1 SAMUEL 18:6 - Ombibeli Iyapuki

⁶ Ndele vo eshi ve uya keumbo, naDavid yo okwa aluka, eshi a dipaa Omufilisti, ovakainhu va pita mo moilando aishe yaIsrael va ka shakeneke Saul nokukuwilila nokutanha noungoma nokwiimba omaimbilo ehafo nouxumbafeta noivela tai kwelengedja.

1 SAMUEL 18:6 ပူးပေါင်းရင်းမြစ်များ

2 SAMUEL 1:20

Inamu shi hepaulula muGat, inamu shi vilikila momapandavanda aAskelon, ovana oukadona vOvafilisti vaha hafe, ovana oukadona vaava inava pita etanda vaha kuwilile!

2 SAMUEL 6:5

Ndele David neumbo alishe laIsrael ola shika ouxumba ve lili nave lili vomuti womusipresi koshipala shOmwene, nokutya ouxumbafeta neenyalilo noungoma noungedjo nomanghuma.

OMAPSALOME 149:3

Nava fimaneke unene pombada edina laye nokutanha, vo ve mu shikile eengoma nouxumbafeta.

OMAPSALOME 68:11

Omwene okwa yandja ondjovo, ongudu inene yovakainhu tai twala ondaka yefindano:

OMAPSALOME 68:25

Ovaimbi otava tetekele, novashiki vouxumbafeta otava shikula ko, nomokati kavo otamu ende oukadona tava shiki oungoma.

EXODUS 15:20

NaMirjam omuxunganeki omumwaina waAron, okwa kufa ko okangoma meke laye. Novakainhu aveshe va enda naye ve noungoma.

EXODUS 15:21

NaMirjam okwa ya mo, te va tumbulile, ndele ta ti: “Imbileni nokufimaneka Omwene, osheshi Ye omufimanekwa pombada Eenghambe novalondi vado Ye e va undaula mefuta.”

JESAJA 30:32

Ndele edengo keshe le mu sheyelwa, eshi Omwene te mu denge, eengoma doivela nouxumbafeta otava shikwa, ndele Ye ote mu lwifa, ta lwifa nokudungadunga okwooko.

OVATOKOLIPANGELI 11:34

Ndele Jefta eshi e uya kuMispa popepi neumbo laye, omona waye okakadona, okwa pita mo e mu shakeneke, ta tanhe ta nhuka, ta shiki okaxumba. Ye okwa li omona waye ewifa, ehe nomona omumati ile okakadona ponho yaye.

1 SAMUEL 18:5

Ndele David okwa ya keshe apa Saul e mu tuma, ndele ye okwa li e nelao, onghee hano Saul e mu lenga a ninge omukulunhu wovakwaita. Osho sha wapalela ovanhu aveshe novapiya vaSaul yo.