1 SAMUEL 16:7 - Ombibeli Iyapuki

⁷ Ndelenee Omwene ta lombwele Samuel: “Ino tala olupe laye nomufika waye, osheshi Ame inandi mu hokwa. Osheshi hasho shi li ngaashi omunhu ta tale. Osheshi omunhu ta tale osho shokombada, ndelenee Omwene ta tale omutima.”

1 SAMUEL 16:7 ပူးပေါင်းရင်းမြစ်များ

GENESIS 4:5

ndele Ye ina tala Kain noiyandjiwa yaye. Opo nee Kain okwa handuka unene, ndele ta fidimike oshipala shaye.

2 SAMUEL 14:25

Ndele muIsrael ashishe inamu kala omulumenhu nande umwe e nondjelo iwa nomutangwa ngaashi Absalom. Okudja koshififinwa fiyo opokati komutwe waye kamu nombudi yasha.

2 SAMUEL 7:20

Ndelenee omupiya woye David ote ke ku lombwela vali shike ngeno? Osheshi, Omwene Kalunga, omupiya woye ou mu shii.

1 EEHAMBA 8:39

uda eilikano laye. Va pwilikina meumbo loye lomeulu; va dimina po, Ove auke wa shiiva omadiladilo momitima womunhu. Ningila keshe umwe ngaashi e lilongela,

1 OMAFIMBO 17:18

Omupiya woye David ota dulu okupopya shike vali molwefimano we li mu pa? Osheshi omupiya woye ou mu shii.

1 OMAFIMBO 28:9

Ndele ove, omumwange Salomo, Kalunga kooxo, kala u mu shii, noku mu longela nomutima aushe nomwenyo u nehalo liwa, osheshi Omwene ta panapana omitima adishe nediladilo keshe lomomwenyo ye e li shii. Ove ngeenge to mu kongo, oto ke mu mona. Ndelenee ngeenge to mu liteeka, Ye ote ku ekeleshi fiyo alushe.

2 OMAFIMBO 16:9

Osheshi omesho Omwene taa tale edu alishe, opo a kwafe neenghono ovo have liameke kuye nomutima aushe. Moshinima eshi wa ninga oushima, osheshi okudja paife tapa ka kala oita naave.”

2 OMAFIMBO 6:30

uda eilikano laye. Va pwilikina meumbo loye lomeulu; va dimina po, Ove auke wa shiiva omadiladilo momitima dovanhu. Ningila keshe umwe ngaashi e lilongela,

JOB 10:4

Ove u nomesho opambelela mbela? Ove ho tale mbela ngaashi omunhu ha tale?

JOB 35:5

Tala keulu u tale, tala oilemo tai kala kombada yoye penya.

OMAPSALOME 139:2

nande ndi li omutumba, ile nda fikama, owe shi shiiva; omadiladilo ange ou a uditile kokule;

OMAPSALOME 7:9

Xulifa oumbudi wovakolokoshi, Ove pameka ofika yovayuki voye, Oove omukonakoni womitima noweefiyo, Kalunga omuyuki.

OMAYELETUMBULO 15:11

Oshovafi nonhele yehanauno oya yeuluka koshipala shOmwene, unene hano omitima dovana vovanhu.

OMAYELETUMBULO 16:2

Eendjila adishe domulumenhu oda yela momesho aye, ndelenee Omwene ta konakona eemhepo.

OMAYELETUMBULO 24:12

Ove ngeenge to ti: “Tala, twa li inatu shi shiiva”, Ye, ou ha konakona omutima, ine shi didilika? Naau ta nangele omwenyo woye, e shi shii. Ndele Ye ota pe omunhu pailonga yaye.

OMAYELETUMBULO 31:30

Onhemokainhu kai shii kulineekelwa. Ouwa womukainhu tau xulu po. Omwalikadi ou ha tila Omwene na hambelelwe.

JEREMIA 11:20

Ndelenee, akutu, Oove, Omwene womatanga ovakwaita, Oove omutokoli omuyuki, omukonakoni weefiyo nowomutima. Shi itavela, ndi tale onghone yoye yoku va handukila, osheshi onde ku kandulila oihokolola yange.

JEREMIA 17:10

Aame Omwene, Ame ohandi konakona omutima nokuyeleka eefiyo, opo ndi va pe keshe umwe shi fike pokweenda kwaye noshi fike poiimati yoilonga yaye.

JEREMIA 20:12

Ndelenee, Omwene womatanga ovakwaita, Ove ou to konakona omuyuki, oho tale neefiyo nomutima. Itavela, ndi mone ehandu loye kuvo, osheshi eyukifilo moshinima shange onde li ku efela.

LUKAS 16:15

Ndele opo Ye okwe va lombwela: “Onye tuu ovo hamu lipe ouyuki moipafi yovanhu, ndelenee Kalunga e wete omitima deni, osheshi osho sha fimana povanhu, osho oixuna puKalunga.

JOHANNES 7:24

Inamu tokola pashipala, tokoleni etokolo la yuka.”

JOHANNES 8:15

Nye otamu tokola pambelela, Ame ihandi tokola nande oumwe.

OILONGA YOVAYAPOSTOLI 1:24

opo nee va ilikana tava ti: “Omwene, Oove ou wa shiiva omitima daaveshe, tu ulikila elipipo mwaava vavali we mu hoolola,

2 OVAKORINTO 10:10

Osheshi eenhumwafo daPaulus, vati, odi neenghono noda pama, ndelenee okuholoka kwaye kwopalutu okwa nyika oungone nokupopya kwaye kaku noshilonga.

2 OVAKORINTO 10:7

Taleni osho shi li komesho yeni. Ngeenge ope na ou a pama momadiladilo aye nokutya, oye owaKristus, oye na diladile muye mwene, nokutya ngaashi oye waKristus, osho nafye yo.

OVAHEBERI 4:13

Ndele kape na nande oshishitwa shimwe sha holekwa moipafi yaye, ndelenee aishe oya kala ngaho poluhaela momesho aye, kwaau tu noku mu lihepaululila.

1 PETRUS 2:4

Ileni kuye, okemanya li nomwenyo, la ekelwashi kovanhu, ndelenee la hoololwa kuKalunga, li nondilo,

1 PETRUS 3:4

ndelenee omunhu womeni womomutima omokuhaxula po kwomhepo yombili noyelimweneneno oyo i nondilo koshipala shaKalunga.

EHOLOLO 2:23

novana vaye ohandi va dipaa po sheke. Omaongalo aeshe notaa ka shiiva Aame ou, handi konakona eefiyo nomitima, ndele handi pe keshe umwe shi fike poilonga yaye.

1 SAMUEL 2:3

Inamu kala nokulitanga unene alushe. Inamu pitifa mo mokanya keni eendjovo doukolokoshi. Osheshi Omwene Oye Kalunga omushiivi waaishe. Ye ota yeleke oilonga.

1 SAMUEL 9:2

Ndele ye okwa li e nomona omumati, edina laye Saul, omulumenhu omunyasha, muwa kolutu, heeno, mokati kovana vaIsrael inamu monika nande umwe e mu dule mouwa. Oule waye okudja komapepe aye, wa li u dule ovanhu aveshe.