1 SAMUEL 16:2 - Ombibeli Iyapuki

² Ndelenee Samuel ta pula: “Ame ohandi dulu okuya ko ngahelipi? Saul ngeenge te shi udu, ota dipaa nge.” Opo nee Omwene ta ti: “Oto i ko u nondema ndee to ti: ‘Onde uya okuyambela Omwene.’

1 SAMUEL 16:2 ပူးပေါင်းရင်းမြစ်များ

EXODUS 3:11

Ndelenee Moses okwa lombwela Kalunga ta ti: “Aame omushike ndi ye kuFarao, nondi pitife mo Ovaisraeli muEgipiti?”

MATEUS 10:16

“Tala, Ame ohandi mu tumu ngaashi eedi mokati komambungu; kaleni hano mwa lungama ngaashi omayoka nongaashi eenghuti muhe na oshipo.

LUKAS 1:34

Opo Maria ta ti komweengeli: “Eshi otashi ka ningwa ngahelipi, osheshi omulumenhu nghi mu shii?”

1 SAMUEL 16:3

Ifana Isai e uye koshitelekela sheyambo, ndele Ame ohandi ke ku shiivifila osho u noku shi ninga, ndele u nokuvaekela nge umwe, ou handi ke ku ulikila.”

1 SAMUEL 20:29

ndee ta ti: Lekele nge ndi ye ko, osheshi otu noshivilo sheyambo shepata moshilando, nomumwameme mwene a ifana nge. Ame ngeenge nda filwa onghenda koshipala shoye, lekele nge ndi ye ko ndi ka talele po ovamwameme ovalumenhu. Onghee hano ye ine uya koshililo shohamba.”

1 SAMUEL 9:12

Ndele ve va nyamukula tava ti: “Oko e li komesho yeni. Endeleleni paife, osheshi ye e uya nena moshilando, shaashi ovanhu ve neyambo nena koshikulundu.