1 SAMUEL 16:5 - Ombibeli Iyapuki

⁵ Ndele ye ta ti: “Heeno, ombili. Nde uya ndi yambele Omwene. Liyapuleni, mu uye pamwe naame koshitelekela sheyambo.” Ndele ye okwa yapula Isai novana vaye ovamati, ndele e va ifana koshitelekela sheyambo.

1 SAMUEL 16:5 ပူးပေါင်းရင်းမြစ်များ

GENESIS 35:2

Jakob okwa lombwela eumbo laye naaveshe ava va li pamwe naye ndele ta ti: “Ekeleishi oihongwakalunga yokoilongo, ei mu kwete mokati keni, lifeteni nye mu djale oikutu imwe.

1 EEHAMBA 2:13

Opo nee Adonia yaHaggit e uya kuBatseba, ina yaSalomo. Ye okwe mu pula: “To uya tuu nombili?” Ndele okwa nyamukula: “Ombili!”

1 OMAFIMBO 12:18

Opo nee Omhepo ya yada Amasai, omukulunhu womilongo nhatu, ndele ta ti: “Fye ovoye, David, ndele twa ama kwoove, omona waIsai! Ombili. Ombili nai kale naave, nombili nai kale naava tave ku yakula, osheshi Kalunga koye te ku kwafa!” Opo nee David e va tambula ndele e va tula va ninge ovakulunhu veengudu domatanga.

JOB 1:5

Ndele omafiku oitelekela eshi a pita po, Job okwa tuma ko ndele te va yapula. Opo nee Job ta fikama ongula inene ndele ta yambe omaxwikiloyambo akeshe umwe womuvo. Osheshi Job a diladila: Ovamwange kashiimba va nyona ndele va sheka Kalunga momitima davo! Osho Job a ninga alushe.

EXODUS 19:10

Omwene okwa lombwela vali Moses ndele ta ti: “Inda kovanhu u va yapule nena nomongula, nava koshe oikutu yavo,

JOEL 2:16

Ongeleni oshiwana, yapuleni eongalo, shiveni ovakulunhu. Ongeleni ounona nouhanana! Omuhomboli na dje mo mondjuwo yaye, nomuhombolwa mondjuwo yaye.

SEFANIA 1:7

Limweneneneni koshipala shOmwene Kalunga! Osheshi efiku lOmwene li li popepi. Osheshi Omwene okwa longekida etomenoyambo ndele a yapula ovashivwa vaye.

NUMERI 11:8

Ovanhu va endaenda moku a toola, ndele ve a twila pokati komamanya ile moini ndele ve a teleka meembiya ndele va ninga nao oikuki ya yofwa. Oyo oya makelwa ngaashi oikuki yomaadi.

1 OVAKORINTO 11:28

Omunhu ne lipulapule hano, ye na lye nee komungome ou, ye na nwe meholo eli;

JOSUA 3:5

Josua okwa lombwela vali oshiwana ndele ta ti: “Liyapuleni, osheshi mongula Omwene ta ka longa oikumwifa mokati keni.”

JOSUA 7:13

Penduka! Yapula ovanhu u tye: ‘Liyapuleni ongula, osheshi Omwene Kalunga kaIsrael ta ti ngaha: Mokati keni, Israel, omu noinima ya tokolelwa ehanauno! Nye itamu dulu okulipopila moipafi yovatondadi veni fimbo inamu kufa po mokati keni oshinima sha tongolelwa ehanauno.’

1 SAMUEL 20:26

Ndele Saul ina popya sha mefiku olo, osheshi a diladila: “Kashiimba she mu ningilwa onghee ina yela. Oshili ina yela.”