1 SAMUEL 15:3 - Ombibeli Iyapuki

³ Inda hano paife u ka taatae Ovaamaleki ndele mu nokuhanauna po ashishe ve shi kwete. Ndele ino va fila onghenda, ndelenee u nokudipaa omulumenhu nomukainhu, okaana nokahanana, ongobe nodi, ongamelo nondongi.”

1 SAMUEL 15:3 ပူးပေါင်းရင်းမြစ်များ

GENESIS 36:12

Ndele Timna okwa li omwalikadi wopomunghulo waElifas, omona waEsau. Ndele ye okwa dalela Elifas Amalek. Ovo ovana vamati vaAda, omwalikadi waEsau.

2 SAMUEL 1:8

Opo nee ye ta pula nge: ‘Oove lyelye?’ Ndele ame nde mu nyamukula: ‘Aame Omuamalek.’

EXODUS 17:14

Opo nee Omwene okwa lombwela Moses: “Eshi shi shangela membo shi ninge edimbulukifo ndele shi dimbulukifa shili Josua nokutya, Ame ohandi ka komba po sheke edimbuluko laAmalek kombada yedu.”

EXODUS 20:5

“Ino linyongamena moipafi yayo ndele ino i longela. Osheshi Aame Omwene Kalunga koye, Aame Kalunga omuladi, ou ta kongolola omanyono ooxe kovana fiyo okepupi etitatu netine, kwaava hava tondo nge.

NUMERI 24:20

Ndele ye eshi a tala Amalek, okwa tumbula etumbulo eli ndee ta ti: “Amalek sha li shotete shomoiwana, ndelenee exulilo lasho ehanauno.”

NUMERI 31:17

Hano dipaeni po oulume aveshe vomokati kounona. Dipaeni yo omukainhu keshe ou a nangala nomulumenhu.

JOSUA 10:39

Nokwe shi ta pamwe nohamba yasho noilando aishe yasho. Ndele vo ove va dipaa neongamukonda, neemwenyo adishe da li mo ve di yapulila ehanauno. Inapa xupa nande umwe a ya onhapo. Ngaashi a ningila Hebron, osho a ningila yo Debir nohamba yasho ngaashi a ningila Libna nohamba yasho.

1 SAMUEL 14:48

Ye okwa li ependa: okwa taataa Amalek ndele ta xupifa Israel momake omufininiki washo.

1 SAMUEL 15:18

Nomwene okwe ku tuma mondjila ndee ta ti: ‘Inda u ka hanaune po ovalunde Ovaamaleki u va lwife fiyo va pwa po.’

1 SAMUEL 15:9

Ndelenee Saul novakwaita va xupifa Agag needi diwelela unene neengobe naado diwa kanini noudjona naashishe eshi shiwa, inava hala oku shi hanauna po. Ndelenee oinima aishe yongaho noihe na vali oshilonga shasha, ove i hanauna po.

1 SAMUEL 22:19

Noonakukalamo muNob, oshilando shovapristeli va dipawa neongamukonda, omulumenhu nomukainhu, okaana nokahanana, neengobe yo neendongi needi.

1 SAMUEL 27:9

Ndele alushe David ngeenge a homona oshilongo, ye ina efa nande omulumenhu umwe ile omukainhu umwe a kale nomwenyo, ndele okwa kufa oimuna neengobe neendongi neengamelo noikutu; ndele ye eshi a aluka nokwe uya kuAkis,

1 SAMUEL 30:17

Ndele David okwe va taataa okudja koshiwiwili shonguloshi fiyo onguloshi yefiku la shikula, inapa xupifwa nande umwe ponho yovamati omafele ane, ava va londa eengamelo ndele va ya onhapo.