1 SAMUEL 18:3 - Ombibeli Iyapuki

³ Opo nee Jonatan okwa panga oukaume naDavid, shaashi ye e mu hole ngaashi omwenyo waye mwene.

1 SAMUEL 18:3 ပူးပေါင်းရင်းမြစ်များ

2 SAMUEL 21:7

Ndelenee ohamba ya fila onghenda Mefiboset yaJonatan yaSaul, omolweano kOmwene, la li pokati kaDavid naJonatan yaSaul.

OMAYELETUMBULO 18:24

Omulumenhu e nookaume vahapu ta ka mona oluhepo, ndelenee ope nookaume ve dule ovamwaina ovalumenhu mokulineekelwa.

1 SAMUEL 19:1

Ndele Saul okwa popya naJonatan novapiya vaye aveshe nokutya, David e nokudipawa. Ndelenee Jonatan, omona waSaul okwa hokwa unene David.

1 SAMUEL 20:41

Fimbo omupiya ta i keumbo, David okwa kala ofika langhele kombinga yonhumba yomamanya ndee ta wile poshi ta tu oshipala shaye pedu ndele te linyongamene lutatu. Opo va fipafana komilungu ndele va lila aveshe. David okwa lila nokulililila.

1 SAMUEL 20:42

Ndele Jonatan ta ti kuDavid: “Inda nombili. Eendjovo odo tuu odo ngaashi twe di ana medina lOmwene ndele twa tile: Omwene ta ka kala ondobwedi pokati ketu naave nopokati koludalo letu naloye fiyo alushe.” Ndele ye okwa fikama ndee ta i; ndelenee Jonatan okwa ya koshilando.

1 SAMUEL 22:8

Nye amushe eshi mwa hangakena nge ndele kapa li nande umwe a hololela nge nokutya, omona wange a panga oukaume nomona waIsai ndele nande umwe munye ina yavala nge nokuhololela nge nokutya, omona wange okwa xwameka omupangelwa wange a hondjaunine nge, ngaashi shi li nena eli.”

1 SAMUEL 23:18

Opo nee vo vavali va panga oukaume koshipala shOmwene. Ndele David a kala muHores, ndelenee Jonatan okwa shuna keumbo laye.