1 SAMUEL 17:8 - Ombibeli Iyapuki

⁸ Ndele ye okwa ehena ko ndee ta ingida ta ti kOvaisraeli ava va tanda ombinga ndee te va lombwele: “Omolwashike mwe uya mu tande ombinga? Ame ndishi Omufilisti, nye ovapiya vaSaul? Hoololeni omulumenhu umwe ne uye kwaame.

1 SAMUEL 17:8 ပူးပေါင်းရင်းမြစ်များ

2 SAMUEL 11:11

Ndele Uria ta ti kuDavid: “Oshikefa naIsrael naJuda ve li momatwali nomwene wange Joab novapiya vomwene wange va onga onhanda moluhaela. Ame ndi ye ngeno meumbo lange ndi lye ndi nwe nondi nangale nomwalikadi wange? Oshili, ngaashi ove u nomwenyo, nongaashi omwenyo woye u nomwenyo, ame ihandi ke shi ninga.”

1 OMAFIMBO 21:3

Ndele Joab ta ti: “Omwene na hapupalife ovanhu vaye lwefele ve dule ava ve li po paife. Omwene wange ohamba, ovanhu aveshe ovapiya voye. Omolwashike ohamba ya hala okuvalula oshiwana noku shi vela ombedi?”

1 SAMUEL 17:23

Ndele fimbo ta popi navo, Omufilisti wokuGat, edina laye Goliat, ou a deuka mokulwa, okwa dja mongudu yOvafilisti, ndee ta popi eendjovo tuu dinya, ndele David e di uda.

1 SAMUEL 17:26

Opo nee David a pula ovalumenhu ava va kala ofika puye ndee ta ti: “Omulumenhu ou ta dipaa Omufilisti ou, ndee ta kombo po ohoni muIsrael, ota ka pewa shike? Osheshi Omufilisti ou ina pita etanda, omushike ngeno, eshi ta sheke omatanga ovakwaita vaKalunga omunamwenyo?”

1 SAMUEL 8:17

Yo otai ka kufa oitimulongo moimuna yeni, nye vene tamu ka kala ovapika vayo.