1 SAMUEL 18:17 - Ombibeli Iyapuki

¹⁷ Saul okwa lombwela vali David: “Omona wange okakadona oshiveli Merab ou, ohandi mu ku pe a ninge omwalikadi woye. Kala ashike omukwaita ndele diinina oita yOmwene.” Osheshi Saul a diladila: Eke lange lihe mu kume, ndelenee eke lOvafilisti nali mu kume.

1 SAMUEL 18:17 ပူးပေါင်းရင်းမြစ်များ

2 SAMUEL 11:15

Ndele ye okwa shanga onhumwafo ndele tai ti: “Tula Uria monhele yokomesho molwoodi lipyu. Opo nee tamu shuna lwanima, opo ye a dipawe molwoodi omo.”

2 SAMUEL 12:9

Omolwashike wa dina ondjovo yOmwene mokulonga osho inashi yuka momesho aye? Uria, Omuheti, ove we mu dipaa neongamukonda, nomwalikadi waye we mu kufa a ninge omwalikadi woye, eshi we mu dipaifa eongamukonda lovana vaAmmoni.

2 SAMUEL 6:16

Oshikefa shOmwene eshi she uya moshilando shaDavid, Mikal yaSaul okwa talela mombululu yekende ndele ta mono ohamba David ta tanha nokunhuka moipafi yOmwene. Ndele ye e mu dina momutima waye.

OMAPSALOME 12:2

Otava popyafana oipupulu namukwao, nomokupopya omilungu davo odi nomufenhu, nomitima davo di li pavali.

OMAPSALOME 55:21

Eendjovo dokanya kaye oda fa di nomulyo, mboli momutima waye omu noita. Elaka laye oliwa, li nomufenhu ngaashi omaadi, ndelenee olo omikonda da pweywa mo.

OMAYELETUMBULO 26:24

Omutondadi te lidimbwifa nomilungu daye, ndelenee meni laye ta diladila omakengelelo.

OMAYELETUMBULO 26:25

Ondaka yaye ngeenge te i shitukifa ondaka yohole, ino mu lineekela, osheshi oixuna iheyali i li momutima waye.

OMAYELETUMBULO 26:26

Outondwe nande tau liholeke mokukengelela, owii wao tau hololwa moshiongalele sheongalo.

NUMERI 21:14

Onghee tamu tiwa membo loita yOmwene: “Vaheb muSufa, nomafilu aArnon,

NUMERI 32:20

Opo nee Moses ta ti kuvo: “Ngeenge tamu ningi ngaha nongeenge tamu longekidilwa oita koshipala shOmwene,

NUMERI 32:27

Ndelenee ovapiya voye, aveshe ava va longekidilwa oita, otava ka homona koshipala shOmwene, omwene wetu ngaashi a popya.”

NUMERI 32:29

Ndele Moses okwe va lombwela: “Ovana vaGad novana vaRuben ngeenge tava tauluka Jordan pamwe nanye nokutya, aveshe ava va longekidilwa oita koshipala shOmwene nedu olo tali ningi oshipangelwa sheni, va peni hano edu laGilead oshitukulwafyuululwa shavo.

DEUTERONOMION 17:7

Ovahepaululi nave mu yelulile tete omake avo oku mu dipaa po, opo nee omake ovanhu aveshe. Dima po owii mokati keni.

1 SAMUEL 14:49

Novana ovamati vaSaul va li: Jonatan naJisvi naMalkisua, nomadina ovana vaye oukadona vavali: edina lomukulunhu la li Merab, nedina londenge la li Mikal.

1 SAMUEL 17:25

Novalumenhu Ovaisraeli tava ti: “Omu wete omulumenhu ou ta di oko? Ye te uya okusheka Israel. Nohamba tai ka yandja komulumenhu ou te mu dipaa oupuna muhapu. Ndele tai mu pe omona wayo okakadona a ninge omwalikadi waye, ndele te mu mangulula mo mokuyandja efendelo.”

1 SAMUEL 17:36

Omupiya woye a dipaa onghoshi nemwangha, nOmufilisti ou ina pita etanda ta ka ningwa naanaa ngaashi imwe yomwaadinya, shaashi ye a sheka omatanga ovakwaita vaKalunga.

1 SAMUEL 17:47

Opo nee ongudu ei inene tai ka shiiva nokutya, Omwene ita xupifa neongamukonda neonga. Osheshi olwoodi olOmwene, ndele Ye ote ke mu yandja momake etu.”

1 SAMUEL 18:21

Osheshi Saul a diladila: Ame ohandi ke mu yandja kuye, ye a ninge omwiyo waye, opo eke lOvafilisti li mu kume. Onghee hano Saul okwa lombwela David lutivali: “Ove to dulu okukala oshitenya shange.”

1 SAMUEL 18:25

Opo nee Saul ta ti: “Lombweleni David mu tye: Ohamba inai hala oyoonda imwe, oipa efele limwe yeenhele doulumenhu Ovafilisti, oyo aike opo ovatondadi vohamba va handukilwe.” Saul okwa diladila nokutya, David ta ka dipawa keke lOvafilisti.

1 SAMUEL 18:27

David okwa fikama nokwa ya novalumenhu vaye, ndele va dipaa ovalumenhu omafele avali Ovafilisti. Ndele David okwa eta oipa yeenhele doulumenhu wavo, ndele e i yandja ya wana kohamba, opo a shiive okuninga oshitenya shohamba. Opo nee Saul a yandja kuDavid omona waye okakadona Mikal a ninge omwalikadi waye.

1 SAMUEL 25:28

Dima po hano etimba lomupiya woye omukainhu, osheshi Omwene ota ka dikila shili omwene wange eumbo tali kalelele, osheshi omwene wange ta shingi oita yOmwene nomokukala kwoye akushe inamu monika owii.

1 SAMUEL 30:26

David eshi e uya kuSiklag, okwa kufa imwe yomoixuulwa nokwe i tuma kovakulunhu vaJuda, kovakwanepata vaye, ndele ta ti: “Oyo oshali yeni yomoixuulwa yovatondadi vOmwene.”