eshi mwe lihalela ohamba.”

1 SAMUEL 12:18

Opo nee Samuel okwa indila kOmwene, nOmwene okwa ngungumifa ndele a lokifa odula efiku tuu olo, onghee hano ovanhu aveshe va tila unene Omwene naSamuel.

1 SAMUEL 12:3

Aame ou. Hokololifei nge koshipala shOmwene nokoshipala shomuvaekwa waye. Olyelye nde mu kufa ongobe, nolyelye nde mu kufa ondongi? Olyelye nde mu fininika ile nde mu hepeka? Ndele okulyelye nda tambula ombubo i twikife omesho ange omolwayo, opo nee ame handi ke shi shunifa kunye?”

1 SAMUEL 15:28

Ndele Samuel ta ti kuye: “Onena eli Omwene okwe ku pombola mo mouhamba woye wOvaisraeli nokwe u pa mukweni ou e ku dule ouwa.

1 SAMUEL 16:1

Opo nee Omwene ta ti kuSamuel: “Fiyo onaini to nyika oluhodi omolwaSaul? Ame nde mu ekelashi aha kale vali ohamba Ovaisraeli. Yadifa oshanga yoye omaadi u ye. Ame ohandi ku tumu kuIsai Omubetlehem, osheshi movana vaye ovamati, Ame nde lihoololela ohamba.”

1 SAMUEL 7:10

Osheshi fimbo Samuel ta yambe exwikiloyambo nOvafilisti va ehena popepi va lwife Israel, mefiku tuu olo Omwene okwa ndundumifa ondaka inene kombada yOvafilisti, ndele Ye e va dongakanifa fiyo va tewa kOvaisraeli.