1 SAMUEL 17:12 - Ombibeli Iyapuki

¹² Ndelenee David okwa li omona wOmuefrat womuBetlehem shomuJuda, edina laye Isai. Ye okwa li e na ovana ovamati vahetatu, ndele pefimbo laSaul omulumenhu ou okwa li a kulupa, omido daye da li dihapu.

1 SAMUEL 17:12 ပူးပေါင်းရင်းမြစ်များ

GENESIS 35:19

Osho hano Rakel okwa fya. Ndele ye okwa pakwa pondjila yokuya kuEfrat, nokutya Betlehem.

2 SAMUEL 23:1

Edi eendjovo daxuuninwa daDavid. David yaIsai, omulumenhu ou a lengwa unene kuKalunga, omuvaekwa waKalunga kaJakob, nomwiimbi womapsalome muwa waIsrael:

OMAPSALOME 132:6

Tala, otwe shi uda muEfrata, notwe shi mona mehenene laJaar:

MIKA 5:2

Ndele oove Betlehem Efrata, oove munini mokati komapata aJuda, mwoove tamu ka dja ou, ta ka ninga Omupangeli muIsrael. Nehovelo laye oloshitonale, heeno, olomoukwaalushe.

MATEUS 1:6

Ndele Isai okwa dala ohamba David. David okwa dala Salomo nomwalikadi waUria.

MATEUS 2:1

Ndele Jesus eshi a dalelwa muBetlehem shomuJudea omounyuni wohamba Herodes, tala, ovanongo vokoushilo ve uya kuJerusalem,

MATEUS 2:6

‘Naave yo Betlehem medu laJuda, haave munininini mokati kovapangeli vomuJuda, osheshi mwoove tamu di Omwene ou ta lifa oshiwana shange shaIsrael.’ ”

RUT 1:2

Edina lomulumenhu oElimelek, nedina lomwalikadi waye Naomi, nomadina ovana vaye ovamati vavali: Mahlon naKiljon. Vo Ovaefrat vomuBetlehem shomuJuda, ndele ve uya medu laMoab ndele oko va kala.

RUT 4:17

Novalikadi ovashiinda ve ka luka ndele tava ti: “Naomi a dalelwa okaana okamati!” Ndele ve ka luka Obed. Ye oye xe yaIsai, xe yaDavid.

RUT 4:22

naObed oye xe yaIsai, naIsai oxe yaDavid.

1 SAMUEL 1:1

MuRamataim omwa li omulumenhu Omusufi, wokeemhunda daEfraim, edina laye Elkana yaJeroham yaElihu yaTohu yaSuf Omuefrat.

1 SAMUEL 16:1

Opo nee Omwene ta ti kuSamuel: “Fiyo onaini to nyika oluhodi omolwaSaul? Ame nde mu ekelashi aha kale vali ohamba Ovaisraeli. Yadifa oshanga yoye omaadi u ye. Ame ohandi ku tumu kuIsai Omubetlehem, osheshi movana vaye ovamati, Ame nde lihoololela ohamba.”

1 SAMUEL 16:18

Ndele umwe womovapiya okwa nyamukula ta ti: “Tala, ame nda mona omona umwe omumati waIsai, Omubetlehem, ou e shi okushika okaxumbafeta, ndele ye ependa nomukwaita nomunongo mokupopya nokwa shitwa nawa, nOmwene oku li pamwe naye.”

1 SAMUEL 17:11

Saul nOvaisraeli aveshe eshi va uda eendjovo odo dOmufilisti, ova haluka ndele va tila unene.

1 SAMUEL 17:58

Ndele Saul te mu pula: “Omunyasha oove omona walyelye?” Ndele David ta ti: “Omona womupiya woye Isai, Omubetlehem.”