1 SAMUEL 15:26 - Ombibeli Iyapuki

²⁶ Ndelenee Samuel ta ti kuSaul: “Ame itandi ka shuna naave, shaashi wa ekelashi ondjovo yOmwene ndele paife Omwene e ku ekelashi, ito kala vali ohamba yOvaisraeli.”

1 SAMUEL 15:26 ပူးပေါင်းရင်းမြစ်များ

GENESIS 42:38

Ndelenee ye ta ti: “Omumwange ita i pamwe nanye, osheshi omumwaxe okwa fya, noye aeke a fyaala po. Nongeenge oshiponga tashi mu hange mondjila oyo tamu ende nayo, opo nee nye otamu twala eexwiki dange deenghwakutoka noluhodi moshovafi.”

2 SAMUEL 12:9

Omolwashike wa dina ondjovo yOmwene mokulonga osho inashi yuka momesho aye? Uria, Omuheti, ove we mu dipaa neongamukonda, nomwalikadi waye we mu kufa a ninge omwalikadi woye, eshi we mu dipaifa eongamukonda lovana vaAmmoni.

2 SAMUEL 7:15

Ndele ouwanghenda wange itau ka dja po puye, ngaashi nde u kufa puSaul, ou nda kandula po koshipala shoye.

JEREMIA 6:19

Edu pwilikina! Tala, ovanhu ava ohandi va umbu omupya, owo oshiimati shomadiladilo avo, osheshi vo inava pwilikina eendjovo dange nomhango yange ve i ekelashi!

HOSEA 13:11

Mehandu lange ohandi ku pe ohamba, nomoupyuhandu wange handi i kufa po.

HOSEA 4:6

Oshiwana shange tashi ka kombwa po omolwoulai washo. Ove eshi wa ekelashi okushiiva, ohandi ke ku ekelashi, opo uha kale vali nokuyakula nge moshilonga shoupristeli. Osheshi ove wa dimbwa omhango yaKalunga koye, naame yo ohandi ka dimbwa ovamwoye.

OILONGA YOVAYAPOSTOLI 13:22

Ndele eshi ye e mu shundula, okwe va tumbila David, a ninge ohamba, ngaashi Ye e mu tonga, ta ti: ‘Ame onda mona David, omona waIsai, omulumenhu nde mu hokwa komutima wange, ndele ye ota wanifa ehalo lange alishe.’

2 JOHANNES 1:11

Osheshi ou te mu kundu, oye ta kwatafana noilonga yaye ii.

1 SAMUEL 13:14

Ndelenee paife ouhamba woye itau ka kalelela. Omwene okwe likongela omulumenhu pahokwe yomutima waye. NOmwene okwe mu ninga ohamba yoshiwana shaye, osheshi ove ino diinina osho Omwene e shi ku lombwela.”

1 SAMUEL 15:23

Osheshi okuhadulika okwo etimba ngaashi enyanekelo, nokwaanya oko owii nokufimaneka oikalunga. Ove eshi wa ekelashi ondjovo yOmwene, naye e ku ekelashi yo, uha kale vali ohamba.”

1 SAMUEL 15:31

Opo nee Samuel okwa shuna nokwa shikula Saul. Ndele Saul okwe linyongamena Omwene.

1 SAMUEL 16:1

Opo nee Omwene ta ti kuSamuel: “Fiyo onaini to nyika oluhodi omolwaSaul? Ame nde mu ekelashi aha kale vali ohamba Ovaisraeli. Yadifa oshanga yoye omaadi u ye. Ame ohandi ku tumu kuIsai Omubetlehem, osheshi movana vaye ovamati, Ame nde lihoololela ohamba.”

1 SAMUEL 2:30

Onghee hano Omwene Kalunga kaIsraeli ta ti: ‘Ame nde shi tonga shili nokutya, eumbo loye neumbo laxo tali ka enda koshipala shange fiyo alushe.’ Ndelenee paife Omwene ta ti: ‘Ahowe, shi dalelwe! Osheshi ava hava fimaneke nge, Ame ohandi ke va fimaneka. Ndelenee ava tava dini nge, otava ka dinika.

1 SAMUEL 28:18

Osheshi ove ino dulika kondaka yOmwene ndele ino wanifa oupyuhandu waye mOvaamaleki, onghee hano Omwene e ku ningila nena oshinima eshi.