1 SAMUEL 19:5 - Ombibeli Iyapuki

⁵ ye okwe liyandja mefyo nokwa dipaa Omufilisti, nOmwene okwa pa Ovaisraeli aveshe efindano linene. Ove we shi mona ndele wa hafa. Omolwashike hano wa hala okunyona mokutilashi ohonde ihe netimba nokudipaa David, nande ehe noushima?”

1 SAMUEL 19:5 ပူးပေါင်းရင်းမြစ်များ

2 SAMUEL 23:10

ye okwa fikama nokwa dipaa Ovafilisti fiyo eke laye la loloka neke laye la kanyatela keongamukonda, onghee hano mefiku tuu olo Omwene e va pa efindano linene. Novakwaita va aluka ve mu shikula ashike okwoongela oixuulwa.

1 OMAFIMBO 11:14

Ndelenee ye okwa ya a kale pokati kombinga oyo yepya, nokwe i alula, ndele ta taataa Ovafilisti; osho ngaha Omwene e va pa efindano linene.

1 OMAFIMBO 11:18

Opo nee ovakwanyati vatatu va honyaeka monhanda yOvafilisti ndele va teka omeva mondungu yaBetlehem ya li poshivelo, ndele ve a humbata nove a eta kuDavid. Ndele ye ina hala oku a nwa. Okwe a tila shi poshi, kokufimaneka Omwene,

OMAPSALOME 109:5

Ouwa ove u alulila nge owii, noutondwe molwohole yange.

OMAPSALOME 119:109

Omwenyo wange alushe wa tenanana meke lange, ndele itashi dimbwifa nge omhango yoye.

OMAPSALOME 25:3

Heeno, nande umwe ou te ku teelele, ita ka fifwa ohoni. Ovaamuki epwanga aveke tava ka fifwa ohoni.

OMAPSALOME 69:4

Ava tava tondo nge epwanga, ovahapu, ve dule omuvalu weexwiki dange, ovatondi vange otava dulu nge eenghono, tava kondjifa nge ndihe noushima, vo tava ti, nandi fute, eshi inandi shi nyeka ko.

OMAPSALOME 94:21

Ove lipaka kumwe okunangela omwenyo womuyuki, nohonde ei ihe netimba, otave i tokolele okufya.

EXODUS 14:13

Ndelenee Moses okwa nyamukula ovanhu, ndele ta ti: “Inamu tila nande! Kaleni mu neyombamo mu tale exupifo li fike peni Omwene te li mu ningile nena eli. Osheshi ngaashi tamu mono ko Ovaegipiti nena eli, itamu ke va mona ko vali fiyo alushe.

JEREMIA 26:15

Ndelenee shimwe ashike mu kale mu shi shii, ngeenge tamu dipaa nge, otamu litwike ohonde ihe netimba, noshilando eshi noonakukalamo otamu va kwatifa ohonde oyo, osheshi Omwene okwa tuma nge shili kunye, ndi mu udifile eendjovo edi adishe momatwi eni.

MATEUS 27:24

Ndele Pilatus eshi a mona ehe na eshi ta dulu, ndele epiyaano ola ninga linene, okwa kufa omeva ndele okwe likosha komake aye moipafi yongudu ndele ta ti: “Ame nghi netimba lohonde yomulumenhu ou omuyuki. Litaleni nye vene.”

MATEUS 27:4

ndele ta ti: “Ame nda nyona, eshi nda kengelela ohonde ihe netimba.” Ndele vo ova tya: “Otu na shike naave? Likwafa ove mwene!”

JOHANNES 15:25

Ndelenee, ondjovo ei ya shangwa momhango yavo oi nokuwanifwa: ‘Ovo va tonda nge ongaho.’

OILONGA YOVAYAPOSTOLI 20:24

Ndele ame kombinga yange nghi na nasho komwenyo wange, shamha tuu handi wanifa nehafo okweenda kwange noshilonga eshi nde shi pewa kOmwene Jesus, ndi hepaululile evaengeli longhenda yaKalunga.

OVAFILIPPI 2:30

osheshi omolwoshilongo shaKristus oye hanga a fya, eshi a yandjela nge omwenyo waye a yakule nge ponhele yeni.

OVAHEBERI 2:3

hano fye ohatu i ngahelipi onhapo, ngeenge hatu dini exupifo linene li fike apa, la udifwa tete kOmwene ndele la pamekwa kwaava ve li uda, ndele tave li fikifa kufye,

OVATOKOLIPANGELI 12:3

Naame eshi nda mona kutya nye itamu kwafa ame nde liekelela, ndele nda ya kovana vaAmmoni. NOmwene okwe va yandja meke lange. Omolwashike hano nye mwa homona nge paife mu lwife nge?”

OVATOKOLIPANGELI 9:17

onye ava tate e mu lwila nokwe liekelela omwenyo waye molweni, ndele e mu xupifa momake Ovamidian,

1 SAMUEL 11:13

Ndelenee Saul ta nyamukula: “Mefiku tuu eli itapa dipawa omunhu, osheshi nena eli Omwene a xupifa Israel.”

1 SAMUEL 14:45

Ndelenee ovakwaita va pula Saul: “Jonatan ota ka fya mbela, ou a etela Israel exupifo linene li fike apa? Alala! Oshili, ngaashi Omwene e nomwenyo, nande oluxwiki limwe lokomutwe waye itali ka wila poshi! Osheshi ye e shi ninga nena pamwe naKalunga.” Osho ngaha hano ovanhu va mangulula Jonatan mokufya.

1 SAMUEL 19:6

Ndele Saul okwa uda Jonatan ndele Saul okwa ana ta ti: “Oshili, ngaashi Omwene e nomwenyo, ye ita ka dipawa!”

1 SAMUEL 20:32

Ndele Jonatan okwa nyamukula xe Saul ndee ta ti: “Omolwashike ye e nokudipawa? Okwa ninga shike?”

1 SAMUEL 22:14

Opo nee Ahimelek ta nyamukula ohamba nde ta ti: “Ndelenee olyelye mokati kovapiya voye e shii okulineekelwa ngaashi David, oshitenya shohamba, ndele a ninga omukulunhu wovanangeli voye ndele a fimanekwa meumbo loye?

1 SAMUEL 28:21

Ndelenee omukainhu okwa ya kuSaul; ndele ye eshi a mona nokutya, Saul a haluka unene, ye okwa tya kuye: “Tala, omupiya woye omukainhu e ku uda ndele a yandja omwenyo waye mefyo, ndele a pwilikina eendjovo doye we di mu lombwela.