1 SAMUEL 16:14 - Ombibeli Iyapuki

¹⁴ Ndelenee Omhepo yOmwene ya dja muSaul, nomhepo ii, ya tumwa kOmwene, ye mu hepeka.

1 SAMUEL 16:14 ပူးပေါင်းရင်းမြစ်များ

2 SAMUEL 7:15

Ndele ouwanghenda wange itau ka dja po puye, ngaashi nde u kufa puSaul, ou nda kandula po koshipala shoye.

1 EEHAMBA 22:19

Mikaia ta ti vali: “Pwilikina ondjovo yOmwene: Ame nda mona Omwene e li omutumba kolukalwapangelo laye meulu, novaengeli aveshe va kala ofika puye.

1 EEHAMBA 22:22

NOmwene okwa pula: ‘Ngahelipi?’ Ndele omhepo oye mu lombwela: ‘Ame ohandi ka ya ndi ninge omhepo yoipupulu momakanya ovaxunganeki vaye aveshe.’ Ndele Omwene okwe mu lombwela: ‘Inda u ke mu weweleke, osheshi oto ka findana.’ ”

OMAPSALOME 51:11

Ino ekela nge shi nande koshipala shoye, nOmhepo yoye Iyapuki ino i kufulula nge.

HOSEA 9:12

Heeno, nande nava kulife ovana vavo, ohandi ke ve va kufa po, paha kale nande ovanhu. Heeno, woo voovene, ngeenge handi va efa.”

OVATOKOLIPANGELI 16:20

Opo nee ye ta ti: Simson, Ovafilisti tave ku kwata! Ndele ye eshi a duduluka meemhofi daye, ye ta ti: Ame ohandi ke limangulula ngaashi shito nokulitukumuna. Osheshi ye ina shiiva nokutya, Omwene e mu efa.

OVATOKOLIPANGELI 16:29

Ndele Simson okwa papatela eengudi mbali odo da kwata ongulu, imwe e i kwata nokwooko kwokolulyo naikwao onokwooko kwokolumosho ndele ta yaamene kudo.

OVATOKOLIPANGELI 9:23

Kalunga okwa tuma ko omhepo ii, pokati kaAbimelek noonakukalamo muSekem, noonakukalamo muSekem ove liteeka Abimelek,

1 SAMUEL 11:6

NOmhepo yaKalunga ye uya kombada yaSaul, fimbo ta udu eendjovo odo, ndele ye okwa handuka shili.

1 SAMUEL 16:15

Opo nee ovapiya vaSaul ve mu lombwela: “Tala, omhepo ii ya tumwa kuKalunga, tai ku hepeke,

1 SAMUEL 16:16

Omweneumbo na lombwele ashike, opo nee ovapiya vaye ava ve li ofika koshipala shoye tava ka konga omulumenhu ou a shiiva okushika okaxumbafeta. Nomhepo ii ya tumwa kuKalunga ngeenge tai ku hange, ye e nokushika okaxumbafeta, opo nee ove to ngungumana.”

1 SAMUEL 16:23

Ndele alushe omhepo ya tumwa kuKalunga ngeenge ya hange Saul, David a kufa okaxumbafeta ndee te ka shiki. Opo nee Saul a li e udite etulumuko nouwa, nomhepo ii ye mu efa.

1 SAMUEL 18:10

Mefiku la shikula omhepo ii ya tumwa kuKalunga ya hanga Saul, onghee hano ye okwa li ta pwidauka mouhamba waye, fimbo David ta shiki okaxumbafeta ngaashi shito Ndele Saul okwa li e neonga meke laye.

1 SAMUEL 18:12

Ndele Saul okwa tila David, osheshi Omwene okwa li e mu na ndele a fiya po Saul.

1 SAMUEL 28:15

Ndele Samuel ta ti kuSaul: “Omolwashike to lipyakidile nge, eshi wa mbadukififa nge mo?” Ndele Saul ta nyamukula: “Ame ondi li moudjuu muhapu unene, osheshi Ovafilisti va homona nge, ndele Kalunga okwa efa nge ndele ita nyamukula nge sha vali movaxunganeki ile meendjodi. Onghee hano nde ku ifana u shiivifile nge nhumbi ndi nokuninga?”