1 SAMUEL 2:1 - Ombibeli Iyapuki

¹ Opo nee Hanna okwa ilikana ndele ta ti: “Omutima wange otau kuwilile mOmwene. Oluvinga lange ola yeluka pombada mOmwene. Okanya kange ka makukila ovatondadi vange, osheshi ame ohandi nyakukilwa ekwafo loye!

1 SAMUEL 2:1 ပူးပေါင်းရင်းမြစ်များ

2 OMAFIMBO 20:27

Opo nee ovalumenhu aveshe vomuJuda novomuJerusalem naJosafat komesho yavo va shuna nehafo kuJerusalem. Osheshi Omwene e va hafifa molwovatondadi vavo.

NEHEMIA 11:17

NaMattanja yaMikka yaSabdi yaAsaf, omuwiliki weimbilo lehambelelo, ou a hovela eimbilo lehambelelo naBakbukja, omutivali moulenga mokati kovamwaina. NaAbda yaSammua yaGalal yaJedutun.

JOB 16:15

“Oshipa shange nde shi hondjela oshikutu sheefya, oluvinga lange nde li twa medu.

OMAPSALOME 118:14

Omwene Oye eenghono dange neimbilo lange, Ye okwa ninga omuxupifi wange.

OMAPSALOME 13:5

Ndelenee ame handi lineekele efilonghenda loye: omutima wange nau ka nyakukilwe ekwafo loye.

OMAPSALOME 148:14

Ovanhu vaye okwe va yelulila vali oluvinga, osho oshifimanekifi shovayuki voye aveshe, shovana vaIsrael, oshiwana shopolwamba laye. Halleluya!

OMAPSALOME 18:2

Omwene Oye emanya lange la pama, nohotengulu yange, nomuxupifi wange. Kalunga kange Oye omhunda yange yehondamo oko handi tondokele, Oye oshikelelifo shange, noluvinga lexupifo lange, nohote ya kolelela.

OMAPSALOME 20:5

Opo nee twa hala okukalukila efindano, nomedina laKalunga ketu omo hatu dungadungifa omapandela etu; Omwene na shakenife omaindilo oye aeshe.

OMAPSALOME 21:2

Omahalelo omutima woye Ove we i pa, naashi omilungu dayo da indila, ino shi i shilika. Sela

OMAPSALOME 35:9

Opo nee omwenyo wange tau hafele mOmwene nokunyakukilwa exupifo laye.

OMAPSALOME 51:15

Omwene, makukifa omilungu dange, okanya ka udife efimano loye.

OMAPSALOME 71:8

Okanya kange oke yadi ehambelelo loye, nefimaneko loye omafiku aeshe.

OMAPSALOME 75:10

Omaluvinga aeshe ovalundakani, nda hala oku a tetaula po, neembinga dovayuki ohandi di tumbu pombada.

OMAPSALOME 89:17

Osheshi Oove etumbalo lavo nepameko lavo, molwoku tu hokwa kwoye oluvinga letu ola yeluka pombada;

OMAPSALOME 89:18

osheshi oikelelifo yetu, oyOmwene, nohamba yetu, oyo Omuyapuki waIsrael.

OMAPSALOME 89:24

Oudiinini wange nouwanghenda wange tau kala pamwe naye, nomedina lange oluvinga laye nali yeluke pombada.

OMAPSALOME 9:14

oilonga yefimano loye alishe opo ndi shiive oku i hepaulula, ndi shiive okunyakukilwa exupifo loye moivelo yokakadona kaSion.

OMAPSALOME 92:10

Ndelenee oluvinga lange oto li tumbifa pombada ngaashi olomhanda, owa vaeka nge nomaadi mapelela;

EXODUS 15:1

Opo nee Moses nOvaisraeli ova imba nokufimaneka Omwene eimbilo eli; ndele vo ova tya ngaha: “Ame nda hala okwiimbila efimano lOmwene, osheshi Ye omufimanekwa pombada. Onghambe nomulondi wayo Ye okwe mu undwila mefuta.

EXODUS 15:21

NaMirjam okwa ya mo, te va tumbulile, ndele ta ti: “Imbileni nokufimaneka Omwene, osheshi Ye omufimanekwa pombada Eenghambe novalondi vado Ye e va undaula mefuta.”

HABAKUK 3:1

Eilikano lomuxunganeki Habakuk, paimbilo.

HABAKUK 3:18

nande ngaha, ame handi ka hafela Omwene, ame handi ka kuwilila Kalunga kexupifo lange.

LUKAS 1:69

ndele okwe tu tumbila oluvinga lexupifo omeumbo laDavid, omupiya waye,

OVAROMA 5:11

Ndele hasho ashike, ndele ohatu lifimanekele Kalunga omolwOmwene wetu Jesus Kristus mwaau twa mona ekwatakanifo.

DEUTERONOMION 33:17

Eembinga doshiveli shongobe yaye yomhedi di li ngaashi eembinga donyati. Nado ye ta ka nata po oiwana, heeno, aishe kumwe fiyo okominghulo dounyuni. Ndele ava omayovi omulongo omuEfraim naava omayovi omuManasse!”

OVAFILIPPI 3:3

Osheshi ovapiti vetanda vashili ofye ava hatu longele Kalunga mOmhepo yaKalunga nohatu litangele Kristus Jesus, fye itatu lineekele ombelela,

OVAFILIPPI 4:4

Hafeni alushe mOmwene! Navali handi ti: Hafeni!

OVAFILIPPI 4:6

Kaleni muhe na nande oshisho shasha, ndelenee oufyoona weni u shiivifileni Kalunga momailikano nomomaindilo pamwe nomapandulo,

1 PETRUS 1:8

Oye ou mu mu hole, nande inamu mu mona, naau mwe mu itavela, nande kamu mu wete paife ndele mwa hafa nokushambukwa nehafo hali nyenge okutumbulwa nola yela shili,

EHOLOLO 18:20

“Shi nyakukilweni, eulu novayapuki novayapostoli novaxunganeki, osheshi Kalunga okwe shi tokola noku shi kwatela onghone molweni.”

1 SAMUEL 1:6

Nomukwao okwe mu shinda nokushindilila e mu handukife, shaashi Omwene okwa fitika po oshidalelo shaye.

1 SAMUEL 1:7

Nosho ngaha sha ningwa omudo nomudo, ye eshi a ya kongulu yOmwene. Osho ngaha winya e mu handukifa, onghee Hanna a lila ndele ina hala okulya sha.