1 SAMUEL 16:11 - Ombibeli Iyapuki

¹¹ Samuel okwa pula vali kuIsai: “Ovana voye ovamati ovo aveke ava?” Ndele ye ta ti: “Onghelo oyo aike ihe po natango, tala, yo oi li koufita weedi.” Opo nee Samuel ta ti kuIsai: “Tuma ko, i ka talwe ko, osheshi itatu dulu okukala omutumba poshililo fimbo yo inai uya.”

1 SAMUEL 16:11 ပူးပေါင်းရင်းမြစ်များ

2 SAMUEL 13:3

Ndelenee Amnon okwa li e na kaume, edina laye Jonadab, omona womumwaina waDavid, Simea. Ndele Jonadab okwa li omulumenhu a lungama.

2 SAMUEL 7:8

Onghee hano, lombwela omupiya wange David u tye: Omwene womatanga ovakwaita ta ti ngaha: Aame mwene nde ku kufa moufita wokulifa eedi, u ninge omukomesho woshiwana shange Israel,

1 OMAFIMBO 17:7

Onghee hano u nokulombwela omupiya wange David: ‘Omwene womatanga ovakwaita ta ti ngaha: Aame mwene nde ku kufa moufita wokulifa eedi, u ninge omukomesho wovanhu vange Ovaisraeli.

EXODUS 3:1

Ndele Moses okwa lifa oimuna yaxemweno Jetro, omupristeli waMidian. Ndelenee efiku limwe ye eshi a twalele oimuna langhele kwinya kouninginino wombuwa, okwe uya komhunda yaKalunga nokutya Horeb.

1 SAMUEL 16:10

Osho ngaha hano Isai okwa eta ovana vaye ovamati vaheyali moipafi yaSamuel, ndelenee Samuel okwa lombwela Isai: “Omwene ine va hoolola.”

1 SAMUEL 17:28

Omukulu waye Eliab, eshi e mu uda ta popi novalumenhu, Eliab okwa handukila David ndee ta ti: “Omolwashike we uya oku: Nolyelye wa fiila okaufita keedi mombuwa? Oupwidi woye nowii womutima woye ondi u shii, shaashi we uya okutala olwoodi.”