1 SAMUEL 16:1 - Ombibeli Iyapuki

¹ Opo nee Omwene ta ti kuSamuel: “Fiyo onaini to nyika oluhodi omolwaSaul? Ame nde mu ekelashi aha kale vali ohamba Ovaisraeli. Yadifa oshanga yoye omaadi u ye. Ame ohandi ku tumu kuIsai Omubetlehem, osheshi movana vaye ovamati, Ame nde lihoololela ohamba.”

1 SAMUEL 16:1 ပူးပေါင်းရင်းမြစ်များ

1 EEHAMBA 8:16

‘Okudja kefiku linya Ame nda pitifa mo medu laEgipiti oshiwana shange, inandi hoolola nande oshilando shimwe medu laIsrael ndi tungilwe mo otembeli omo ndi na okufimanekelwa, Ndelenee nde ku hoolola, ove David u pangele oshiwana shange Israel.’

2 EEHAMBA 9:1

Opo nee Elisa a ifana umwe womovalongwa vomuxunganeki ndele ta ti kuye: “Limanga moshiya, kufa oshanga ei yomaadi meke loye, ndele inda kuRamot shomuGilead.

2 EEHAMBA 9:3

Kufa hano oshanga yomaadi u a tile komutwe waye ndele to ti: ‘Omwene osho ta ti: Ame ohandi ku vaeke, u ninge ohamba yaIsrael.’ Opo nee to yeulula oshivelo ndele to faduka po, ino ongaonga.”

2 EEHAMBA 9:6

Nokwa fikama ndele ta i meumbo. Opo nee winya ta tile omaadi komutwe waye ndele ta ti kuye: “Omwene Kalunga kaIsrael osho ta ti: ‘Ame ohandi ku vaeke u ninge ohamba yovanhu vOmwene Ovaisraeli.

1 OMAFIMBO 11:3

Osho ngaha hano ovakulunhu vOvaisraeli ve uya kohamba muHebron; ndele David okwa ninga ehangano navo muHebron koshipala shOmwene. Ndele va vaeka David a ninge ohamba yOvaisraeli pandjovo yOmwene, e i lombwela Samuel.

1 OMAFIMBO 28:4

Ndelenee Omwene, Kalunga kaIsrael okwa hoolola nge mepata letu alishe, ndi ninge ohamba yOvaisraeli fiyo alushe. Osheshi a hoolola Juda a ninge omukulunhu ndele mepata laJuda okwa hoolola eumbo letu. Ndele movana ovalumenhu vatate okwa hokwa nge, opo a ninge nge ohamba yOvaisraeli aveshe.

JESAJA 11:1

Ndelenee oshitutumine otashi tutuma moshifidi shaIsai, noshitai omomudi waye, ndele tashi imi oiimati;

JESAJA 11:10

Ndelenee mefiku tuu olo oiwana otai ka pula oshitutumine shomomudi waIsai, sha dikilwa oiwana aishe ngaashi epandela, monhele yetulumuko laye otai ka kala i yadi oshinge.

JESAJA 55:4

Tala, Ame onde mu lenga a ninge ondobwedi kovanhu, a ninge ohamba nomupangeli koiwana.

JEREMIA 11:14

Ndele ove ino ilikanena ovanhu ava, u twale ondaka yoye pombada oku va popila nomailikaneno, osheshi Ame itandi va udu, ngeenge tava kuwile nge ekwafo omolwoshiponga shavo.

JEREMIA 15:1

Ndele Omwene okwa lombwela nge: Nande Moses naSamuel va kale ofika koshipala shange, omwenyo wange itau liameke vali koshiwana eshi. Va ta po koshipala shange. Nava ye!

JEREMIA 6:30

Vo otava ka ifanwa oshisiliveli kashi noshilonga, sha ekelwashi, osheshi Omwene okwe va ekelashi.

JEREMIA 7:16

Ndelenee oove, ino ilikanena ovanhu ava oku va tumbulila omaindilo, u fininike nge, osheshi Ame itandi ku udu.

SAKARIA 4:14

Ndele Ye ta ti: “Ovo ovavaekwa vavali hava kala ofika koshipala shOmupangeli wedu alishe.”

OVAROMA 15:12

Navali Jesaja ota ti: “Otaku di oshitutumine shaIsai, naau ta fikama a pangele oiwana yovapaani, ndele omuye oiwana yovapaani tai tula mo eteelelo lavo.”

OVAHEBERI 11:32

Ndele ohandi ti shike vali? Osheshi efimbo otali ka pwila nge po, ngeenge handi hepaulula Gideon, Barak, Simson, Jefta, David naSamuel novaxunganeki,

1 JOHANNES 5:16

Omunhu ngeenge ta mono omumwaxe ta longo oulunde kau fi oulunde wokufya, oye ne mu ilikanene, ndele Ye ote mu pe omwenyo nokutya, ava itava longo oulunde wokufya. Oku nomatimba oo okufya, havo handi tongo, va ilikanenwe.

1 SAMUEL 10:1

Ndele Samuel okwa kufa oshanga yomaadi nokwe a tila komutwe waye nokwe mu fipa komilungu ndele ta ti: “Omwene e ku vaeka u ninge ohamba yovanhu vaye Ovaisraeli.

1 SAMUEL 15:11

“Ame nda nyika oluhodi, eshi nda ninga Saul ohamba, osheshi okwe liteeka nge ndele ina wanifa eendjovo dange.” Opo nee Samuel a ninga omwenyo mwii nokwa kuwa kOmwene oufiku aushe.

1 SAMUEL 15:23

Osheshi okuhadulika okwo etimba ngaashi enyanekelo, nokwaanya oko owii nokufimaneka oikalunga. Ove eshi wa ekelashi ondjovo yOmwene, naye e ku ekelashi yo, uha kale vali ohamba.”

1 SAMUEL 15:26

Ndelenee Samuel ta ti kuSaul: “Ame itandi ka shuna naave, shaashi wa ekelashi ondjovo yOmwene ndele paife Omwene e ku ekelashi, ito kala vali ohamba yOvaisraeli.”

1 SAMUEL 15:35

Ndele Samuel ina mona vali Saul fiyo efiku lefyo laye, osheshi Samuel a nyika oluhodi omolwaSaul. NOmwene okwe livela ombedi molwaSaul, eshi e mu ninga ohamba yOvaisraeli.

1 SAMUEL 16:15

Opo nee ovapiya vaSaul ve mu lombwela: “Tala, omhepo ii ya tumwa kuKalunga, tai ku hepeke,

1 SAMUEL 16:23

Ndele alushe omhepo ya tumwa kuKalunga ngeenge ya hange Saul, David a kufa okaxumbafeta ndee te ka shiki. Opo nee Saul a li e udite etulumuko nouwa, nomhepo ii ye mu efa.

1 SAMUEL 17:12

Ndelenee David okwa li omona wOmuefrat womuBetlehem shomuJuda, edina laye Isai. Ye okwa li e na ovana ovamati vahetatu, ndele pefimbo laSaul omulumenhu ou okwa li a kulupa, omido daye da li dihapu.

1 SAMUEL 9:16

“Mefimbo tuu eli mongula Ame ohandi ke ku tumina omulumenhu umwe womoshilongo shaBenjamin, ou u noku mu vaeka a ninge ohamba yovanhu vange Ovaisraeli. Ndele ye ota ka xupifa ovanhu vange momake Ovafilisti. Osheshi Ame nda dimbulukwa ovanhu vange, shaashi onghuwo yavo ya fika kwaame.”