1 SAMUEL 17:47 - Ombibeli Iyapuki

⁴⁷ Opo nee ongudu ei inene tai ka shiiva nokutya, Omwene ita xupifa neongamukonda neonga. Osheshi olwoodi olOmwene, ndele Ye ote ke mu yandja momake etu.”

1 SAMUEL 17:47 ပူးပေါင်းရင်းမြစ်များ

2 EEHAMBA 5:15

Opo nee ye naaveshe ava ve mu shikula, ova piluka va ya komulumenhu waKalunga, nokwa ya mo ndele ta kala ofika koshipala shaye ndele ta ti: “Tala, paife ndi shi shii nokutya, kombada yedu alishe kape na Kalunga kamwe, omuIsrael amuke. Tambula hano oshali komupiya woye.”

2 OMAFIMBO 14:11

Ndele Asa okwa ifana Omwene Kalunga kaye, ndele ta ti: “Omwene, kape na nande umwe ta dulu okukwafa ngaashi Ove pokati komunaenghono naau ehe neenghono. Omwene Kalunga ketu, tu kwafa, shaashi hatu liameke kwoove, ndele medina loye twe uya okulwa nongudu oyo. Omwene, Oove Kalunga ketu. Ino efa omunhu e ku dule.”

OMAPSALOME 46:11

Omwene weengudu dovakwaita oku li pamwe nafye, Kalunga kaJakob Oye ohotemanya yetu ya pama. Sela

JESAJA 9:7

Epangelo laye tali ningi linene, nombili itai xulu po okolukalwapangelo laDavid nomouhamba waye, opo Ye e u kanghameke noku u pameka netokolo nouyuki okefiku eli nofiyo alushe. Ouladi waKalunga, Omwene womatanga ovakwaita otau ke shi ninga.

HOSEA 1:7

Ndelenee eumbo laJuda ohandi ke li filonghenda; ndele ohandi va xupifa okekwafo lOmwene Kalunga kavo. Ndele Ame ihandi ke va xupifa nouta ile neongamukonda ile noita, neenghambe ile novalondi veenghambe.”

SAKARIA 4:6

Opo nee ye okwa nyamukula ndele ta ti kwaame: “Ondjovo yOmwene kuSerubbabel oyei, nokutya: Hakeenghono ile kefininiko, ndelenee okOmhepo yange, Omwene womatanga ovakwaita ota ti.

OVAROMA 8:31

Ohatu ti ngahelipi hano apa? Kalunga ngeenge e tu ama, olyelye ta tu ondubo nafye?

OVAROMA 8:37

Ndelenee mwaai aishe ohatu findi nokufindilila omolwaau e tu hole.

JOSUA 10:8

Ndele Omwene okwa lombwela Josua ta ti: “Ino va tila, osheshi Ame ohandi ke va yandja meke loye. Ndele pehe na nande umwe womuvo ta ka dula okulipopila moipafi yoye.”

1 SAMUEL 14:6

Opo nee Jonatan a lombwela omupiya waye, ou a humbata oiti yaye ndee ta ti: “Ila, tu ye popepi netanga lenangelo laava inava pita etanda. Kashiimba Omwene te tu ningile sha, osheshi Omwene iha nyengwa okuxupifa neenghono daava vahapu ile daava vanini.”

1 SAMUEL 18:17

Saul okwa lombwela vali David: “Omona wange okakadona oshiveli Merab ou, ohandi mu ku pe a ninge omwalikadi woye. Kala ashike omukwaita ndele diinina oita yOmwene.” Osheshi Saul a diladila: Eke lange lihe mu kume, ndelenee eke lOvafilisti nali mu kume.