1 SAMUEL 19:23 - Ombibeli Iyapuki

²³ Opo nee ye okwa ya kuNajot puRama. NOmhepo yaKalunga ye uya nomuye yo, onghee ye okwa enda ta xunganeke fiyo a fika kuNajot puRama.

1 SAMUEL 19:23 ပူးပေါင်းရင်းမြစ်များ

OMAYELETUMBULO 16:9

Omutima womunhu tau diladila ondjila yaye, ndelenee Omwene ta endifa eenghatu daye.

OMAYELETUMBULO 21:1

Omutima wohamba u li meke lOmwene ngaashi omakungulukilo omeva. Ye ote u endifa keshe apa a hala.

NUMERI 23:5

Opo nee Kalunga okwa tula ondjovo mokanya kaBileam ndee ta ti: Shuna kuBalak, ndele osho ngaha u noku mu lombwela:

NUMERI 24:2

Ndele Bileam eshi a mona Ovaisraeli meenhanda pamapata avo, Omhepo yaKalunga ye uya kombada yaye.

MATEUS 7:22

Efiku olo vahapu otava ti kwaame: ‘Omwene, Omwene, hafye tuu ovo twa xunganekele medina loye notwa ta mo eendemoni medina loye notwa longa oilonga ihapu yeenghono medina loye?’

JOHANNES 11:51

Ndele eshi ine shi tonga muye mwene, ndele shaashi okwa li omupristeli omukulunhu omudo winya, okwa xunganeka, Jesus oku nokufila oshiwana,

1 OVAKORINTO 13:2

Nonande ondi kale ndi noshali yokuxunganeka nondi shiive oiholekwa aishe nondi kale ndi neshiivo alishe, ndele nande ondi kale ndi neitavelo alishe lokudikula eemhunda, ndelenee ame nghi nohole, ame nghi fi sha.

1 SAMUEL 10:10

Vo eshi ve uya kuGibea, ongudu imwe yovaxunganeki ye mu shakeneka, nOmhepo yaKalunga ye uya kombada yaye, opo ye a xunganeka mokati kavo.

1 SAMUEL 10:12

Ndelenee umwe womovalumenhu venya okwa nyamukula ta ti: “Xe olyelye?” Onghee osho sha ninga eyeletumbulo: “NaSaul yo oku li movaxunganeki hamba?”

1 SAMUEL 10:6

Ndele Omhepo yOmwene tai uya kombada yoye, opo naave yo to ka xunganeka ndele to lunduluka omunhu omupe.

1 SAMUEL 18:10

Mefiku la shikula omhepo ii ya tumwa kuKalunga ya hanga Saul, onghee hano ye okwa li ta pwidauka mouhamba waye, fimbo David ta shiki okaxumbafeta ngaashi shito Ndele Saul okwa li e neonga meke laye.

1 SAMUEL 19:18

Ndelenee David okwa ya onhapo nokwa xupifwa, ndele te uya kuSamuel muRama, ndele okwa hepaululila Samuel ashishe eshi Saul e shi mu ningila. Opo nee ye a ya pamwe naSamuel ndele va kala muNajot puRama.

1 SAMUEL 19:20

Opo nee Saul a tuma ovatumwa va ka tale ko David. Ndelenee vo eshi va mona ongudu yovaxunganeki tava xunganeke, Samuel e va kwata komesho, Omhepo yaKalunga ya hanga ovatumwa vaSaul, navo yo va xunganeka.

1 SAMUEL 19:22

Ndele naye mwene yo okwa ya kuRama ndele e uya komufima munene puSegu, ndee ta pula ta ti: “Samuel naDavid ove li peni?” Vo ova nyamukula: “OmuNajot puRama.”