1 SAMUEL 17:51 - Ombibeli Iyapuki

⁵¹ Opo nee David a tondoka unene nokwa kala ofika pOmufilisti nokwa kufa eongamukonda laye, e li pweya mo moshilaleko nokwe mu dipaa, ndele okwa teta ko nalo omutwe waye. Ovafilisti eshi va mona nokutya, omuladi wavo a fya, ova ya onhapo.

1 SAMUEL 17:51 ပူးပေါင်းရင်းမြစ်များ

2 SAMUEL 23:21

Ye okwa dipaa yo Omuegipiti omutongolume, nokwa li neonga lefo linene. Benaja okwe mu ponokela nodibo yaye yomutwe wakula, ndele te mu nyeka eonga laye, nokwa dipaa Omuegipiti neonga laye mwene.

2 SAMUEL 4:7

Vo ova ya meumbo laye fimbo ye ta nangala mombete yaye monduda yokunangala, ndele ve mu dipaa ndele va teta ko omutwe waye, ndele tava ende oufiku aushe nondjila yomoluhaela,

ESTER 7:10

Ndele va endjelelifa Haman komuti wokumangeleka mo, ou ye e u dikila Mordekai, nehandu lohamba la lota.

OVAHEBERI 11:34

va dima po eenghono domundilo, va ya onhapo eememo domaongamukonda, va ninga ovanaenghono moungone wavo, novaladi molwoodi, va taataa po eengudu dovakwaita dovanailongo.

OVAHEBERI 2:14

Hano ngaashi ounona va ninga ombelela nohonde, naye yo okwa kwatafana navo opanghedi tuu oyo imwe, opo a hanaune po nefyo laye ou a kala e nepangelo lefyo nokutya, Satana,

1 SAMUEL 17:50

Osho ngaha hano David okwa finda Omufilisti noshiumbifo nokamanya. Ndele okwa dipaa Omufilisti noshiumbifo nokamanya, Ndele okwa dipaa Omufilisti nande meke laDavid kamwa li nande eongamukonda.

1 SAMUEL 21:10

Ndele David okwa fikama mefiku tuu olo nokwa dja po onhapo Saul ndele e uya kuAkis, ohamba yaGat.

1 SAMUEL 21:9

Opo nee omupristeli ta ti: Eongamukonda laGoliat, Omufilisti ou we mu dipaa mefilu laEla, opo li li, la tonyenwa moshikutu shokombada kwinya konima yoshikutu shokomapepe. Ngeenge owa hala oku li kufa po, li kufa po hano, osheshi ponho yalo kape na oiti imwe apa. Opo nee David ta ti: “Kape na limwe li dule olo, li pe nge hano.”

1 SAMUEL 31:9

Ndele va teta ko omutwe waye ndele va kufa po oiti yaye ndele ve i tuma koshilongo shOvafilisti i etele oikalunga yavo novanhu ondaka yehafo.