1 SAMUEL 17:18 - Ombibeli Iyapuki

¹⁸ Ndelenee omingome edi omulongo domashini di twaalela omukulunhu weyovi, ndele u nokupula nhumbi ovamwaxo ve li, ndele pewa oshidimbulukifo kuvo u shi ete.

1 SAMUEL 17:18 ပူးပေါင်းရင်းမြစ်များ

GENESIS 37:13

Opo nee Israel okwa lombwela Josef ta ti: “Ovamwaxo otava lifa oimuna popepi naSekem.” Ila, ndi ku tume kuvo. Ndele ye okwe mu nyamukula ta ti: “Aame ou!”

GENESIS 37:14

Opo nee ye okwe mu lombwela ta ti: “Inda hano u ka tale ovamwaxo nhumbi ve li, noimuna nhumbi i li, opo u aluke u shiivifile nge.” Osho ngaha hano ye okwe mu tuma a dja mefilu laHebron ndele te uya kuSekem.

2 SAMUEL 17:29

nomaadi eenyiki, omashini a ota, eedi noikuki yomashini va lye, osheshi va diladila David novanhu vaye ve nondjala ndele va loloka ndele va kwatwa kenota mombuwa.

ESTER 2:11

Ndele efiku keshe Mordekai okwa enda mehale longulu yovakainhu a shiivifilwe ngeenge Ester oku li nawa ndele nonhumbi ta ningwa.

JOB 10:10

Ove wa tilashi nge ngaashi omashini, ndele wa pameka nge ngaashi omashini a ota.

EXODUS 18:7

Opo nee Moses okwa fikama po a ka shakeneke xemweno, ndele ye okwe linyongamena nokwe mu fipa komilungu. Ndele vo ova kundafana nhumbi ve li ndele va ya mofaila.

OILONGA YOVAYAPOSTOLI 15:36

Ndele eshi pa pita omafiku, Paulus okwa lombwela Barnabas: “Tu yeni, tu shuneni koilando inya aishe, twa li twa udifila mo eendjovo dOmwene, tu ka tale ovamwatate nhumbi ve li.”

OVATOKOLIPANGELI 18:15

Vo ova tengunuka ndele ve uya keumbo lomulumenhu omunyasha, Omulevi, kongulu yaMika, ndele tave mu kundu.

1 SAMUEL 16:20

Ndele Isai okwa kufa ondongi nomungome nombao yomaviinyu nokakombwena, ndele te i tumu pamwe nomona waye David kuSaul.

1 SAMUEL 17:19

Ndele Saul naavenya novalumenhu aveshe Ovaisraeli va lwifa Ovafilisti mefilu laEla.”

1 SAMUEL 25:5

a tuma ovamati omulongo, ndele David ta ti kovamati: “Indeni kuKarmel, ndele indeni kuNabal, ndele mu puleni medina lange nhumbi e li.

1 SAMUEL 30:21

David eshi e uya kovalumenhu omafele avali venya va li va loloka inava shiiva okushikula David, ava va fiwa po pokamulonga kaBesor, vo ova fikama va ka shakeneke David novakwaita vaye, ava va li puye. Ndele David novakwaita vaye va ehena popepi ndele ve va kunda.